Morgunblaðið - 04.07.2022, Síða 11

FRÉTTIR 11Innlent
MORGUNBLAÐIÐ MÁNUDAGUR 4. JÚLÍ 2022
2013
2018
Reki ehf • Skemmuvegur 46 • 200 Kópavogur • Sími 562 2950
www.reki.is
Við sérhæfum okkur í síum
í allar gerðir véla
Eigum til flest allar gerðir af síum á lager
Áratuga reynsla í þjónustu við íslenskan iðnað
Sigurður Bogi Sævarsson
sbs@mbl.is
„Markmið okkar og áherslumál
var að rjúfa ákveðna kyrrstöðu
hér í sveit og koma mikilvægum
málum á rekspöl. Eflum Hruna-
mannahrepp var kjörorð okkar
fyrir kosningar og nú þegar við
erum komin í aðstöðu til að fylgja
því eftir stöndum við líka við okk-
ar markmið og yfirlýsingar,“ segir
Jón Bjarnason. Hann er oddviti D-
lista Sjálfstæðisflokks og óháðra
sem í kosningum í maí síðast-
liðnum náði meirihluta í sveitar-
stjórn Hrunamannahrepps. Fékk
56,5% greiddra atkvæða og þrjá
fulltrúa kjörna en L-listinn tvo.
Sveitarstjórnarmál
fylgja ekki flokkslínum
Séu kosningaúrslitin í sveit-
inni sett í stærra samhengi má
benda á að forðum var Sigurður
Ingi Jóhannsson, nú innviða-
ráðherra, oddviti H-listans sem nú
var reyndar kenndur við bókstaf-
inn L. Í kosningnum í vor vann
Framsóknarflokkurinn, þar sem
Sigurðar Ingi er formaður, vel á í
mörgum sveitarfélögum og komst
til áhrifa víða, nema þá helst í
heimasveit hans þar sem H/L list-
inn hafði lengi verið í meirihluta.
Jón Bjarnason segir að ekki megi
oflesa í þetta, þó úrslitin veki
vissulega athygli. Sveitarstjórn-
armál, einkum í dreifbýlinu, fylgi
yfirleitt öðru en flokkslínum. Í
Hrunamannahreppi hafi fólk ein-
faldlega viljað breytingar og nýjar
áherslur.
Hrunamannahreppur er í
uppsveitum Árnessýslu og eru
Flúðir miðkjarni sveitarinnar. Íbú-
ar eru í dag 820 og hefur talan
verið lengi á því róli. „Sveitarfé-
lagið þarf að hafa tiltækar fleiri
byggingarlóðir og þess vegna
lögðum við áherslu á skipulagsmál
nú fyrir kosningar. Höfum þar
keypt af einkaaðilum deiliskipu-
lagssvæði hér aðeins fyrir vestan
þéttbýlið á Flúðum. Þar verður
hægt að reisa um 190 íbúðir; ein-
býlis-, par- og raðhús. Vinna við
breytingar á deiliskipulagi þessa
svæðis er hafin og lóðir til úthlut-
unar við eina götu verða vonandi
tilbúnar í haust. Þá gæti fólk
kannski flutt inn í nýbyggð hús
þarna á næsta ári. Að hafa hér
ekki nægt framboð lóða hefur
staðið ýmsum fyrir þrifum hér í
Hrunamannahreppi,“ tiltekur Jón.
Innviðir til staðar
Sína sögu segir, að mati Jóns,
að árið 2008 voru 180 börn í Flúða-
skóla en núna eru þau um 100.
„Þessu viljum við snúa við. Hér í
sveit eru raunar til staðar flestir
þeir innviðir sem þarf til að mæta
íbúafjölgun, án þess að sveitarfé-
lagið þurfi að kosta miklu til eða
fara í framkvæmdir. Síðustu árin
hefur fólki fjölgað í flestum sveit-
arfélögum hér á Suðurlandi langt
umfram landsmeðaltal. Sú þróun
hefur hins vegar ekki náð til okkar
og má í raun líkja við fólks-
fækkun.“
Hefðbundinn landbúnaður, þá
ekki síst mjólkurframleiðsla, er
mikilvægur þáttur í atvinnulífinu í
Hrunamannahreppi. Þar eru
nokkur kúabú sem eru með þeim
stærri á landinu og ungt fólk er í
mörgum tilvikum tekið við rekstri
þeirra með kynslóðaskiptum. Iðn-
aður og ferðaþjónusta eru einnig
mikilvægar stoðir í byggðinni og
kom sú fjölbreytni sér vel á Covid-
tímum þegar að mestu tók fyrir
komur ferðafólks. Garðyrkjan er
sömuleiðis stór þáttur í öllum um-
svifum á þessum slóðum og miklir
möguleikar til sóknar þar. Stór
hluti af því grænmeti sem Íslend-
ingar neyta kemur frá Flúðum og
bændur í uppsveitunum eru að
færa út kvíarnar jafnt og þétt.
Sjálfur rekur Jón með unnustu
sinni bú í Skipholti – er með kýr,
sauðfé og hrossarækt og er að
taka við keflinu af foreldrum sín-
um. Sveitastörf og búskap segir
hann alltaf hafa höfðað sterkt til
sín og í raun hafi fátt annað komið
til greina en að verða bóndi.
Vel heppnuð samfélagsgerð
„Sauðfjárræktin, sem nú er í
vanda stödd, er ef vill vill veiga-
minni þáttur í búskap hér um slóð-
ir en í mörgum öðrum sveitum.
