Skessuhorn - 06.04.2022, Blaðsíða 22

MIÐVIKUDAGUR 6. APRÍL 202222
Dagur í lífi...

Nafn: Sylvía Rós Helgadóttir
Fjölskylduhagir/búseta: Ég bý á
Hóli í Hvalfjarðarsveit með manni
mínum Friðjóni Guðmundssyni og
Fanneyju dóttur okkar. Við hjón-
in eigum einnig þrjá syni. Þór-
ir sá elsti býr á Selfossi með unn-
ustu sinni og tveimur dætrum. Svo
er það Anton en hann býr einnig
hér á Hóli með kærustu sinni. Þau
eru núna í Finnlandi þar sem hún
er í skóla þar. Síðan er það Guðjón
en hann býr fyrir norðan og vinn-
ur þar.
Starfsheiti/fyrirtæki: Bóndi á Hóli
og keyri eldri borgara einu sinni til
tvisvar í viku í vatnsleikfimi og á
opið hús fyrir þá.
Áhugamál: Það er svona sitt lítið
af hverju. Útivera, prjónaskapur,
skartgripagerð og bý stundum til
prjónamerki.
Dagurinn: 31. mars 2022
Klukkan hvað vaknaðir þú og
hvað var það fyrsta sem þú gerð-
ir: Ég vaknaði tíu mínútur í sex, fór
í fötin og labbaði út í fjós.
Hvað borðaðir þú í morgunmat:
Hafragraut.
Fyrstu verk í vinnunni: Hita
mjólkina fyrir kálfana og gefa þeim.
Hvað varstu að gera klukkan 10:
Var á leiðinni að keyra eldri borgara
í vatnsleikfimi.
Hvað gerðirðu í hádeginu: Var
að koma heim frá því að keyra úr
vatnsleikfiminni.
Hvað varstu að gera klukkan 14:
Það var misjafnt, svona sitt lítið
af hverju. Þvo þvott og ganga frá
þvotti.
Hvenær hætt og það síðasta sem
þú gerðir í vinnunni: Það síðasta
sem ég gerði var að þrífa mjólk-
urhúsið eftir fjósverkin og var að
koma inn svona um klukkan 19.
Hvað gerðirðu eftir vinnu: Fór
heim og skipti um föt.
Hvað var í kvöldmatinn: Það voru
kótilettur sem Fanney var búin að
elda fyrir okkur.
Hvernig var kvöldið: Það var nú
bara rólegt.
Hvenær fórstu að sofa: Svona upp
úr klukkan 22.30.
Hvað var það síðasta sem þú
gerðir áður en þú fórst að hátta:
Nú, ég fór að bursta tennur og fleira
áður en maður skreið upp í rúm.
Hvað stendur upp úr eftir daginn:
Nú, bara góður dagur.
Eitthvað að lokum: Uuuu, nei það
held ég ekki svo ég segi bara takk
fyrir mig.
Bónda í Hvalfjarðarsveit
Þriðjudaginn 12. apríl verður
haldinn fyrirlestur um keltnesk orð
og örnefni í Nýsköpunar- og frum-
kvöðlasetri Dalabyggðar í Búðar-
dal. Þar mun Þorvaldur Friðriks-
son, fornleifafræðingur og fyrrver-
andi fréttamaður, segja frá rann-
sóknum sínum á keltneskum arfi
Íslendinga.
Þorvaldur tekur t.d. fyrir spurn-
inguna um merkingu nafnanna
Ljárskóga, Fáskrúðs og Baulu.
Ennfremur fer hann yfir rann-
sóknir sem gerðar hafa verið á
erfðaefni og leitt hafa í ljós að stór
hluti landnámsmanna voru Keltar.
Íslensk tunga er nokkuð keltnesku
skotin og að því leyti ólík dönsku,
sænsku og norsku. Sem dæmi um
þetta má nefna orð eins og strák-
ur, stelpa, æska, hrútur, gemlingur,
kría og krummi. Ennfremur kem-
ur þetta fram í heitum á algeng-
ustu matartegundum Íslendinga, í
orðum eins og kæfa, bjúga, skyr og
blóðmör. Örnefni á Íslandi eru sum
óútskýranleg út frá skandinavísku,
en auðskýrð út frá írsku og skosku.
Inn í fyrirlestur Þorvaldar bland-
ast einnig skemmtilegar upplýs-
ingar um matarræði og sterka stöðu
kvenna á Íslandi sem var öðruvísi
hér en á hinum Norðurlöndunum
og er hluti af keltneskum menn-
ingararfi Íslendinga. Fyrir lesturinn
hefst klukkan 20.00 og er öllum
opinn.
gj
Tinna Ósk Grímarsdóttir og vin-
ir hennar í Team Tinna á Akra-
nesi stóðu fyrir fjölskyldubingói
í sal FVA síðastliðinn fimmtu-
dag. Sjálf hafði Tinna lagt nótt við
dag við söfnun vinninga og annan
undirbúning. Bauð hún vinahópn-
um sínum að mæta, en sá hópur er
fjölmennur og því fullt út úr dyr-
um á bingóinu. Lalli töframað-
ur var bingóstjóri og fór á kostum
og þá var einnig tónlistarflutningur
í hléi og seldar pizzur. Alls safnað-
ist um hálf milljón króna og renn-
ur afraksturinn allur til Krabba-
meinsfélags Akraness og nágrenn-
is. Sjálf er Tinna Ósk að glíma við
krabbamein en hún segist í samtali
við Skessuhorn elska að spila bingó.
Þarna hafi hún því fundið góða leið
til að skemmta sér og öðrum. Fjöl-
mörg fyrirtæki gáfu vinninga og
áttu bingóstjórarnir í raun fullt í
fangi með að útdeila öllum pok-
unum með allskyns vinningum, en
pokarnir voru á annað hundraðið.
Því voru oftast spilaðar stystu
línurnar á bingóspjaldinu og jafnvel
bætt við tölum eftir hvern vinning
til að sem flestir fengju vinninga.
Það voru því margir glaðir vinn-
ingshafar að kvöldi loknu.
mm
Erindi um
keltneskan menningararf
flutt í Búðardal
Þorvaldur Friðriksson fornleifafræðingur. Ljósm. úr safni Skessuhorns.
Hélt risabingó til stuðnings krabbameinsfélaginu