Mosfellingur - 03.02.2022, Blaðsíða 30
- Aðsendar greinar30
Að vera aðfluttur andskoti í Mos-
fellsbæ er bara ansi gott! Ég flutti
í Mosfellsbæ í janúarbyrjun 2003
af Kjalarnesi. Eignaðist hér mitt
seinna barn og upplifði góðan
anda.
Í lok árs 2003 var íbúafjöldinn
6.574. Þá var maður alveg minnt-
ur á að vera ekki innfæddur enda
þekkti maður ekki fjölskyldurnar sem hér
höfðu ráðið ríkjum. Þið hafið vonandi
horft á Verbúðina en í litlum samfélögum
skipti einmitt máli að þekkja rétta fólkið!
Hér hefur okkur fjölskyldunni liðið vel og
viljum hvergi annars staðar vera. Bærinn
hefur svo sannarlega blómstrað og breitt
úr sér. Við sem erum aðflutt sjáum bara
tækifærin í litla bæjarfélaginu okkar sem
vex og dafnar.
Ég starfaði sem skólastjóri í 12 ár við
einn stærsta grunnskóla landsins sem ein-
mitt var staðsettur hér í litla bæjarfélaginu
okkar. Áskoranirnar voru svo sannarlega til
staðar en ég man eftir að vera með nem-
endafjölda frá 660 og fara upp í tæpa 1000.
Við vorum á þessum tíma að taka á móti
nýjum íbúum sem voru að marka spor sín
hér í bæjarfélaginu og koma upp nýjum
hverfum. Skólinn stækkaði ansi hratt og
verkefnin um leið. Fólk hafði ýmsar skoð-
anir og við sem vorum í skólanum þurftum
að hlaupa hraðar og byggja upp ný úrræði
eftir því sem nemendum fjölgaði. Það sem
bjargaði þessu var frábært starfsfólk og
foreldrar sem fylktu sér við hlið okkar og
saman unnum við í að takast á við skóla í
hruni sem stækkaði ört og koma inn tækni-
nýjungum.
Reynsla mín eftir þennan tíma
er hversu mikilvægt er að samfélag
fylki sér um skólana sína, íþrótta-
félögin, leikhúsið, tónlistarlífið
og aðilana sem sinna sjálfboða-
liðastarfi í bæjarfélaginu okkar.
Því miður varð skólinn okkar
uppspretta pólitískra afla sem
reyndu að ná höggi á meirihluta í
pólitíkinni. Þetta skapaði sundrung, umtal
og aukna vinnu skólafólksins.
Nú eru bæjarstjórnarkosningar fram
undan í vor og mín einlæga ósk er sú að fólk
vandi sig í slagnum og verði málefnalegt.
Flest af fólki í öllum flokkum er gott fólk
sem vill vel. Mörg þeirra hafa unnið mjög
vel fyrir bæjarfélagið, verið málefnaleg og
veitt gott aðhald. Við þurfum öll sem hér
búum að horfa til þess hvernig fólk við vilj-
um í forystuna í Mosfellsbæ. Til þess þurf-
um við að horfa á hverjir bjóða sig fram,
ganga í þá flokka og gefa fólki brautargengi.
Við konur þurfum ekki síðar en karlarnir að
taka afstöðu og styðja við þau málefni sem
eru okkur hugleikin. Við þurfum öll að vera
virk og taka þátt!
Kæru sveitungar, við erum núna orðin
13.025 manns og aðfluttu andskotarnir
eru komnir í meirihluta. Ég hvet fólk til að
taka afstöðu í kosningunum og hafa áhrif á
listana. Sjónarmið allra skipta máli og sam-
an gerum við gott bæjarfélag enn betra.
Ég styð Kolbrúnu Þorsteinsdóttur í 1.
sæti hjá Sjálfstæðisflokknum.
Þóranna Rósa Ólafsdóttir
íbúi í Mosfellsbæ og skólastjóri í Rimaskóla
Aðfluttur andskoti
Það vantar alls konar fólk í
bæjarstjórn Mosfellsbæjar
Kæru Mosfellingar!
