Morgunblaðið - 30.04.2022, Side 36

36 MENNING
MORGUNBLAÐIÐ LAUGARDAGUR 30. APRÍL 2022
VS.
ENSKI BOLTINN
Í BEINNI Á MBL.IS
Í DAG
KL. 14:00
Hljómsveitin Umbra mun á morg-
un, sunnudag, flytja í heild sinni lög
af nýrri plötu, Bjargrúnum, sem
kemur út sama dag. Er það fjórða
breiðskífa Umbru sem er nýkomin
heim úr tónleikaferð til Svíþjóðar
þar sem hún kom fram á Nordic
Folk Alliance-þjóðlagahátíðinni í
Gautaborg. Platan Bjargrúnir hef-
ur að geyma íslenska þjóðlaga-
tónlist þar sem dregin er fram
staða og raunir kvenna aftur í ald-
ir, eins og segir í tilkynningu, en lít-
ið er til af heimildum þar að lút-
andi. „Ólík yrkisefni endurspegla
íslenska veðráttu, strjálbýli, hrika-
leg náttúruöfl eða áfallasögu sem
erfist milli kynslóða,“ segir þar.
Tónleikarnir fara fram í Norður-
ljósum í Hörpu klukkan 16.
Kvartett Hljómsveitin Umbra heldur útgáfutónleika í Norðurljósum í Hörpu.
Umbra fagnar útgáfu Bjargrúna
Þórarinn Blöndal myndlistar-
maður opnar í dag, laugardag, kl.
15 sýninguna Smiðjuskóg í Smiðs-
búðinni í Reykjavík. „Áform um
vegamyndina Road Thriller eru
enn í fullum gangi. Handrit er að
mótast og hefur fundið sér stað,
Smiðjuskóg í Krókdal. Ferðin var
undirbúin í þaula en voru þó furðu
lítil drög að leiðum. Hver staður
færði af sér nýja ferð, þar var
gaumgæft eftir frummyndum, leit-
að eftir slóðum og myndvísum sem
breyttu för. Kveikjan er gömul-
kunn árátta og þrá eftir póesíunni.
Þessi drög að handriti sem urðu til
í Smiðjuskógi verða nú til sýnis í
Smiðsbúðinni,“ segir í tilkynningu.
Smiðsbúðin er verkstæði og
vinnustofa gullsmiðanna Erlings
Jóhannessonar og Helgu Óskar
Einarsdóttur. Samhliða skart-
gripasmíðinni hafa ýmsir mynd-
listarmenn sýnt verk sín í rými
vinnustofunnar allt frá opnun.
Smiðsbúðin er við Ægisgarð í
Reykjavík.
Smiðjuskógur í Smiðsbúðinni
Vinnustofa Þórarinn sýnir í Smiðsbúðinni.
Strengjakvartettinn Spúttnik kem-
ur fram í tónleikaröð Breiðholts-
kirkju, 15:15, í dag kl. 15.15 og flyt-
ur efnisskrána Strengjaferð um
Evrópu. Á henni verða verk frá
ólíkum tímabilum eftir evrópsku
tónskáldin Maddalenu Lauru
Lombardini Sirmen, Zóltan Kodály,
Jean Francaix og Alexander Borod-
in. Strengjakvartettinn var stofn-
aður fyrir fjórum árum og eru með-
limir hans fiðluleikararnir Sigríður
Bjarney Baldvinsdóttir og Diljá
Sigursveinsdóttir, víóluleikarinn
Vigdís Másdóttir og sellóleikarinn
Gréta Rún Snorradóttir.
Strengjaferð um Evrópu kl. 15.15
Myndlistarkonan Jeanine Cohen opnar í dag, laugardag,
kl. 16 þriðju einkasýningu sína í Hverfisgalleríi og ber
hún yfirskriftina Innra rými. Cohen er belgísk og fæst við
lita- og formrannsóknir og með þrívíðum veggverkum
sínum, lágmyndum, kannar hún um leið áhrif lita og
forma á rýmisupplifanir okkar, segir í tilkynningu.
„Rýmið, sem hún fæst við í list sinni, er ekki síður hið
innra rými verksins sjálfs, samsetning á lögum efna og
lita er skapa rými innan rýma, innan rýma,“ segir þar og
að verk hennar séu sjálfstæðar einingar en eigi jafnframt
í samtali hvert við annað í sýningarrýminu. Segir að þau
séu fáguð yfirlitum, öguð og formin sterk og einföld.
