Morgunblaðið - 30.04.2022, Síða 10

10 FRÉTTIR
Innlent
MORGUNBLAÐIÐ LAUGARDAGUR 30. APRÍL 2022
BAKSVIÐ
Helgi Bjarnason
helgi@mbl.is
Bakararnir í Brauðhúsinu í Grímsbæ
hafa náð þeim árangri við þróun
brauða úr íslensku korni að þeir eru
farnir að baka brauð sem er úr ís-
lensku korni eingöngu. Ekki er vitað
til þess að matbrauð hafi áður verið
bökuð með þeim hætti, til sölu á
markaði. Brauðið er úr lífrænt vott-
uðu hveiti frá Móður Jörð í Vallanesi
og grundvallast á einstökum rækt-
unarskilyrðum korns á Austurlandi
síðastliðið sumar og góðu starfi
bændanna.
Íslenskt bygg og hveiti er nokkuð
notað við brauðbakstur en yfirleitt
hefur þurft að nota innflutt korn með
til að fá góða afurð. „Okkur hefur
lengi langað til að baka eingöngu úr
íslensku korni. Það gekk betur en
hægt var að búast við,“ segir Sigfús
Guðfinnsson bakari sem rekur Brauð-
húsið með Guðmundi bróður sínum.
Sigfús segir að þeir baki mest úr líf-
rænt vottuðu korni og mjöli frá Dan-
mörku og Svíþjóð auk íslenska hrá-
efnisins. Segir hann að minni kjarnar
séu í korni sem ræktað er hér á landi
og brauðið verði því trefjaríkara. Ef
það er ekki nógu þroskað geti orðið of
mikil ensímvirkni í mjölinu sem
skerði bökunareiginleika þess.
Steinmala kornið sjálfir
Brauðið sem þeir bræður eru að
baka úr íslensku korni er heilhveiti-
brauð. Hveitið kemur frá Móður Jörð
í Vallanesi og er lífrænt vottað. Þeir
steinmala kornið í eigin myllu og
blanda aðeins saman við vatni og ís-
lensku salti.
Sigfús segir að þeir hafi verið að
baka til reynslu og er hann ánægður
með útkomuna og segir að viðskipta-
vinirnir séu það einnig. Segir að
brauðin séu bragðgóð.
Panta annað gott sumar
Sigfús tekur fram að framhaldið
ráðist af því hvernig til takist við rækt-
un á hveiti í sumar og næstu ár. Kornið
þurfi að vera vel þroskað til þess að
hægt sé að nota það eingöngu sem hrá-
efni við bakstur á góðu brauði.
Eygló Björk Ólafsdóttir hjá Móður
Jörð segir að gæðin á hveiti hafi feng-
ist vegna hlýs og sólríks sumar í
fyrra. Þau hafi ræktað hveiti í rúman
áratug og oft með ágætis árangri en
síðastliðið sumar hafi kornið náð að
þroskast sérstaklega vel og gæðin
orðið meiri en nokkru sinni.
„Við erum búin að panta annað gott
sumar,“ segir Eygló og segir að akr-
arnir líti ágætlega út. Byrjað verði á
jarðvinnu og sáningu einhvern næstu
daga. Stefnt er að aukinni ræktun í
sumar.
Lífrænt og heilkorna
Brauðhúsið sérhæfir sig í bakstri
úr hráefnum sem eru lífrænt vottuð.
Vallanes er eini kornræktandinn hér
á landi sem hefur slíka vottun. Fleiri
rækta hveiti til sölu á neytendamark-
aði en hafa ekki þennan stimpil. Hin
áherslan hjá bakaríinu er að baka
mest úr heilkorni, þar sem ekki er bú-
ið að sigta klíðið frá. Brauðið verður
þá næringarríkara.
Baka brauð úr íslensku hveitikorni
- Bakararnir í Brauðhúsinu nota eingöngu íslenskt hráefni við bakstur á heilhveitibrauði - Fá lífrænt
ræktað hveiti frá Móður Jörð - Austfirska sumarið gaf einstaklega vel þroskað korn - Mælist vel fyrir
Morgunblaðið/Eggert
Handverksbakari Sigfús Guðfinnsson í Brauðhúsinu vigtar deigið og eftir er meiri vinna áður en sett er í ofninn.
Mölun Hveitikornið steinmala bakararnir í Grímsbæ í eigin myllu.Alíslenskt Brauðin renna út.
N Ý F O R M
H Ú S G A G N A V E R S L U N
Klassísk gæða húsgögn
á góðu verði
Strandgötu 24 | 220 Hafnarfjörður | Sími 565 4100 | nyform.is
Komið og skoðið úrvalið
GLOBL V
Hvíldarst
KRAGELUND Aya K 129
Casö 701 langborð
Stólar
Sófasett
Borðstofuborð
Skenkar/skápar
Hvíldarstólar
o.m.fl.
Borstofuhúsgön frá Casö
Mikið úrval af
hvíldarstólum
með og án
rafmagns.
Rimme frá Casö, raðau saman þinni samstæðu
Casö 230 viðartegundir nature eik og reykt eik
IKTOR
óll
KRAGELUND Handrup