Ég vildi bara láta ykkur vita hvað
mér líður vel hér í Mosfellsbæ. Mér
finnst bæjarmálin ganga mjög vel
og dáist að margs konar uppbygg-
ingu í mörgum málum.
Ég dáist að umhverfinu í kring-
um Álafosskvosina og Stekkjarflöt-
ina með ærslabelgnum, þar sem
krakkarnir geta leikið sér ... ratleikjunum í
kringum Varmá, merkingunum sem segja
mér allt um Álafoss og fleira ... uppáhalds-
fossinum mínum og svo mætti lengi telja.
Ég fæ styrk frá öllum trjánum í kringum
Varmá og eitt af því sem ég geri er að faðma
tré til að mér líði betur. Þið ættuð bara að
prófa það.
Ég dáist að Álafosskvosinni og vildi óska
að næsta bæjarstjórn myndi gera hana að
gamla bænum í Mosfellsbæ.
Þarna er mikil saga Mosfellsbæjar og mér
finnst að þarna ætti allt að iða af lífi. Tónlist
á nýju sviði við Ullarbrekkuna frábæru, þar
sem ætti að hljóma tónlist, leikþættir, tón-
leikar með kórunum okkar í Mosfellsbæ,
leikrit frá Leikfélagi Mosfellsbæjar. Börnin í
skólunum og tónlistarskólanum gætu kom-
ið þarna fram og útskrifast á sviðinu sem fer
alveg að rísa og svona mætti lengi
telja. Í Mosfellsbæ býr stór hópur
frábærs listafólks sem við þurfum
að hlúa að og við eigum að búa
til undursamlega stemningu með
þeim á sviðinu ... bæta við miklu
fleiri viðburðum en bara á bæjar-
hátíðinni okkar „Í túninu heima”.
Eins sakna ég kaffihúsins sem
var í kvosinni og vildi óska þess að Álafoss-
búðin yrði aftur eins og hún var en þangað
gerði ég mér ferð á meðan ég bjó í Reykjavík
til að að kaupa mér garn.
Kæru þið öll!
Það vantar alls konar fólk í bæjarstjórn
Mosfellsbæjar. T.d. konu eins og mig ... 64
ára flugfreyju og söngkonu, íþróttakonu,
móður, ömmu, vinkonu og bara svo margt
fleira. Ég er ekki gallalaus og ég kann ekki
allt, en með lífsreynslu og samvinnu með
góðu fólki, alls konar fólki, verða góðir
hlutir til, það er mín trú.
Ég býð mig því fram í prófkjöri Sjálf-
stæðisflokksins því ég veit að ég get lagt
eitthvað til og vonast eftir stuðningi ykkar
í 3.-4. sætið.
Ykkar Helga Möller
Framtíðin er björt í Mosfellsbæ,
tækifærin mörg og það er okkar
sem verðum í framboði í sveitar-
stjórnarkosningunum að marka
leiðina með bæjarbúum.
Okkur ber sem fyrr að hlusta
á og taka mið af ábendingum og
athugasemdum bæjarbúa, end-
urskoða gildandi stefnur og meta
hvernig gengið hefur hverju sinni og hverju
þarf að breyta og bæta.
Verkefni sveitarfélagsins eru mörg,
málaflokkarnir margir og fjölbreyttir og
ekki hægt að taka eitt verkefni eða einn
málaflokk fram yfir annan. Góð
fjármálastjórn og skýr markmið
eru forsenda góðs reksturs og
þjónustu við bæjarbúa.
Gerum góðan bæ enn betri, ger-
um góða þjónustu Mosfellsbæjar
til bæjarbúa enn betri og aukum
lífsgæði og lýðheilsu Mosfellinga.
Ég er tilbúin í þetta verkefni og sækist eftir
öðru sæti í prófkjöri Sjálfstæðisflokksins 5.
febrúar.
Helga Jóhannesdóttir
Gerum góðan bæ enn betri
Mosfellsbær er sannkölluð paradís fyrir
hlaupara og aðra útivistarunnendur. Það
endurspeglast í miklu úrvali hlaupaleiða á
svæðinu og fjölbreyttum hlaupaviðburðum,
á borð við Álafosshlaupið og Tindahlaupið,
sem fjöldi fólks tekur þátt í á hverju ári.
