Morgunblaðið - 01.06.2022, Side 10

10 FRÉTTIR
Innlent
MORGUNBLAÐIÐ MIÐVIKUDAGUR 1. JÚNÍ 2022
Skoðið fleiri innréttingar á
innlifun.is
Suðurlandsbraut 26 Sími 587 2700
Opið 11-18 virka daga innlifun.is
Guðni Einarsson
gudni@mbl.is
Heilbrigðiseftirlit Reykjavíkur
(HER) segir að í greinargerð Skot-
veiðifélags Reykjavíkur og nágrenn-
is (Skotreyn), sem rekur annað
tveggja skotæfingasvæða á Álfsnesi,
sé ekki að finna tillögur að mótvæg-
isaðgerðum vegna hávaða frá starf-
seminni. HER hyggst gefa Skotreyn
tækifæri til að uppfæra greinargerð-
ina með tillögum í þá veru. Þetta
kemur fram í bréfi HER til umhverf-
is- og skipulagssviðs Reykjavíkur-
borgar (USK) 1. mars sl.
HER hefur sent Umhverfisstofn-
un (UST) erindi vegna gagnrýni á
hljóðmælingar vegna útgáfu starfs-
leyfis árið 2021. Þar óskar HER eftir
leiðbeiningum um hljóðmælingar
fyrir starfsemina
og til hvaða við-
miða fyrir há-
vaða skuli horft.
Ekki eru viðmið í
íslenskum lögum
og reglugerðum
vegna starfsemi
skotvalla eða við
skilgreinda land-
notkun á helstu
áhrifasvæðum
skotvallanna (landbúnaður og opin
svæði), að sögn HER. „Svar UST
getur kallað á nýjar hljóðmælingar
og yrðu niðurstöður þeirra fylgigagn
með auglýsingu á tillögu að starfs-
leyfi,“ segir í bréfinu. Þar kemur
einnig fram að tillaga að starfsleyfi
fyrir skotsvæðið verði ekki auglýst
fyrr en þessi gögn liggja fyrir.
Úrskurðarnefnd umhverfis- og
auðlindamála felldi úr gildi ákvörðun
heilbrigðisnefndar frá því í maí 2021
um útgáfu starfsleyfis fyrir starf-
semina. Ástæðan var sú að starfsem-
in væri ekki í samræmi við skipulag.
Skotreyn hefur sent HER umsókn
um starfsleyfi fyrir skotvöllinn.
Hægt að endurnýja starfsleyfi
Í umsögn USK frá 18. maí kemur
m.a. fram að skotsvæði Skotreynar
sé staðsett í jaðri iðnaðarsvæðis og á
opnu svæði í Aðalskipulagi Reykja-
víkur 2040 líkt og í eldra aðalskipu-
lagi. Ekkert deiliskipulag er í gildi
fyrir svæðin. USK segir að ákvæði
20.4 í Aðalskipulagi Reykjavíkur
2040 skapi forsendur til að endur-
nýja starfsleyfi innan einstakra land-
notkunarsvæða til skemmri tíma,
þrátt fyrir að starfsemin fari ekki
saman vð framtíðarlandnotkun aðal-
skipulags. Einnig er minnt á að
framtíð skotæfingasvæðisins verði
viðfangsefni í sérstakri breytingu á
aðalskipulaginu sem nær til Kjalar-
ness, Álfsness og fleiri strjálbýlla
svæða. Vinna við þá breytingu á að
hefjast í sumar og er gert ráð fyrir
að verklýsing verði kynnt í sumar.
Þá telur skipulagsfulltrúi nauð-
synlegt að setja strangari skilyrði
um starfsemina, svo sem varðandi
opnunartíma og notkun á blýhöglum
og er vísað til óánægju íbúa í ná-
grenni svæðisins vegna hávaða o.fl.
frá svæðinu. Samhliða því þurfi að
kanna til hlítar aðrar staðsetningar
fyrir starfsemina á höfuðborgar-
svæðinu. Til stendur að skoða það í
breytingum á aðalskipulagi.
Vilja fá að sjá mótvægisaðgerðir
- Umsókn um nýtt starfsleyfi fyrir skotæfingasvæði Skotreynar á Álfsnesi
Álfsnes Þar eru tvö
skotæfingasvæði.
