Mosfellingur - 03.02.2022, Blaðsíða 27
Framboðsfundur í FMOS 3. febrúar
Sjálfstæðisfélag Mosfellinga heldur opinn kynningarfund með frambjóðendum í prófkjöri
Sjálfstæðisflokksins í Framhaldsskólanum í Mosfellsbæ fimmtudaginn 3. febrúar kl. 20:00.
Hver frambjóðandi heldur stutta framsögu og í framhaldi gefst fundarmönnum
kostur á að ræða við frambjóðendur og þeir svara spurningum.
Mosfellingar eru hvattir til að mæta á fundinn og kynnast frambjóðendum.
Prófkjör Sjálfstæðisflokksins í Mosfellsbæ - Kynning á frambjóðendum
Ég sækist eftir 4.-6. sæti í prófkjöri Sjálfstæðisflokksins fyrir
sveitarstjórnarkosningar í vor.
Ég heiti Ragnar Bjarni Zoëga Hreiðarsson og er Mosfellingur
í húð og hár. Ég hef búið í þessum yndislega bæ alla mína tíð
og sit ég í stjórn Viljans sem er félag ungra Sjálfstæðismanna í
Mosfellsbæ.
Ég hef mikinn áhuga á bæjarpólitík og langar að nýta krafta
mína til að gera Mosfellsbæ að fyrsta valkosti fyrir ungt fólk og
ungar fjölskyldur. Mig langar að Mosfellsbær haldi áfram að
stækka og dafna og því þurfum við að horfa til framtíðar. Vera
bær sem hugsar um ungt fólk, ungar fjölskyldur og setur þær
í forgang. Um leið og við horfum til framtíðar þá megum við
ekki gleyma þeim sem byggðu upp þetta samfélag og tryggja
að þeir eigi áhyggjulaust ævikvöld í Mosfellsbæ.
Ágæta Sjálfstæðisfólk, ungt fólk er ekki bara hluti af línuriti
eða köku, við höfum skoðanir og erum full af hugmyndum
og áhuga til að vinna fyrir bæinn okkar. Ekki setja ungt fólk
til hliðar. Komum öll saman að uppbyggingu samfélagsins
okkar. Með framboði mínu vil ég gefa flokknum mínum og
bænum okkar rödd unga fólksins.
Ungt fólk til ábyrgðar!
Ég heiti Þóra Björg og ég gef kost á mér í prófkjöri Sjálfstæðis-
flokksins í Mosfellsbæ í 5. sæti á þeirra lista.
Ég er 23 ára viðskiptafræðingur og hef verið Mosfellingur allt
mitt líf. Ég hef tekið virkan þátt í félagslífi og nefndarstörfum
bæði í menntaskóla og háskóla og sit í stjórn sjálfstæðisfélags
Mosfellinga.
Ég vil leggja mitt af mörkum til að gera frábæran bæ enn betri
og stuðla að velferð bæjarbúa. Mosfellsbær fer ört stækkandi
sem felur í sér nýjar áskoranir og tækifæri til að takast á við.
Mennta- og menningarmál eru mér afar hugleikin og nái ég
kjöri mun ég leggja áherslu á að efla þá málaflokka enn frekar.
Ég tel mig hafa eldmóðinn og þekkinguna í að takast á við
verkefni næsta kjörtímabils.
Ég hvet allt Sjálfstæðisfólk í Mosfellsbæ að kynna sér prófkjörið
og taka þátt og móta framboðslista flokksins í komandi
bæjarstjórnarkosningum.
Þóra Björg IngImundardóttIr sölu- og þjónusturáðgjafi
rúnar BragI guðlaugsson bæjarfulltrúi og framkvæmdastóri
Rúnar Bragi Guðlaugsson framkvæmdarstjóri hjá Redder ehf.
og bæjarfulltrúi býður sig fram í 3. sæti.
Rúnar er giftur Bylgju Báru Bragadóttur sölustjóra hjá A4 og
eiga þau saman tvö börn, Braga Þór 28 ára og Birtu Rut 21 árs.
Frá því að við fluttum í Mosfellsbæinn 2006 hef ég verið virkur
í starfinu fyrir Sjálfstæðisflokkinn, ég hef meðal annars setið
í stjórn Sjálfstæðisfélagsins og í stjórn fulltrúaráðsins, hef
verið varabæjarfulltrúi frá árinu 2010 og tók sæti í bæjarstjórn
2018. Í dag er ég formaður fjölskyldunefndar og formaður
öldungaráðs, sit í stjórn Strætó Bs. og sat í stjórn samstarfs-
nefndar skíðasvæðanna. Frá 2010 var ég formaður íþrótta- og
tómstundanefndar, formaður Heilbrigðiseftirlits Kjósarsvæðis
og formaður þróunar- og ferðamálanefndar.
Ég er með MBA gráðu frá Háskóla Íslands og diplómu í rekstrar-
og viðskiptafræðum og innflutnings- og útflutningsfræðum frá
sama skóla.
Ég hef tekið virkan þátt í starfi Aftureldingar frá árinu 2006 og
hef verið forseti þorrablótsnefndar síðan 2008.
Ég vil að Mosfellsbær sé fyrsti kostur fyrir alla sem leita sér að
framtíðarbúsetu og sé áfram leiðandi heilsueflandi samfélag
þar sem áhersla er lögð á þarfir íbúa á öllum aldri. Íbúar eiga
að fá framúrskarandi þjónustu í sínu bæjarfélagi og íþrótta-
aðstaða á ávallt að vera fyrsta flokks. Skólarnir okkar eiga að
vera eftirsóttir vinnustaðir og bjóða upp á bestu mögulegu
kennslu fyrir alla. Það eiga allir að hafa tækifæri til að blómstra í
Mosfellsbæ. OKKAR BÆR – BETRI BÆR.
3. sætI
5. sætI
ragnar BjarnI Zoëga HreIðarsson flugnemi
KrIstín Ýr PálmarsdóttIr fjármálastjóri
Kæru Mosfellingar!
Ég heiti Kristín Ýr Pálmarsdóttir og ætla að gefa kost á mér í
prófkjöri Sjálfstæðismanna sem fram fer 5. febrúar næstkom-
andi. Ég er mikill Mosfellingur og hef ég alið upp börnin mín
hér með manninum mínum honum Jónasi.
Ég er lífsglöð og umhyggjusöm kona og vinir mínir segja
að ég sé dugleg, traust og bjartsýn. Mér þykir mjög vænt
um Mosfellsbæ og langar að taka þátt í að gera frábæran
bæ enn betri.
Á þessu kjörtímabili hef ég verið varabæjarfulltrúi
og varaformaður umhverfisnefndar. Ég gef kost á
mér í 3. sæti í prófkjöri Sjálfstæðismanna.
3. sætI
4. - 6. sætI
AuglýSing
Sjálfstæðisfélag Mosfellinga