Lengi hefur verið kallað eftir því að
Afturelding bjóði upp á hlaupahóp til að
sinna sístækkandi hópi Mosfellinga sem
stundar eða vill stunda hlaup, hvort sem er
á malbiki eða utanvega. Til að svara þessu
kalli stendur Frjálsíþróttadeild félagsins nú
fyrir 8 vikna hlaupanámskeiði sem byrjar
þriðjudaginn 15. febrúar.
Námskeiðið er ætlað hlaupurum á öllum
getustigum, allt frá byrjendum til þeirra
sem hafa hlaupið í lengri tíma. Þjálfarar
á námskeiðinu eru Birna Varðardóttir og
Arnaldur Birgir Konráðsson. Þau hafa bæði
mikla reynslu og menntun á sviði þjálfunar,
og er það mikill fengur fyrir deildina að fá
svo reynda þjálfara til að koma verkefninu
af stað. Markmiðið er að námskeiðið marki
upphaf hlaupahóps UMFA sem hittist
reglulega og hleypur saman.
Sameina reynslu sína og þekkingu
Birna hefur æft hlaup og frjálsar íþróttir
frá unga aldri, og skipað sér í flokk fremstu
millivegalengda- og langhlaupara hér-
lendis. Hún hefur einnig keppt í kraftlyft-
ingum og tekið þátt í ýmsum þrekmótum/
áskorunum í gegnum tíðina. Birna er með
meistarapróf í íþróttanæringarfræði frá
Maastricht háskóla í Hollandi, og starfar í
dag sem aðjunkt og doktorsnemi í íþrótta-
og heilsufræði við Háskóla Íslands.
Birgir (Coach Birgir) hefur yfir 25 ára
reynslu af þjálfun einstaklinga, hópa og
íþróttaliða. Sjálfur hefur Birgir stundað
hlaup í mörg ár og lokið fjölda hálf-og
heilmaraþona í bland við enn lengri hlaup
á borð við 110 km hlaup í Sahara eyði-
mörkinni, Útmeða styrktarhlaup í kringum
landið með góðum hópi fólks til styrktar
Geðhjálp og margt fleira. Birgir starfar í dag
ásamt Lindu eiginkonu sinni undir Coach
Birgir þar sem þau bjóða upp á þjálfun,
markmiðasetningu, ráðgjöf o.fl.
Birna og Birgir hafa þekkst í mörg ár, eða
frá því Birna byrjaði í þjálfun hjá Birgi sem
unglingur. Þau eru því mjög samstíga um
æskilegar áherslur í þjálfun hlaupara, með
tilliti til langtíma árangurs, meiðslaforvarna
og ekki síst ánægju af æfingunum.
Árangur í hlaupum byggir ekki bara á því
að hlaupa þar sem mikilvægt er að ramma
hlaupaþjálfunina sjálfa inn með markviss-
um styrktaræfingum, góðri næringu, hvíld
og öðrum þáttum sem skipta höfuðmáli. Á
námskeiðinu sameina þau reynslu sína og
þekkingu til að veita þátttakendum þennan
heildstæða undirbúning fyrir smærri jafnt
sem stærri hlaup.
Útfærslur fyrir mismunandi getustig
Á þriðjudögum kl.17:30 verða hlaupaæf-
ingar undir stjórn þjálfara frá Fellinu/Varmá
en aðrar æfingar eru samkvæmt plani og
leiðbeiningum á netinu. Á öllum æfingum
er boðið upp á útfærslur fyrir mismunandi
getustig. Einnig munu þátttakendur geta
valið um að taka styrktaræfingarnar heima
án búnaðar eða í líkamsræktaraðstöðu.
