Morgunblaðið - 30.04.2022, Side 6

6 FRÉTTIR
Innlent
MORGUNBLAÐIÐ LAUGARDAGUR 30. APRÍL 2022
Höskuldur Daði Magnússon
hdm@mbl.is
„Þetta er fyrsta
skrefið í að und-
irbúa þessi börn
fyrir það að
ganga í skóla í
haust. Það skiptir
máli að hlúa vel
að þeim fyrstu
mánuðina,“ segir
Jasmina Vajzovic
Crnac, leiðtogi
alþjóðateymis
velferðarsviðs
Reykjavíkurborgar. Í vikunni var
opnuð Skóla- og fjölskyldumiðstöð
fyrir úkraínsk börn og fjölskyldur
þeirra í Vesturbæ Reykjavíkur.
Miðstöðinni var fundinn staður í frí-
stundamiðstöðinni Tjörninni við
Frostaskjól. Sjö úkraínskumælandi
starfsmenn úr skólum borgarinnar
sjá um starfsemi miðstöðvarinnar
en foreldrar barnanna taka líka þátt
í starfinu.
Samkvæmt yfirliti frá ríkislög-
reglustjóra hafa nú 872 einstakling-
ar frá Úkraínu sótt um alþjóðlega
vernd á Íslandi frá áramótum.
Jasmina segir í samtali við Morg-
unblaðið að nú séu 242 komnir í
þjónustu hjá Reykjavíkurborg en af
því er um fjórðungur börn. Um eitt
hundrað manns séu um þessar
mundir í húsnæði á Vitastíg og bíða
þess að komast í varanlegt húsnæði.
„Það er hins vegar margt flóttafólk
frá Úkraínu sem vill bara vera á sín-
um eigin vegum, hefur kannski
tengingu við fólk sem var hér áður.
Við finnum fyrir því að margir
sækja til okkar þjónustu og því höf-
um við verið að ráða til okkar meira
af úkraínskumælandi starfsfólki. Við
erum að leita að enn fleiri starfs-
mönnum,“ segir hún.
Jasmina segir að flóttafólkið frá
Úkraínu sé mjög ólíkt þeim skjól-
stæðingum sem jafnan mæti vel-
ferðarsviði borgarinnar. Það fólk
hafi oft verið lengi á flótta en Úkra-
ínumennirnir komi hingað og vilji
láta til sín taka sem fyrst.
„Þetta er mjög sjálfstæður hópur,
í yngri kantinum, konur með börn
og ungt fólk. Stór hluti hópsins er
vel menntað fólk sem talar góða
ensku og er mjög sjálfbjarga. Það er
nýtt fyrir okkur. Þau vilja ekkert
hanga heldur bara finna sér vinnu.
Margir eru komnir með vinnu
nokkrum dögum eftir komuna hing-
að og eru allt í einu farnir úr úrræð-
um okkar, jafnvel komnir með íbúð.“
Búa börnin undir
skólagöngu hér
- Ný miðstöð fyrir börn frá Úkraínu
Jasmina Vajzovic
Crnac
Hólmfríður María Ragnhildardóttir
hmr@mbl.is
Mikill hiti var í nefndarmönnum á
opnum fundi fjárlaganefndar Al-
þingis sem fór fram í gærmorgun.
Bjarni Benediktsson fjármálaráð-
herra sat þar fyrir svörum um sölu á
22,5% hluta ríkisins í Íslandsbanka
sem fór fram 22. mars síðastliðinn.
Þingmenn þráspurðu ráðherra
um hæfi hans sem yfirmaður Banka-
sýslu ríkisins að samþykkja kaup-
tilboð í bankann, þar sem félag í eigu
föður hans, Hafsilfur ehf., var meðal
kaupenda. Bjarni taldi sig þó ekki
vanhæfan og vísaði meðal annars til
þess að ekki hefði verið um beina
sölu að ræða heldur útboð þar sem
búið var að skilgreina fyrir fram
hverjir gætu talist hæfir fjárfestar.
Sakaði Björn Leví um áróður
Ekki þótti þó öllum fundarmönn-
um svör ráðherra fullnægjandi.
„Bjarni, heldurðu í alvörunni að
þú komist upp með að selja pabba
þínum banka, eftir allt sem hefur
gengið á undan […] vafninginn, Sjóð
9, sendiherrakapalinn, Falson og
skýrsludótið, bara eftir allt þetta
vesen sem þú og flokkurinn er búinn
að láta þjóðina ganga í gegnum á
undanförnum áratug?“ spurði Björn
Leví Gunnarsson þingmaður Pírata.
„Allir aðrir, myndi maður halda,
stjórnmálamenn sem hafa bara snef-
il af virðingu fyrir siðmenntuðu sam-
félagi, væru búnir að segja af sér út
af hverju einasta máli í þessu,“ bætti
hann við.
Bjarni tók ekki vel í þessi orð og
sakaði Björn Leví um að halda uppi
áróðri gegn sér. Kvaðst hann jafn-
framt aldrei hafa átt í vandræðum
með að mæta kjósendum í þessu
landi eða mótframbjóðendum, og
svara fyrir sig og sín mál.
„Og nú gengum við til kosninga í
september síðastliðnum og það var
einn þingmaður sem fór með fleiri
atkvæði á bak við sig en nokkur ann-
ar sem fékk kosningu í þeim alþing-
iskosningum og það er sá sem þú ert
að tala við núna,“ sagði Bjarni.
