Morgunblaðið - 30.04.2022, Page 14

14 FRÉTTIR
Innlent
MORGUNBLAÐIÐ LAUGARDAGUR 30. APRÍL 2022
ÚR BÆJARLÍFINU
Atli Vigfússon
Laxamýri
Vorið virðist vera komið. Kýrnar
eru farnar að velta því fyrir sér
hvenær þær geti verið úti. Þegar
sólin skín inn um gluggana láta
þær í sér heyra. Veturinn hefur
verið léttari en oft áður og girð-
ingar eru heilar ólíkt því sem var
fyrir tveimur árum. Þeir sem
stunda snjómokstur hafa haft lítið
að gera nú á útmánuðum og sums
staðar er orðið autt mánuði fyrr
en vanalega.
- - -
Sauðburður er víða hafinn og
byrjar vel. Þetta er skemmtileg-
asti tími ársins að mati margra þó
svo að svefninn sé oft í styttra
lagi. Sauðfé hefur fækkað í hér-
aðinu og útlit er fyrir enn meiri
fækkun á komandi hausti. Út-
gjaldaliðir valda mörgum áhyggj-
um. Ef ekki rætist úr má búast við
að enn fleiri sjái sér ekki fært að
halda framleiðslu áfram við þær
aðstæður sem nú eru. Þá er þessi
starfsstétt sem býr með sauðfé í
héraðinu að eldast mjög mikið.
- - -
Skógræktin býr við betri að-
stæður en hún hefur aukist jafnt
og þétt og skógarbændum hefur
fjölgað ólíkt því sem er í öðrum
búgreinum. Skjólbelti, skjólreitir
og verðandi nytjaskógar setja svip
sinn á umhverfið og eru nú þegar
til prýði á mörgum bújörðum.
Grisjun er hafin þar sem tré eru
orðin há og á bænum Hlíð í Þing-
eyjarsveit er unnið sag til þess að
selja sem undirburð fyrir búpen-
ing. Þar á bæ er nú stór stafli af
þingeyskum grenitrjám sem eiga
að fara í vinnsluna og virðast þau
hafa vaxið ótrúlega vel sé horft á
árhringina.
- - -
Sveitarstjórnarmál eru ekki
mikið rædd þó svo að kosningar
séu fram undan. Frambjóðendur í
Norðurþingi eru lítið á ferðinni og
vinnustaðaheimsóknir t.d. í fjárhús
og fjós eru líklega ekki mikið á
dagskrá. Samt má ekki útiloka það
alveg þar sem enn er nokkur tími
til stefnu. Það er skoðun margra
að þéttbýlið fái meiri athygli en
dreifbýlið og svo virðist sem hverf-
isráðin í sveitunum hafi ekki virk-
að eins og áætlað var á kjör-
tímabilinu. Eitt hverfisráð flosnaði
upp og fannst fólki þar að í stjórn-
sýsluhúsinu á Húsavík væri ekki
mikið gert með tillögur þeirra og
lítið samráð haft.
- - -
Fuglaflensan lætur lítið á sér
kræla og sé ekið um sveitirnar má
sjá hundruð ef ekki þúsundir
gæsa. Allar sprelllifandi og láta
fara vel um sig í nýræktum og
ökrum þar sem eitthvað gott og
grænt er að hafa. Sumar þeirra
eru komnar á egg og þeir sem
áhuga hafa á gæsareggjum eru
farnir að láta sjá sig á varpsvæð-
unum enda eggin mikill og góður
matur að margra mati. Hænsni
búa ekki, á mörgum bæjum, við
sama frelsi og gæsirnar því þær
eru lokaðar inni til öryggis enda
möguleiki á að þær fái flensuna og
drepist. Sama er með aliendur
sem víða eru inni en það er ekki
gott fyrir fiðurfé sem er vant að
baða sig og busla í bæjarlækjum.
Vonandi líður þetta hjá á næstu
vikum svo fuglarnir geti farið út.
- - -
Minkar hafa margir veiðst í
héraðinu á síðustu misserum. Það
er nokkuð meira af þeim en verið
hefur og því héldu fastráðnir veiði-
menn fund á dögunum til þess að
ræða meiri samvinnu og sókn í
þessum málaflokki. Ljóst er að
þrátt fyrir góðar varnir þarf að
hafa augun vel opin því alltaf virð-
ast koma ný dýr inn á svæðið úr
öðrum sýslum. Góðir minkahundar
mættu e.t.v. vera fleiri en þeir eru
mjög dýrir og það er mikil vinna
að temja þá þannig að þeir verði
öflugir til veiða. Laxársvæðið er
sérlega vel vaktað enda vernd-
arsvæði fugla. Áður en varp byrjar
er farið í alla hólma og gerð úttekt
á því hvort minkar séu þar á ferð.
- - -
Sumartunglið kviknar í dag,
30. apríl, og að þessu sinni kviknar
það í vestri. Einn bóndi í Þingeyj-
arsveit hefur alltaf miðað við
tunglið í sínum veðurspám og nú
segir hann að áttir verði breyti-
legar og líklega snjói ekki eins
mikið í maí og stundum hefur
gert. Þá vill hann meina að þetta
vor verði ekki eins kalt og í fyrra
og frostnætur færri. Vonandi ræt-
ist þetta því alltaf vilja bændur
betri tíð og blóm í haga.