Skiptir eigi að síður miklu máli.
Fjárrag og fjallferðir móta menn-
ingu hér á margan hátt. Raunar
má halda því fram að Hruna-
mannahreppur sé nokkuð vel
heppuð samfélagsgerð, nema hvað
okkur vantar fleira ungt fólk,“
segir Jón og ennfemur:
„Íbúar hér hafa borið gæfu til
að standa saman í ýmsum fram-
faramálum og fólk veit að framlag
hvers og eins – og raunar allra í
sveitinni – skiptir máli. Hér var til
dæmis reist reiðhöll að stórum
hluta í sjálfboðastarfi, hér er
áhugamannafélag um viðhald
fjallaskála á afréttinum og annað
félag um landgræðslu þar. Svo
gangvirki samfélagsins snúist þarf
líka fólk í til dæmis björgunar-
sveit, kirkjukór og ungmenna-
félag. Hér í sveit eru þessir fé-
lagslegu þættir allir í nokkuð góðu
lagi, að ég tali nú ekki um þegar
fólk hér í nágrannabyggðum á
stærra svæði leggur saman krafta
sína á hinum félagslega vettvangi.
Slíkt gerðist til dæmis nú nýlega
þegar þrjú hestamannafélög hér í
uppsveitum voru sameinuð í eitt.“
Sameiningarumræðan
ekki umflúin
Umræða um sameiningu
sveitarfélaga er alltaf og enda-
laust í deiglunni. Mun líka halda
áfram á breiðum grundvelli, að
mati Jóns, sem telur að ekki verði
umflúið að meta og taka ákvarð-
anir um sameiningu á næstu árum.
„Hver sem verkefni sveitar-
stjórna annars eru, þá er mikil-
vægt að á hverjum pósti sé gott
fólk. Hér í Hrunamannahreppi
vorum við svo stálheppin að fá
reynsluboltann Aldísi Hafsteins-
dóttur, áður bæjarstjóra í Hvera-
gerði, sem sveitarstjóra hér í sveit
og eigum von á henni til starfa nú í
lok júlímánaðar.“
Ný forysta í Hrunamannahreppi, þar sem landbúnaður, garðyrkja og ferðaþjónusta eru í aðalhlutverki
Morgunblaðið/Sigurður Bogi
Oddviti Félagslegir þættir í góðu lagi, að ég tali nú ekki um þegar fólk hér í nágrannabyggðum á stærra svæði
leggur saman krafta sína, segir Jón Bjarnason, hér í Skipholti þar sem hann býr með fjölskyldu sinni.
Framlag allra í sveitinni skiptir máli
- Jón Bjarnason er fæddur ár-
ið 1993, búfræðingur að mennt
jafnframt því að hafa lokið
námi í grunndeild rafiðna. Er
nú bóndi í Skipholti II og III í
Hrunamanannahreppi. Er fjórði
ættliðurinn sem situr jörðina
og er þar með búskap.
- Jón hefur lengi verið virkur í
ýmsu félagsstarfi fyrir bændur
og sína heimasveit. Hefur jafn-
framt verið fjallkóngur. Sam-
býliskona Jóns er Kristín
Magnúsdóttir og þau eiga einn
son.
Hver er hann?
Morgunblaðið/Sigurður Bogi
Flúðir Þéttbýli sveitarinnar þar sem nú á að brjóta
land undir íbúðahverfi. Framkvæmdir hefjast brátt.
Morgunblaðið/Sigurður Bogi
Útreiðartúr Hluti af lífinu í sveitinni er að bregða sér á
hestbak eftir annansaman dag við fjölbreytt bústörfin.
Líney Sigurðardóttir
Þórshöfn
Í sveitarfélaginu Langanesbyggð
hefur í langan tíma verið viðvarandi
húsnæðisskortur en slík staða hamlar
jafnan uppbyggingu og vöxt sveitar-
félaga. Nú virðist bjartara fram-
undan því nýlega fékk Langanes-
byggð jákvætt svar við erindi til
Leigufélagsins Bríetar um að félagið
byggi upp íbúðir í sveitarfélaginu en
erindið var sent þegar ný húsnæð-
isáætlun Langanesbyggðar lá fyrir.
Bríet er sjálfstætt starfandi leigu-
félag í eigu Húsnæðis- og mannvirkj-
astofnunar og nokkurra sveitarfé-
laga, stofnað að norrænni fyrirmynd
og rekið án hagnaðarsjónarmiða, eins
og segir í tilkynningu Langanes-
byggðar. Næsta skref er það að sveit-
arfélagið og Bríet munu leita eftir
áhugasömum byggingarverktökum
til íbúðabygginga á Þórshöfn en eink-
um er horft til minni íbúða sem skort-
ur er á.
Í þessu samstarfsverkefni Bríetar
og Langanesbyggðar verður leitað
eftir hagkvæmustu leið til til upp-
byggingar á húsnæði og á verði sem
Bríet telur ásættanlegt og standi
undir leiguverði, sagði Sigurður Þór
Guðmundsson, oddviti Langanes-
byggðar. Gangi þetta allt eftir eru
það góð tíðindi fyrir húsnæðismarkað
á Þórshöfn og uppbyggingu leigu-
markaðs í Langanesbyggð.
Bríet mætir í Langanesbyggð
- Nýjar íbúðir
verða byggðar í
sveitarfélaginu
Morgunblaðið/Líney Sigurðardóttir
Þórshöfn Fallegt sumarkvöld. Nú stefnir í að fleiri íbúðir verði byggðar.