Morgunblaðið - 06.04.2022, Side 6

6 FRÉTTIR
Innlent
MORGUNBLAÐIÐ MIÐVIKUDAGUR 6. APRÍL 2022
IB ehf | Fossnes A | 800 Selfoss | ib.is
Ábyrgð og þjónusta fylgir öllum nýjum bílum frá IB
Bílar á lager
Sími 4 80 80 80
2021 GMC Denali 2500
Litur: Hvítur/ Svartur að innan (nappa leather).
Æðislegur fjölskyldubíll hlaðinn búnaði. 7 manna bíll.
Hybrid Bensín. Sjálfskiptur. 360 myndavélar.
Collision alert system.
Harman/Kardon hljómkerfi.
Tölvuskjáir í aftursæti.
VERÐ
10.390.000
2022 Chrysler Pacifica Hybrid Limited
Gullfallegur bíll í ábyrgð!
Ekinn 30.000 km. 10 gíra skipting. Auto track millikassi.
Multipro opnun á afturhlera. 35” dekk. Samlitaðir brettakantar.
Sóllúga. Rúllulok á palli. Led bar.
Tveir dekkjagangar á felgum
(sumar- og vetardekk).
VERÐ
13.990.000
Ágúst Ingi Jónsson
aij@mbl.is
Húsið við Skúlagötu 4 verður tæmt á
næstunni og starfsemi ráðuneyta
sem þar eru á efri hæðum verður flutt
annað. Matvælaráðuneytið flytur
tímabundið í nýtt húsnæði, en reikn-
að er með að samningar um það verði
undirritaðir í vikunni. Samkvæmt
heimildum Morgunblaðsins er um að
ræða húsnæði við Borgartún 26.
Ráðgert er að menningar- og við-
skiptaráðuneyti flytji í Sölvhólsgötu
7, þar sem dómsmálaráðuneytið er nú
til húsa. Síðarnefnda ráðuneytið flytji
hins vegar í Borgartún 26. Viðamikl-
um endurbótum sem staðið hafa yfir
við Skúlagötu 4 verður hraðað.
Þetta er aðeins hluti af þeim kapli
sem er í gangi með húsnæði ráðu-
neyta. Í síðustu viku var greint frá því
að félags- og vinnumarkaðsráðuneyt-
ið og heilbrigðisráðuneytið flytja á
næstunni í Síðumúla 24, en þar er um
að ræða tímabundið leiguhúsnæði.
Húsnæðið við Síðumúla er 3.100 fer-
metrar að stærð og nýja húsnæðið
við Borgartún er svipað að stærð.
Í Skógarhlíð 6 hafa ráðuneytin
tvö deilt húsnæði frá því í febrúar
2017 en þar komu fyrr í vetur upp
rakaskemmdir og mygla. Fyrirhug-
að er að ráðuneytin fái framtíðarað-
stöðu á Skúlagötu 4. Þá hefur komið
fram áhugi ríkisins á viðræðum um
kaup af Landsbankanum á norður-
húsinu við Austurbakka sem er í
byggingu.
Sveigjanleiki að leiðarljósi
Húsið við Skúlagötu 4 er sex hæð-
ir, á jarðhæð er samnýtanleg fund-
araðstaða og anddyri hússins og á
2.-6. hæð verða skrifstofuhæðir fyrir
ráðuneyti. Í byrjun árs var ákveðið
að 4.-6. hæð yrðu endurnýjaðar
samhliða framkvæmdum á 2. og 3.
hæð. Áætlað er að útboð fram-
kvæmda verði á vormánuðum.
Ekki liggja fyrir endanlegar upp-
lýsingar um kostnað, samkvæmt upp-
lýsingum frá Framkvæmdasýslunni
– Ríkiseignum. Þá er verið að endur-
skoða heildartímalínu vegna aukins
umfangs verkefnisins.
Reiknað er með að félags- og
vinnumarkaðsráðuneyti og heilbrigð-
isráðuneyti verði á 2. og 3. hæð á
Skúlagötunni að endurbótum lokn-
um. Ekki liggur fyrir hvaða ráðuneyti
muni fara á 4.-6. hæð, samkvæmt
upplýsingum frá FSRE.
Við hönnun húsnæðisins sé lagt
upp með sveigjanleika að leiðarljósi.
Örar breytingar á málaflokkum sem
ráðuneyti sinna hafi sýnt fram á mik-
ilvægi þess að húsnæði geti tekið
breytingum eftir áherslum ríkis-
stjórna hverju sinni.
Húsið við Skúlagötu 4 var reist árið
1961, eftir teikningu Halldórs H.
Jónssonar. Þar voru lengi höfuð-
stöðvar Ríkisútvarpsins og síðan
Hafrannsóknastofnunar.
Kapall með húsnæði
ráðuneyta á næstunni
- Húsið við Skúlagötu 4 tæmt - Unnið að endurbótum
Morgunblaðið/Eggert
Skúlagata 4 Breytingar eru fram undan á húsinu, sem gengur enn eina ferðina í enurnýjun lífdaga.