Ólafur Ingólfs-
son, prófessor
emeritus við
jarðvísindadeild
Háskóla Íslands,
hlaut á dögunum
Norrænu jarð-
fræðiverðlaunin,
sem á ensku
heita Nordic
Geoscientist
Award.
Verðlaunin voru afhent á Nor-
ræna vetrarmótinu sem fór fram í
Háskóla Íslands fyrr í mánuðinum.
Verðlaun þessi voru fyrst veitt
árið 2012 og er þetta í annað sinn
sem íslenskur prófessor hlýtur
verðlaunin. Áður hafði Páll Ein-
arsson jarðeðlisfræðingur hlotið
þau árið 2018.
Fólk í jarðfræðafélögum Norður-
landa getur komið með tilnefningar
til þessara verðlauna, en þau eru
veitt fræðimanni sem þykir hafa
skarað fram úr og ekki síst komið
þekkingu sinni áfram til samfélags-
ins.
Verðlaunagripur þessa árs, sem
Ólafur fékk afhentan, var hannaður
af Önnu Líndal listakonu. Sá var
gerður úr hraunkjarna úr Fagra-
dalshrauni sem rann í gosinu í
Geldingadölum á síðasta ári.
Hlaut norræn
verðlaun
- Jarðfræðingur sem
er í allra fremstu röð
Ólafur
Ingólfsson
Flugfreyjufélags Íslands og flug-
félagið Niceair hafa gert með sér
kjarasamning fyrir flugfreyjur og
-þjóna félagsins. Samningurinn
gildir til 1. júní 2024.
Bæði Guðlaug Líney Jóhanns-
dóttir, formaður Flugfreyjufélags-
ins, og Drífa Snædal, forseti ASÍ,
fagna samningnum í tilkynningu.
Er haft eftir Drífu að ljóst sé að
ekki eigi að tjalda til einnar nætur
og það sé góð tilfinning að geta
mælt með nýju flugfélagi við við-
skiptavini, fjárfesta og starfsfólk.
Flugfreyjufélagið
samdi við Niceair
Höskuldur Daði Magnússon
hdm@mbl.is
Mikill munur er á sjónvarpsneyslu
eftir aldri fólks. Eldra fólk heldur
enn fast í myndlykla frá stóru sjón-
varpsveitunum tveimur og horfir á
línulega dagskrá en yngra fólk horfir
mun minna á línulega dagskrá og
notast frekar við öpp á snjalltækjum
eða í snjallsjónvörpum. Þetta er
meðal þess sem kemur fram í nýrri
neytendakönnun Fjarskiptastofu
vegna fastlínutenginga sem birt var í
vikunni. Könnunin var gerð í apríl af
Maskínu og fór fram á netinu. Svar-
endur voru 929 talsins.
Í könnuninni kemur fram að 42%
þátttakenda horfa fyrst og fremst á
línulega dagskrá í sjónvarpi í gegn-
um myndlykil frá Símanum heima
hjá sér. Rúm 16% horfa á línulega
dagskrá í gegnum app á tækjum á
borð við Apple TV en tæp 16% gera
það í gegnum myndlykil frá Voda-
fone. Tæp 8% horfa í gegnum app á
snjallsjónvarpi. Tæp 11% horfa ekki
á línulega dagskrá yfirhöfuð. Aðeins
1% svarenda horfir í gegnum loftnet.
Þegar rýnt er í aldur svarenda má
sjá að tæpt 91% fólks 68 ára og eldri
horfir á línulega dagskrá í gegnum
myndlykla frá Símanum og Voda-
fone. Um 22% fólks á aldrinum 18-29
horfa hins vegar aldrei á línulega
dagskrá. Áberandi er að við-
skiptavinir Símans halda mesta
tryggð við línulega dagskrá en við-
skiptavinir Nova og Hringdu segjast
margir gjarnan ekki horfa á línulegt
sjónvarp. Geri þeir það er það oftast
í gegnum app.
Tæp 46% þátttakenda í könnunun-
inni eru með netþjónustu hjá Síman-
um, 23% hjá Vodafone og 18% hjá
Nova. Mikill meirihluti eða 71%
kaupir netþjónustu í pakka með ann-
arri þjónustu, svo sem síma,
sjónvarpsáskrift eða myndlykli.
