Mosfellingur - 03.02.2022, Blaðsíða 33

verslum í heimabyggð
Aðsendar greinar - 33
Þverholti 3 - Sími: 566-6612
FÓTAAÐGERÐASTOFA
MOSFELLSBÆJAR
Bíldshöfða 14 | Reykjavík | s. 520 3200
www.artpro.is
Opnunartími
sundlauga
lágafellslaug
Virkir dagar: 06.30 - 21.30
Helgar: 08:00 - 19:00
Varmárlaug
Virkir dagar: 06.30-08:00 og 15:00-21:00
Laugard. kl. 08:00-17:00 og sunnud. kl. 08:00-16:00
GÓÐIR MENN EHF
Rafverktakar
GSM: 820-5900
• nýlagnir • viðgerðir
•
• hönnun og uppsetning á öryggiskerfum
• síma og tölvulagnir
Löggiltur rafverktaki
Vogatunga 51, 270 Mosfellsbæ, sími: 864 6600
Gólfefna lausnir
fyrir heimili
og fyrirtæki
Það vill oft verða þegar tekist er á í
stjórnmálum að þeir sem takast á eru í
raun ekki að tala hver við annan.
Maður sér þetta oft á Alþingi Íslend-
inga að pólitíkusar eru ekki að reyna að
sannfæra hver annan um eigin málstað
heldur eru þeir sem tala í raun bara
að tala við kjósendur. Ekki er verið að
miðla málum til að finna bestu lausn-
ina heldur er áherslan lögð á að klekkja á and-
stæðingnum. Menntamál eru fyrirferðarmikil í
pólitískri umræðu í öllum sveitarfélögum.
Allir hafa skoðun á skólakerfinu og eru um-
ræður oft fyrirferðarmiklar á samfélagsmiðlum
og Mosfellsbær er engin undantekning í því.
Fræðslunefnd Mosfellsbæjar hefur starfað
með ágætum þetta kjörtímabil og málefnaleg
umræða verið um öll þau mál sem koma fyrir
nefndina. Auðvitað hafa flokkarnir stundum
mismunandi áherslur en það er augljóst á því
góða fólki sem nú skipar nefndina að allir bera
hag skólanna fyrir brjósti. Því hefur andrúms-
loft samvinnu og virðingar svifið yfir vötnum á
fundum nefndarinnar.
Eitt af stóru verkunum nú undir lok kjör-
tímabilsins hefur verið að smíða nýja mennta-
stefnu Mosfellsbæjar. Skipuð var fagleg nefnd
með fulltrúum allra skólastiga til að vinna
þessa vinnu og haldnir hafa verið fjölmargir
rýnifundir með hagaðilum til að fá sem flestar
raddir til að hljóma. Fundað hefur
verið með starfsfólki skóla, með skóla-
börnum og sérstakur opinn fundur var
haldinn með íbúum bæjarins, þar sem
allir gátu fengið að tjá sig og koma með
hugmyndir. Upp úr þessum fundum
hefur nú verið smíðuð menntastefna
sem er á lokastigum og verður frábært
leiðarljós fyrir skólastarf í bænum.
Á þessu kjörtímabili hefur mikið áunnist í
skólamálum. Frábært þróunarstarf í leikskóla-
málum og fjölgun plássa. Við höfum verið að
taka í notkun glæsilegasta skólahús landsins í
áföngum og endurbætur á eldra skólahúsnæði
hefur verið með þeim hætti að önnur sveitar-
félög eru að taka það til fyrirmyndar. Þrátt fyrir
það heyrast oft raddir sem reyna að rífa niður
þetta ágæta starf og tilgangurinn virðist ekki
vera að bæta skólastarfið heldur einungis að
koma höggi á stjórnmálamenn. Það er mikil-
vægt að friður sé um skólastarf á öllum stigum
og að ekki sé verið að nota skólamál til að koma
pólitísku höggi á andstæðinga með þeim hætti
að það bitni á skólunum.
Höldum áfram góðu og uppbyggilegu samtali
um skólamál þar sem allar raddir fá að hljóma
en hættum skítkasti og skotgrafahernaði.
Valgarð Már Jakobsson, varaformaður
fræðslunefndar Mosfellsbæjar fyrir hönd VG.
Tölum saman um menntamálin
Mér finnst eins og ég muni eftir því
þegar Mosfellssveit varð að Mosfells-
bæ. Sem er í raun ómögulegt því ég var
ekki nema árs gömul og hef tæplega
orðið vör við eða skilið breytinguna.
Líklega man ég þó eftir umræðunni
þegar ég eltist því ég minnist þess að
hafa sýnt nokkurn mótþróa og heit-
ið því að kalla bæinn Mosfellssveit
um ókomna tíð. Lengst af kallaði ég hann þó
Músabæ og gerði ég mitt allra besta til að kalla
hátt og snjallt „velkomin í Músabæ“ um leið og
við fjölskyldan keyrðum inn fyrir bæjarmörkin
hvort heldur sem var eftir ferð til Reykjavíkur
eða Norðurlandið.
Að baki „Músabæjar“ stóð sú allra hlýjasta
merking sem ég gat hugsað mér. Eitthvað sem
var fallegt og gott enda einmitt sú tilfinning sem
ég bar til heimabæjarins og geri svo sannarlega
enn. Hér ólst ég upp og hér er ég svo lánsöm
að ala börnin mín upp. Mosfellsbær hefur
nefnilega svo marga góða kosti og sinn einstaka
sjarma sem sveit í borg með náttúruna, fjöllin
og fuglalífið allt um kring. Það skiptir mig miklu
máli að hér sé og verði áfram gott að búa og sé
ég ótalmörg tækifæri til þess að svo
megi vera. Huga þarf að þeim þáttum
sem snerta velferð fjölskyldna og íbúa
bæjarins beint, t.a.m. aðgengi að þjón-
ustu og afþreyingu, aðgengi að öflugu
og vönduðu íþrótta- og tómstundastarfi
og viðeigandi stuðningi fyrir þá nem-
endur sem þurfa á sértækum úrræðum
að halda á öllum skólastigum.
Jafnframt er mikilvægt að horfast í augu við
stöðu drengja í menntakerfinu sem farið hefur
versnandi síðustu ár og sporna við þeirri þróun
með stuðningi við bæði skóla og kennara. Við
þurfum að huga að þjónustu í heimahúsum
fyrir aldraða og fatlaða svo að fólki sé gert kleift
að búa á eigin heimili og njóta þannig mann-
réttinda og aukinna lífsgæða.
Margt hefur verið gert í gegnum tíðina og
mikilvægt að styðja enn frekar við innviði og
grunnstoðir í samfélagi sem er í örum vexi.
Þannig verður Mosfellsbær, bærinn okkar, að
„stórasta“ bæ í heimi.
Höfundur er Jana Katrín Knútsdóttir, frambjóðandi í
2. sæti í prófkjöri Sjálfstæðisflokksins í Mosfellsbæ.
Mér finnst eins og ég muni...