„Breidd litapallettu hennar nær frá ómeðhöndluðum
viðnum yfir í frumliti og neon. Litirnir endurkastast af
hvítum veggjunum og innan verksins sjálfs myndast eins
konar eigin heimur þar sem ljós- og skuggaspil skapa sín
eigin form. Við erum hér minnt á stórfenglega getu aug-
ans til að umbreyta geislum ljóssins yfir í merkingarbæra
skynjun á umhverfi okkar. Verkin hafa þannig áhrif
handan sýningarrýmisins og fylgja okkur sem vegvísir
inn í daglega lífið og hvernig við getum frekar skerpt á
myndrænni skynjun okkar á undrum umhverfisins í
kringum okkur,“ segir í tilkynningunni. Jeanine býr og
starfar í Brussel og hafa verk hennar verið sýnd í söfnum
og galleríum víða í Evrópu og þá bæði á einka- og sam-
sýningum. Verk hennar eru í eigu stofnana, fyrirtækja og
einkaaðila víða um heim auk þess sem hún hefur skapað
staðbundin verk fyrir ýmis söfn, stofnanir og einkaaðila.
Rými innan rýma
Í Hverfisgalleríi Belgíska myndlistarkonan Jeanine Cohen.
- Jeanine Cohen sýnir Innra
rými í Hverfisgalleríi
Söngkonurnar Sigríður Thorlacius
og Jóhanna Vigdís Arnardóttir og
söngvararnir Eyþór Ingi og Þór
Breiðfjörð koma fram með Gradu-
alekór Langholtskirkju og Sinfón-
íuhljómsveit Íslands á fjölskyldu-
tónleikum Litla tónsprotans í dag,
30. apríl, og flytja Skilaboðaskjóð-
una. Verður flutt tónlist Jóhanns G.
Jóhannssonar við leikritið Skila-
boðaskjóðuna eftir Þorvald Þor-
steinsson. Stjórnandi á tónleik-
unum verður Kornilios Michailidis.
Tónleikarnir verða kl. 14 og 16.
Skilaboðaskjóðan á tvennum tónleikum
Ævintýri Ein af vatnslitamyndum Þorvalds Þorsteinssonar úr Skilaboðaskjóðunni.
Egill Arnarson
heldur fyrir-
lestur á vegum
Richard Wagn-
er-félagsins í
safnaðarheimili
Dómkirkj-
unnar, Lækj-
argötu 14a, í
dag, laugar-
daginn 30. apr-
íl, kl. 14.
Egill er heimspekimenntaður
og ritstjóri Háskólaútgáfunnar og
mun hann fjalla um hvernig rúss-
nesk tónskáld á 19. öld tókust á
við tónlist og kenningar Wagners
og verður einkum rætt um Alex-
ander Seroff, Sergej Tanejeff og
Nikolaj Rimskí-Korsakoff. Einnig
verður fjallað um harkalega
gagnrýni rithöfundarins Leós
Tolstojs á Wagner.
Wagner í Rússlandi
í fyrirlestri Egils
Egill Arnarson
Úr mýri í málm nefnist sýning sem
opnuð verður í Þjóðminjasafni Ís-
lands í dag, laugardag, kl. 14. Segir
um hana í tilkynningu að á öldum
áður hafi Íslendingar unnið járn úr
mýrum. Það hafi verið gert með
rauðablæstri sem stundaður hafi
verið í töluverðum mæli fram eftir
miðöldum. Þá hafi farið að draga
verulega úr járngerð hér á landi og
rauðablástur lagst endanlega af á
17. eða 18. öld. „Við það gleymdist
margt varðandi þetta forna hand-
verk og enn er ekki að fullu ljóst
hvernig rauðablásturinn fór fram,“
segir í tilkynningunni og að á sýn-
ingunni sé farið yfir rannsóknir á
járngerð á Íslandi. Gestir sýning-
arinnar fái að kynnast öllu járn-
gerðarferlinu, allt frá orkuöflun,
hráefnisvinnslu, gerð járnbræðslu-
ofna til bræðslu járns. Sýningin er
unnin í samstarfi við Hurstwic LLC
og Eiríksstaði.
Fá að kynnast járngerðarferlinu
Járngerð Kynningarmynd fyrir sýninguna.
Sigurður Þórir listmálari opnar
sýningu í Listhúsi Ófeigs á Skóla-
vörðustíg 5 í dag kl. 16. Á henni
sýnir hann málverk sem hann hef-
ur unnið síðastliðið ár og hafa eng-
in þeirra komið fyrir augu almenn-
ings áður. Áður voru verk hans
fígúratíf, oft erótísk og
goðsagnakennd en hann hefur nú
alfarið snúið sér að geómetrískum
abstraktverkum.
Sigurður Þórir stundaði nám við
Myndlista- og handíðaskóla Íslands 1968-70, hóf nám við Listaakadem-
íuna í Kaupmannahöfn 1974 og var við nám hjá prófessor Dan Sterup-
Hansen í fjögur ár eða til 1978.
Sigurður Þórir hefur haldið fjölda einkasýninga frá árinu 1976 auk
þess að taka þátt í samsýningum hér heima og erlendis.
Sneri sér að geómetrískri abstraktlist
Geómetría Eitt verka Sigurðar.