Feykir - 09.06.2021, Side 11

KROSSGÁTUSMIÐUR Páll Friðriksson
Sudoku
Krossgáta
FEYKIFÍN AFÞREYING
UMSJÓN : klara@nyprent.is
Finna skal út eitt orð
úr línunum fjórum:
Ótrúlegt - en kannski satt...
F
Brauðtertur fyrir
þjóðhátíðardaginn
Það styttist í þjóðhátíðardaginn og hvað er þjóðlegra en að skella í
brauðtertu. Hér eru þrjár uppskriftir, ein klassísk, ein sem vann til
verðlauna á Menningarnótt árið 2019 og svo skonsubrauðterta.
Mæli svo með að skella í eina um helgina til að taka smá forskot á sæluna
og ef þú nennir því ekki þá er um að gera að koma á Samgöngusafnið í
Stóragerði því þar verður boðið upp á nokkrar gerðir með súkkulaðinu
bæði þann 13. júní og á þjóðhátíðardaginn.
TERTA 1
Brauðterta með
rækjusalati
Uppskrift í þriggja laga
Ég mæli með að útbúa gumsið í
brauðtertuna kvöldið áður en
skreyta rétt áður en hún er borin á
borðið.
400 g rækjur
6 egg, skorin í eggjaskera
1 pakki af skinku, skorin í bita
350 g létt majónes
Til að skreyta þarf:
sýrðan rjóma/þeyttan rjóma
150 g létt majónes
gúrku
tómata
papríku, gula eða rauða
steinselju
vínrauð vínber
Aðferð: Takið þrjár sneiðar af
brauðtertubrauði (formbrauð
skorið langsum). Skerið skorpuna
af og reynið að hafa allar
sneiðarnar eins í laginu. Setjið
rækjur, egg, skinku og majónesið í
skál og hrærið vel saman. Setjið
eina brauðsneið á tertudisk,
smyrjið helmingnum af gumsinu
á og þekið vel brauðið, setjið aðra
brauðsneið ofan á, smyrjið
restinni á og svo síðustu
brauðsneiðina ofan á. Passið að
smyrja maukinu vel út á kantana.
Pressið svo létt ofan á efsta
brauðið til að þjappa aðeins.
Setjið poka utan um og inn í kæli.
Daginn eftir tekur maður svo
150 g af léttmajónesi og blandar
saman við hálfa dollu af sýrðum
eða þeyttum rjóma og smyr
blöndunni á brauðtertuna, bæði
ofan á og á hliðarnar. Þegar búið
er að smyrja vel á, ekki of þykkt
og ekki of þunnt, en samt þannig
að þetta þekur vel og brauðið
þorni ekki upp, þá má byrja að
skreyta.
TERTA 2
Hamingjuterta
Sólrúnar
Þessi brauðterta vann til
verðlauna á Menningarnótt árið
2019 og er það matgæðingurinn
Sólrún Sigurðardóttir úr
Grafarvoginum sem átti
vinningsuppskriftina.
400 g rækjur
5 egg
1–2 epli
1½ til 2 öskjur Philadelfia ostur
með graslauk og lauk
400 g Hellemans-majónes
1 dl sweet chili-sósa
salt og pipar
gott er að dreypa smávegis af
sítrónusafa á rækjurnar
Aðferð: Hrærið saman Philadelfia
osti saman við mæjónes og sweet
chili-sósu. Piprið og saltið.
Kreistið svolítinn sítrónusafa yfir
rækjurnar og bætið þeim í
blönduna ásamt smátt söxuðum
eplum og eggjum. Setjið
rækjusalatið á brauðtertubrauðið,
kælið í sólarhring og skreytið svo
daginn eftir að vild.
TERTA 3
Skonsubrauðterta
4 dl hveiti
3 tsk lyftiduft
1 tsk salt
2 msk sykur
4 msk matarolía
2½ dl mjólk
2 egg
Aðferð: Blandið þurrefnunum
saman í skál og bætið eggjum og
mjólkinni smátt og smátt út í.
Hrærið vel svo ekki myndist
kekkir. Að lokum er olían sett út í.
Hitið pönnu við miðlungshita og
steikið skonsurnar á báðum
hliðum, gætið þess að þær séu
bakaðar í gegn.
4-5 skonsur
½ dós af blönduðu grænmeti
hangikjötsálegg
majones eftir smekk

Aðferð: Látið vökvann renna af
grænmetinu og blandið því síðan
saman við smávegis af majónesi.
Smyrjið neðstu skonsuna með
majonesi, raðið hangikjöts-
sneiðum ofan á og smyrjið
grænmetisblöndunni yfir. Þetta er
endurtekið a.m.k tvisvar í viðbót.
Efsta skonsan er líka smurð með
majónesi og tertan skreytt.
Verði ykkur að góðu!
( FEYKIR MÆLIR MEÐ ) siggag@nyprent.is
Hamingjubrauðtertan hennar Sólrúnar Skonsubrauðterta
Feykir spyr...
Á að skella sér
á einhverja
útihátíð í sumar?
Spurt á Facebook
„Ætli ég fari ekki bara í
Húnaver eins og hèrna í
denn.“
Halldór Hlíðar Kjartansson
„Ég held ekki, en verð
vissulega á flakki um
landið hvort sem það verða
útihátíðir eða ekki í nálægð.“
Agnes Skúladóttir
„Já ég á miða á Þjóðhátíð og
stefni þangað.“
Róbert Smári Gunnarsson
„Það er ekkert ákveðið
en ef ég færi þá væri það
skyndiákvörðun tekin út frá
veðurkortinu!“
Hafrún Anna
Michael Jeffrey Jordan er af mörgum talinn einn besti körfuknattleiksmaður
allra tíma, ef ekki sá besti. Hann lék lengst af ferli sínum í NBA deildinni
með liði Chicago Bulls, en tvö síðustu árin var hann liðsmaður Washington
Wizards. Ótrúlegt, en kannski satt, þá komst hann ekki í körfuboltalið
Emsley A. Laney menntaskólans í Wilmington á unglingsárum sínum þar
sem hann var talinn of stuttur til að spila á því stigi.
Tilvitnun vikunnar
,,Frelsi er háð staðsetnngu. Það er ástand."
– Abdu´l-Bahá
SVÖR VIÐ VÍSNAGÁTUR :Botn.
LAUSN SÍÐUSTU KROSSGÁTU: Landhelgisgæslan á ferðinni
23/2021 11
Vísnagátur Sveins Víkings
Þarna dári drýldinn bjó.
Dýpst í hverjum brunni.
Innst til dala er. Og þó
aldrei í vitleysunni.