Morgunblaðið - 20.06.2022, Side 13

FRÉTTIR 13Erlent
MORGUNBLAÐIÐ MÁNUDAGUR 20. JÚNÍ 2022
Dekton er algjörlega öruggt gagnvart blettum svo sem kaffi,
rauðvíni, sítrus og ryði. Dekton þolir að það slettist á það
Blettaþolið SýruþoliðHögg- og
rispuþolið
Viðarhöfða 1, 110 Reykjavík | Sími 566 7878 | rein.is
HÁTT
HITAÞOL
Yfirmaður hjá breska flughernum
telur nauðsynlegt að Bretland fjölgi
herflugvélum sem leita sérstaklega
að kafbátum til þess að hemja njósn-
ir Rússa við landamæri Bretlands.
Fjöldi rússneskra kafbáta í Norður-
Atlantshafi hefur tvöfaldast á síðasta
áratug og eru þeir nú fleiri en í kalda
stríðinu.
Breski flugherinn á níu P-8-her-
flugvélar – hver flugvél kostar 120
milljónir punda – sem vernda kjarn-
orkukafbáta Bretlandshers og safna
upplýsingum um kafbátaflota óvina.
Ben Livesy, foringi í flughernum til
22 ára, sagði í viðtali við Telegraph
að ef herinn festi ekki kaup á þremur
P-8-herflugvélum til viðbótar yrði
ekki hægt að svara Rússum á afger-
andi hátt ef þeir sýndu fjandsemi í
garð Breta. Ef af kaupunum verður
eru Bretar með jafn margar P-8-her-
flugvélar og Ástralía og Indland,
tólf, en þó langt á eftir Bandaríkj-
unum, sem eiga 128 vélar.
Herflugvélarnar, sem heita Bo-
eing P-8 Poseidon, geta bæði numið
staðsetningu kafbáta og grandað
þeim. Vélarnar geta einnig komið í
veg fyrir ólöglegar veiðar í lögsögu
Bretlands og komið auga á glæpa-
gengi sem smygla fíkniefnum sjó-
leiðis.
Livesy segir kafbátaflota Rússa
öflugan og síðasta áratug hafa Rúss-
ar stækkað flotann mikið eftir að
David Cameron, þáverandi forsætis-
ráðherra Bretlands, ákvað að
minnka flugher Breta. „Við getum
ekki treyst Rússum, við verðum að
vera vakandi fyrir ógninni sem þeir
eru,“ sagði hann. Livesy telur Breta
verða að fara að huga að varnarmál-
unum betur til þess að geta átt
möguleika á að bregðast við árásum.
Hann segir engan hafa búist við
þessu útspili frá Rússum og ef ekki
verði fjölgað herflugvélum verði ekki
hægt að kortleggja kafbátaflota
Rússa í Atlantshafinu.
Óvinakafbátar fara oft að land-
helgi Breta og fela sig undir togur-
um þar því þá er erfiðara fyrir flug-
vélarnar að nema hljóðið frá
kafbátunum. „Rússar hafa fjárfest í
herflota, þeir eru með nýja kafbáta
sem ógna okkur, þetta hræðir
mann,“ sagði annar flugherforingi
við Telegraph.
logis@mbl.isKalt stríð Umsvif Rússa í Atlantshafi hræða breskan flugherforingja.
Flotinn stærri en í kalda stríðinu
- Rússar nýttu tækifærið þegar Bretar drógu úr umsvifum flughersins - Nýir kafbátar Rússa öflugir
- Kafbátar fela sig undir togurum - Vill fleiri P-8-herflugvélar - Flotinn tvöfaldast á rúmum áratug
Uffe Ellemann-Jensen, fyrrverandi
utanríkisráðherra Danmerkur, er
látinn, 80 ára að aldri. Eftir langa
baráttu við krabbamein hrakaði
heilsu hans skyndilega og var hann
lagður inn á spítala á mánudag, þar
sem hann lést.
Ellemann-Jensen er helst þekktur
fyrir að hafa verið utanríkisráðherra
Schlüter-stjórnarinnar í Danmörku
á níunda áratugnum.
Börn hans, þau Jakob Ellemann-
Jensen, formaður Venstre í Dan-
mörku, og Karen Ellemann, þing-
maður sama flokks, voru stödd á lýð-
ræðishátíð Danmerkur á Borgund-
arhólmi en yfirgáfu eyjuna á
fimmtudag til að vera hjá föður sín-
um.