Margir minkar hafa veiðst í vetur
Morgunblaðið/Atli Vigfússon
Minkaveiðimaðurinn Jón Gunnarsson á leið út í hólma í Laxá með hundana sína.
Gunnlaugur Snær Ólafsson
gso@mbl.is
Skipið Argus hefur vakið tölu-
verða athygli í Reykjavíkurhöfn
undanfarnar vikur enda stórt,
málað áberandi rauðum lit og bú-
ið sérstökum krana á þilfari.
Skipaþjónustan festi kaup á skip-
inu 9. febrúar og mun það ásamt
Mars (gamla Kleifabergi) sinna
rannsóknaleiðangri til Grænlands
þar sem leitað verður verðmætra
málma, en Mars sinnti slíkum
verkefnum á norðausturströnd
Grænlands síðasta sumar.
„Við erum að þjónusta þennan
iðnað sem er að koma undir sig
fótum. Það er verið að taka sýni
og þess háttar,“ segir Ægir Örn
Valgeirsson framkvæmdastjóri
Skipaþjónustunnar. Hann segir að
í ár sé einfaldlega meira um að
vera og það hafi kallað á annað
skip, Argus hafi mikla kosti þeg-
ar Grænlandsverkefni séu annars
vegar. „Hann er sérhannaður fyr-
ir ísinn. Hann er í ísklassa og fer
bara upp á ísinn og brýtur hann
undir sér. Hann er smíðaður fyrir
dönsk stjórnvöld á sínum tíma
fyrir siglingar við Grænland, fara
með vistir og vera baujuskip.“
Ægir Örn segir ekki hafa þurft
að breyta skipinu mikið, en að
gripið hafi verið til nokkurra lag-
færinga. „Argus er bara klár í
allt sem hann er að fara að gera
núna. Svo seinna erum við að
fara að taka ferðamenn líka á
Argusi. Hann hentar vel undir
það.“
Argus, sem er 68 metra að
lengd og 12 metra að breidd, var
smíðaður 1971 af Svendborg
skibsværft og maskinbyggeri í
Danmörku fyrir vitastofnun
landsins, Fyr- og Vagervæsenet.
Skipið var hannað með það fyrir
sjónum að það myndi sinna við-
haldi og eftirliti með baujum og
vitum í lögsögu Danmerkur og
Grænlands og sinnti slíkum verk-
efnum í rúma þrjá áratugi.
Árið 2005 var skipið selt út-
hafsþjónustufélaginu Esvagt,
dótturfélagi Maersk, og hlaut
nafnið Esvagt Alpha. Sinnti það
flutningi starfsmanna olíu-
borpalla til og frá landi í Norð-
ursjó þar til stærra og yngra
skip, Esvagt Beta, leysti það af
hólmi.
Morgunblaðið/Árni Sæberg
Sjófar Danska skipið Argus hefur verið áberandi í Reykjavíkurhöfn en Skipaþjónustan hefur eignast skipið.
Bættu við skipi vegna
málmleitar við Grænland
- Skipaþjónustan keypti Argus - Hannað fyrir siglingu í ís
Birtar hafa verið á vef þjóðkirkj-
unnar umsóknir um þrjú störf innan
kirkjunnar, sem auglýst voru laus til
umsóknar nýlega.
Biskup Íslands auglýsti fyrir
nokkru eftir presti til þjónustu í
Breiðholtsprestakalli, Reykjavík-
urprófastsdæmi eystra. Alls sóttu
fimm um en einn umsækjandi óskaði
nafnleyndar. Umsækjendur eru guð-
fræðingarnir Hilmir Kolbeins, Hjör-
dís Perla Rafnsdóttir, Laufey Brá
Jónsdóttir og séra Pétur Ragnhild-
arson.
Þá auglýsti biskup Íslands fyrir
nokkru eftir presti til þjónustu í
Austfjarðaprestakalli, Austur-
landsprófastsdæmi. Tvær umsóknir
bárust og var önnur þeirra metin
ógild. Gild umsókn barst frá Bryn-
dísi Böðvarsdóttur guðfræðingi.
Umsóknarfrestur um starf sjúkra-
húsprests eða sjúkrahúsdjákna á
Landspítala – Háskólasjúkrahúsi
rann út 22. apríl sl. en biskup hafði
auglýst starfið laust til umsóknar.
Umsækjendur eru séra Guðrún
Eggerts Þórudóttir, Hilmir Þór Kol-
beins guðfræðingur, Hjördís Perla
Rafnsdóttir guðfræðingur, séra Sig-
urður Jónsson, Sigríður Hrönn Sig-
urðardóttir guðfræðingur og Þor-
geir Albert Elíesersson
guðfræðingur.
Allar gildar umsóknir um prests-
störfin fara til valnefndar sem fer
yfir umsóknir og boðar umsækj-
endur til viðtals innan þriggja vikna
frá lokum umsóknarfrests. sis-
i@mbl.is
Fjölmargar umsóknir bárust um störf sem
auglýst voru laus innan þjóðkirkjunnar