Sjómannablaðið Víkingur - 01.01.2016, Blaðsíða 28

Jullan Tine er fremst en hún var á
sínum tíma notuð til álaveiða í firðin-
um. Á árabilinu 1915 til 1925 flykktust
danskir bátakarlar af seglbátunum yfir
á mótorbáta af þessari tegund.
Havhingsten frá írska bænum, Glendalough, er eitt víkingaskipanna fimm sem sökkt var í firðinum til að verjast flotaárásum – og löngu seinna náð upp aftur og
komið fyrir eins og myndin sýnir, undir þaki og öllum til sýnis. Þetta var langskip – orrustuskip. Í áhöfn voru 65 til 70 víkingar – sumir segja allt að eitt hundrað –
gráir fyrir járnum. Greining á viðum skipsins sannar að það var byggt á Írlandi – nánar tiltekið á Dublinarsvæðinu – árið 1042 eða þar um bil. Það var knúið 60
árum og hefur líkast til náð 12 hnúta hraða undir seglum þegar best lét. Fornleifafræðingum tókst að endurheimta um 25% skipsins. Við bryggjuna liggur Havhingst-
en – eigum við að kalla hann Sæhest eða kannski frekar Sæfák – endurgerður og reiðubúinn að hleypa yfir hafið. Endurbyggingin stóð í fjögur ár, frá 2000 til 2004.
Notuð var eik og fornt verklag við smíði þessa tæplega 30 metra langa orrustuskips sem sigldi að minnsta kosti einu sinni yfir Norðursjó.
28 – Sjómannablaðið Víkingur