Kannast ekki við efasemdirnar
Þá þótti einnig eftirtektarvert
þegar fjármálaráðherra sagðist ekki
kannast við að hafa haft miklar efa-
semdir í ráðherranefnd gagnvart út-
færslu sölunnar, þegar Þorbjörg
Sigríður Gunnlaugsdóttir þingmað-
ur Pírata spurði hann út í það.
Daginn áður hafði Lilja Alfreðs-
dóttir viðskiptaráðherra sagt á Al-
þingi að forsætisráðherra og fjár-
málaráðherra hefðu deilt áhyggjum
sem hún hafði áður greint frá í ráð-
herranefnd, sem vörðuðu aðferða-
fræðina sem varð ofan á við söluna á
bréfum í bankanum.
Að sögn Bjarna fór fram umræða
um kosti og galla sölunnar og fannst
honum ekki lýsandi að talað væri um
efasemdir.
Þegar Þorbjörg spurði hvort Lilja
hefði verið að fara með rangt mál
daginn áður sagði Bjarni að hann
teldi Lilju ekki hafa verið að viðra
lagalegar áhyggjur heldur pólitískar
áhyggjur af því hvernig menn geti
viðhaldið góðum stuðningi meðal
þjóðarinnar eftir því hvaða leið væri
farin.
Erfitt að stöðva lögbrot
Á fundinum var einnig rætt um
þær kröfur sem gerðar til þeirra
sem tóku þátt í kaupunum á bréf-
unum. Spurði Bjarkey Olsen Gunn-
arsdóttir, þingmaður Vinstri-
grænna og formaður fjárlaganefnd-
ar, meðal annars hvort
söluráðgjafarnir hefðu ekki notið
neins aðhalds. „Maður upplifði dálít-
ið eins og þeir væru í tómarúmi,“
sagði hún.
Bjarni sagði hlutverk ráðgjafanna
hafa verið skýrt og einfalt og ætlast
hefði verið til þess að þeir myndu
virða reglur um hagsmuni og ekki
brjóta trúnað.
„Ef slíkt hefur komið upp á þá
held ég að það hafi verið mjög erfitt
að koma í veg fyrir það fyrir fram.
Það er erfitt að koma í veg fyrir það
fyrir fram ef einhver ætlar sér eða
fer á svið við lög á hinum enda fram-
kvæmdarinnar,“ sagði hann einnig.
Þráspurðu Bjarna um útboðið
- Fjármálaráðherra sat fyrir svörum á fundi fjárlaganefndar um sölu ríkisins í Íslandsbanka - Spurðu
um hæfi ráðherrans - Bjarni kannast ekki við efasemdir - Söluráðgjafar voru með einfalt hlutverk
Morgunblaðið/Kristinn Magnússon
Íslandsbanki Þingmenn í fjárlaganefnd Alþingis héldu ekki aftur af sér á opnum fundi nefndarinnar í gær. Bjarni
Benediktsson fjármálaráðherra sat fyrir svörum um söluna í Íslandsbanka og var mikill hiti í umræðum.
„Ég treysti Bjarna Benediktssyni.
Ég starfa með honum í ríkisstjórn
og treysti honum til þess. Við erum
hins vegar búin að taka ákvörðun
um að stöðva söluferlið vegna þess
að ég treysti ekki Bankasýslunni, ég
treysti henni ekki eftir það sem á
undan er gengið,“ sagði Sigurður
Ingi Jóhannsson, innviðaráðherra
og formaður Framsóknarflokksins, í
óundirbúnum fyrirspurnartíma á
Alþingi í gær. Var hann þar að svara
spurningu Jóhanns Páls Jóhann-
sonar, Samfylkingu, um söluna á
hlut ríkisins í Íslandsbanka og hvort
hann treysti fjármálaráðherra. Tölu-
verðar umræður urðu um málið en
Þorgerður Katrín Gunnarsdóttir,
formaður Viðreisnar, spurði Sigurð
Inga m.a. af hverju hann sem for-
maður Framsóknarflokksins gerði
ekkert með viðvaranir Lilju Daggar
Alfreðsdóttur um söluferlið. Í máli
Sigurðar Inga kom fram að honum
finnist að framkvæmdin hafi mis-
tekist og að sérfræðingarnir „sem
við treystum finnst mér að hafi
brugðist“.
Treystir Bjarna en treystir ekki Bankasýslunni
ÞINGMENN SÓTTU AÐ SIGURÐI INGA UM BANKASÖLUMÁLIÐ Í ÓUNDIRBÚNUM FYRIRSPURNARTÍMA
Morgunblaðið/Eggert
Ráðherra Sigurður Ingi fékk ýmsar spurn-
ingar á Alþingi um söluna á hlut ríkisins.
SKVÍSAÐU ÞIG UPP
FYRIR SUMARIÐ
STÆRÐIR 1428
Ermalaus
Kjóll
4.99O kr
Viscose
Túnika
6.99O kr
Toppur með
A-sniði
3.99O kr
Sumarið er komið í rvy
Full búð af sætum sumarvörum
í stærðum frá 42-60 eða 14-32
Pantaðu í netverslun www.curvy.is
eða komdu við í verslun Curvy við Grensásveg
Opið alla virka daga frá kl. 11-18 og laugardaga frá kl. 11-16
Verslunin CURVY | Fellsmúla 26 við Grensásveg, 108 RVK | Sími 581-1552 | www.curvy.is