Hafði sigrast á krabbameini
Haft var eftir Ellemann-Jensen í
viðtali í mars að hann vissi að dagar
hans væru senn taldir og tíminn að
hlaupa frá honum.
Jakob Ellemann-Jensen skrifaði í
facebookfærslu í gær að faðir hans
hefði dáið í svefni í fyrrinótt um-
kringdur fjölskyldunni.
Uffe Ellemann-Jensen sigraðist á
blöðruhálskrabbameini 2011. Hann
hafði einnig glímt við bæði hjarta-
sjúkdóm og sykursýki. Andlát Uffes
Ellemann-Jensens vakti mikla sorg
meðal Dana og margir stjórnmála-
menn í Danmörku hafa stigið fram
og lýst honum sem merkum manni.
Søren Pind, fyrrverandi ráðherra,
sagði andlát Ellemann-Jensens mik-
inn missi fyrir danska lýðræðið og
sig sjálfan. Það væri Ellemann-Jen-
sen að þakka að Pind væri í dag
vinstrisinnaður maður.
johann@mbl.is, logis@mbl.is
Uffe Ellemann-
Jensen látinn
- Fyrrverandi utanríkisráðherra Danmerkur
Morgunblaðið/ Kristinn Magnússon
Andlát Uffe Ellemann-Jensen, fyrr-
verandi utanríkisráðherra Dana.
Slökkviliðsmenn berjast við skógareld nálægt borg-
inni Zamora á norðurhluta Spánar.
Hitabylgja gengur nú yfir á Spáni en hiti hefur náð
40 stigum á mörgum stöðum og mest 43 gráðum.
Skógareldar geisa víða á meginlandi Evrópu sökum
þeirra þurrka sem hitinn hefur í för með sér. Til að
mynda hefur einn stærsti eldurinn á Spáni eyðilagt
tuttugu þúsund hektara. Þá hafa þúsundir manna
þurft að yfirgefa heimili sín á Spáni til að flýja eldana.
Tvö þúsund manns þurftu að yfirgefa heimili sín fyrir
viku vegna skógarelda sem brutust út í suðurhluta
landsins. Veðurfræðingar eru uggandi yfir því að slík-
ar hitabylgjur verði æ tíðari. „Sökum hnattrænnar
hlýnunar má búast við hitabylgjum fyrr á árinu,“ sagði
Clare Nullis, talskona Alþjóðaveðurfræðistofnunar
Sameinuðu þjóðanna.
Ljósmynd/AFP
Skógareldar á
Spáni í hitabylgju
Emmanuel Macron Frakklandsfor-
seti og fylking hans Ensemble náði
ekki meirihluta í frönsku þingkosn-
ingunum í gær. Niðurstaðan hefur
gífurleg áhrif á áfrom Macrons um
endurbætur á næsta kjörtímabili og
líklegt að hann þurfi að finna nýja
bandamenn til þess að ná áformum
sínum í gegn.
Fylking Macrons var með 234
þingsæti þegar 97% atkvæða höfðu
verið talin, en til að mynda meiri-
hluta þarf 289 sæti. Elizabeth Borne
forsætisráðherra Frakklands sagði í
ávarpi í gærkvöldi að það yrði mikil
áskorun að mynda meirihluta.
Niðurstöður þingkosninganna
draga verulega úr nýlegum kosn-
ingasigri Macrons í apríl, en þá var
hann fyrsti forsetinn í tuttugu ár
sem var kosinn til þess að sitja annað
kjörtímabil. Nýja vinstrabandalagið
NUPES undir stjórn Jean-Lucs
Melenchons fékk 124 sæti.
Bandalagið var myndað í maí eftir
forsetakosningarnar en í því eru
sósíalistar, kommúnistar og um-
hverfissinnar. Hægriflokkur Marine
Le Pen vann mikinn kosningasigur
og bætti við sig a.m.k. 81 sæti en
hafði fyrir aðeins átta. logis@mbl.is
Macron missir
meirihlutann
- Fylkingin náði aðeins 234 sætum
AFP
Ósigur Macron náði ekki þeirri nið-
urstöðu sem hann leitaði eftir.