Fæstir vita hvað þjónustuleiðin
sem þeir kaupa heitir né heldur
þjónustupakkinn sem netþjónustan
tilheyrir. Um 38% vissu ekki hversu
mikið þeir greiða fyrir netþjónustu
og 21% sagði að vinnuveitandi
greiddi fyrir þjónustuna. Meðalupp-
hæð fyrir mánaðarlegt áskriftargjald
hjá þeim sem gáfu það upp var 9.328
krónur og hefur það hækkað um
tæpar þúsund krónur eða 7,4% frá
því árið 2020. Meðalupphæð fyrir
fjarskiptapakka var 18.508 krónur á
mánuði og hefur hækkað um 7,2%
frá 2020.
Tæp 58% svarenda sögðust vera
með netið heima hjá sér í gegnum
ljósleiðara en 12% í gegnum ljósnet.
Aðeins 2,2% eru með gömlu kopar-
heimtaugina en reyndar vita ríflega
17% ekki hvers konar tengingu þeir
eru með. Mikill meirihluti aðspurðra,
tæp 66%, heldur tryggð við sitt net-
fyrirtæki og hefur ekki fært sig milli
fyrirtækja á síðustu þremur árum.
Tæp 16% höfðu skipt um
netþjónustufyrirtæki á síðustu
þremur árum og rúm 12% síðasta
árið.
Leiðir fólks til áhorfs á línulegt sjónvarp
Með hvaða hætti
horfir þú fyrst og
fremst á línulegt
sjónvarp þegar þú
ert heima?
Með
myndlykili frá
Símanum
Með
myndlykili
frá Vodafone
Mað AppleTV
eða sambæri-
legu tæki
Með app
á snjall-
sjónvarpi
Með síma,
spjald- eða
fartölvu
Með borð-
tölvu, lofneti
og annað
Horfi ekki
á línulegt
sjónvarp
42%
16% 16%
8%
4% 4%
11%
Heimild: Könnun
Maskínu fyrir
Fjarskiptastofu
Eldra fólk heldur fast í mynd-
lyklana og línulega dagskrá
DAGMÁL
Andrés Magnússon
andres@mbl.is
Bensínverð mun sennilega fara í 350
kr. á lítrann fyrr en varir og frekari
verðhækkanir á fjölmargri hrávöru
á heimsmarkaði munu leita út í verð-
lag á Íslandi með beinum hætti eða
óbeinum á næstunni.
Þetta er mat Þórðar Gunnars-
sonar hagfræðings, sem m.a. hefur
sérhæft sig í greiningu á olíu-
markaði. Þórður var jafnframt fram-
bjóðandi á lista sjálfstæðismanna í
Reykjavík. Hann er gestur í Dag-
málum, streymi Morgunblaðsins á
netinu, sem opið er öllum áskrif-
endum, en þar er m.a. fjallað um
borgarmál, efnahagsástand hér og á
alþjóðavísu.
Þórður segir augljóst að bensín-
verð muni hækka mikið áfram, olíu-
verð á heimsmarkaði hafi hækkað
ört og meiri verðhækkana er að
vænta í ljósi áforma Vesturlanda um
að hætta öllum olíukaupum frá
Rússlandi. Hann bætir við að dísill
hækki mun meira en bensín, sem
geri vöruflutninga dýrari og muni
leiða til verðhækkana á flestri
neysluvöru.
Flest bendir til þess að hér sé um
langvinnt ástand að ræða að mati
Þórðar. Aðfangakeðjur séu langar
og rof á þeim hafi víðtækar afleið-
ingar, sem tíma taki að vinna upp.
Jafnvel þó svo að allt félli í ljúfa löð í
Úkraínu á morgun mætti gera ráð
fyrir að afleiðinga stríðsins gætti á
alþjóðavísu í eitt og hálft ár að
minnsta kosti.
Bót í máli sé að Ísland sé ekki
jafnháð jarðefnaeldsneyti og flest
önnur Evrópuríki, sé sjálfu sér nægt
um rafmagn og hitaveitu. Það muni
njóta góðs af hækkandi álverði í
orkukreppu annars staðar og mjög
gott útlit í ferðaþjónustu.
Bensínið fer senn í
350 krónur á lítrann
- Viðvarandi afleiðing Úkraínustríðsins
Morgunblaðið/Ágúst Óliver
Verðbólga Þórður Gunnarsson seg-
ir frekari verðhækkana að vænta.