Með þessu fyrirkomulagi er boðið upp á
ákveðinn sveigjanleika fyrir þátttakendur
hvað varðar tíma og jafnvel staðsetningar
flestra æfinganna. Þá fá þátttakendur að-
gang að lokuðum facebook-hópi þar sem
þjálfarar bjóða upp á fræðslu og hvatningu
í hverri viku, auk þess sem hópurinn nýtist
sem vettvangur til að spyrja spurninga og
taka þátt í umræðum. Miði í Álafosshlaupið
þann 12. júní er innifalinn í námskeiðinu,
og afsláttarkjör hjá völdum fyrirtækjum
standa hlaupurunum til boða.
Nú er því kjörið tækifæri til að reima á sig
skóna og hlaupa af stað í góðum félagsskap
með frábæra leiðsögn!
Skráning og frekari upplýsingar um
námskeiðið má finna á heimasíðunni www.
afturelding.is/frjalsar
Kæri lesandi, fram undan er próf-
kjör hjá stærsta stjórnmálaaflinu í
Mosfellsbæ. Það er ánægjulegt að
sjá hve margir hæfir einstaklingar,
ungir, gamlir, reyndir og óreyndir
bjóða sig fram til starfa í bæjar-
stjórn Mosfellsbæjar.
Í þessu prófkjöri er í fyrsta skipti
í langan tíma fleiri en einn í fram-
boði í 1. sæti lista Sjálfstæðisflokksins og
er það vel. Það skiptir miklu máli að hafa
sterkan leiðtoga sem leiðir listann og hefur
góða blöndu af þekkingu, reynslu og hæfi-
leikum til þess að gera það.
Leiðtoginn þarf að vera góður stjórnandi,
góður í mannlegum samskiptum, drífandi
og hvetjandi, vera góður að fá fólk til að
vinna með sér og draga fram það besta hjá
samstarfsfólki sínu. Leiðtoginn þarf að vera
góð fyrirmynd, vera heiðarlegur og hafa
gott mannorð.
Ég hef þekkt Ásgeir Sveinsson um árabil
en hann býður sig fram í 1. sæti í prófkjöri
Sjálfstæðisflokksins í Mosfellsbæ og hann
hefur alla þessa eiginleika og meira til.
Hann hefur setið í bæjarstjórn Mosfells-
bæjar á þessu kjörtímabili og einnig gegnt
embætti formanns bæjarráðs. Ásgeir hefur
starfað af krafti að bæjarmálunum, er vel
inni í öllum málaflokkum og margt af því
sem hann lagði áherslu á fyrir síðustu
kosningar hefur verið framkvæmt
á þessu kjörtímabili.
Ásgeir hefur mikla reynslu sem
leiðtogi og stjórnandi úr atvinnu-
lífinu. Sem farsæll framkvæmda-
stjóri hjá Halldóri Jónssyni ehf. í 12
ár naut hann mikillar velgengni og
var afar farsæll stjórnandi og leið-
togi. Verkefnin í þannig starfi eru
mörg, ólík og flókin, þar má nefna daglegan
rekstur, umsjón með mannauðsmálum,
fjármálastjórnun og samningagerð bæði
við alþjóðleg fyrirtæki og innlend. Ásgeir
hefur einnig mikla reynslu af stjórnun í
félagsmálum, var formaður karlahandbolt-
ans hjá Aftureldingu 2013–2019 á miklum
uppbyggingar- og uppgangstímum. Hann
hefur langa reynslu sem handboltaþjálfari
hjá Aftureldingu, hefur setið í stjórnum
félaga og fyrirtækja og syngur í Karlakór
Kjalnesinga.
Það eru mörg spennandi verkefni og
tækifæri fram undan í Mosfellsbæ.
Það skiptir miklu máli fyrir okkur Mos-
fellinga að sterkur leiðtogi leiði lista Sjálf-
stæðisflokksins í næstu bæjarstjórnarkosn-
ingum.
Þess vegna ætla ég að kjósa Ásgeir
Sveinsson í 1. sætið og hvet þig, lesandi
góður, til að gera slíkt hið sama.
Þorsteinn Hallgrímsson
Sterkur leiðtogi skiptir máli
biggi
Frjálsíþróttadeildin stendur fyrir 8 vikna hlaupanámskeiði
Hlauptu af stað
með Aftureldingu
birna