Helgi Bjarnason
helgi@mbl.is
Miklar breytingar verða á ásýnd
byggðarinnar í Bolungarvík með
breytingum á skipulagi og úthlutun
nýrra lóða. Mesta nýjungin er að
gert er ráð fyrir að Aðalstræti, gatan
sem flestir gestir aka um þegar kom-
ið er inn í bæinn, verði íbúðagata en
þjónustan færist að höfninni.
Skortur er á íbúðum í Bolungar-
vík, eins og víðar á Vestfjörðum.Við
því hefur bæjarstjórn brugðist með
því að skipuleggja nýtt hverfi fyrir
framtíðarbyggð. Er það svokallað
Hreggnasahverfi á láglendinu við
Hólsá, í framhaldi af núverandi
íbúðabyggð og ofan við innkeyrsluna
í bæinn. Samkvæmt deiliskipulagi
sem nú er í kynningu er gert ráð fyr-
ir 20 íbúðalóðum sem hægt væri að
byggja um 50 íbúðir á. Eru þetta ein-
býlis-, par- og fjölbýlishús. Jón Páll
Hreinsson bæjarstjóri segir að mikil
eftirspurn sé eftir einbýlishúsalóðum
og á von á að það komi fram þegar
fyrstu lóðunum verður úthlutað í
júní.
Forsendan fyrir því að búist er við
auknum áhuga á búsetu í Bolungar-
vík er að sögn bæjarstjórans að unn-
ið er að uppbyggingu laxasláturhúss
Arctic Fish, mjólkurvinnslan Arna er
að efla starfsemi sína og von er á að
Bolungarvík komist vel á kortið sem
áfangastaður ferðafólks með opnun
útsýnispallsins á Bolafjalli á komandi
sumri. Tryggja þurfi að fólkið sem
kemur til starfa geti fengið húsnæði.
Skipulagið sem nú er í kynningu ger-
ir einnig ráð fyrir uppbyggingu í
þágu ferðaþjónustu við Hreggnasa-
hverfið en hinum megin Hólsár.
Íbúðir við „breiðgötuna“
Þegar komið er til Bolungarvíkur
tekur á móti gesti breið gata með
nokkrum stórbyggingum sem hýsa
skrifstofur og verslanir helstu at-
vinnufyrirtækjanna í bænum, svo
sem eins og sjávarútvegsfyrirtækis
Einars Guðfinnssonar og bygginga-
vöruverslun Jóns Friðgeirs Einars-
sonar. Fáir íbúar voru við þessa
götu. Þetta er að breytast. Verið er
að breyta efri hæðunum í íbúðir en
verslanir og ýmis þjónusta er enn á
jarðhæð.
Unnið er að breyttu skipulagi þar
sem byggð verða að minnsta kosti
þrjú fjölbýlishús á auðum lóðum í
áðurnefndri húsaröð. Fyrstu útlits-
teikningar að húsunum voru kynntar
á fundi bæjarráðs í gær. Útlit þeirra
tekur mið af gömlum sjóbúðum sem
stóðu á þessum slóðum, svokölluðum
Fjórbúðum sem tóku nafn sitt af
fjórum burstum í röð.
Gangi áætlanir um byggingu
nýrra fjölbýlishúsa eftir verður Aðal-
stræti ein fjölmennasta íbúðagatan á
staðnum með um 100 íbúðir.
Þjónusta tengd við hafnarlíf
Síðasti þáttur í þessum breyt-
ingum á skipulagi er að byggja upp
þjónustusvæði við höfnina. Reiknað
er með að þjónusta við íbúa og ferða-
fólk færist þangað af Aðalstrætinu.
„Við ætlum að reyna að tengja þjón-
ustu, verslanir, veitingahús og ann-
ars konar þjónustustarfsemi við það
mikla líf sem er við höfnina,“ segir
Jón Páll. Mikil starfsemi er við höfn-
ina og margir bátar landa þar. Starf-
semin hefur breyst. Fyrir um það bil
áratug voru um 100 störf við beitn-
ingu í landi. Sú starfsemi hefur lagst
af og stendur stór hluti af beitninga-
skúrunum og öðru húsnæði sem not-
að var í þeim tilgangi auður. Breyt-
ingar í útgerðarháttum hafa einnig
losað annað húsnæði. „Við sjáum
mikil tækifæri í að skipuleggja starf-
semi í kringum þessi mannvirki.
Þetta verður samvinnuverkefni og
við erum jákvæð og spennt fyrir því
að fá einstaklinga og fyrirtæki með
okkur í uppbygginguna,“ segir bæj-
arstjórinn og segist þegar finna fyrir
áhuga fjárfesta á slíkum verkefnum.
956 íbúar eru í Bolungarvík, sam-
kvæmt nýustu tölum. Ef öll þessi
verkefni ganga vel verða íbúarnir
komnir yfir 1.000 íbúa markið innan
tveggja ára, að mati bæjarstjórans,
og þá þarf að setja ný markmið.
Bolungarvík breytir senn um svip
Teikning/Sei arkitektar
„Fjórbúð“ Eitt af fjölbýlishúsunum rís á auðri lóð við hlið skrifstofu- og verslunarhúss EG. Sést í inngang í það hús.
- Aðalstræti verður íbúðagata með
fjölbýlishúsum - Þjónusta við íbúa og
gesti tengist líflegri hafnarstarfsemi