Mosfellingur - 03.02.2022, Blaðsíða 32
- Aðsendar greinar32
Fyrir fjórum árum síðan tók ég
þátt í því að koma á laggirnar
stjórnmálaflokk hér í Mosfellsbæ,
Viðreisn í Mosfellsbæ.
Þátttaka mín í þeirri vegferð
kom ekki til af því ég skilgreindi
sjálfa mig sem manneskju sem
hefði brennandi áhuga á pólitík,
heldur kom hún til af einlægri ást
minni á bænum mínum - Mosfellsbæ.
Ég var ekkert endilega þeirrar skoðunar
að hér væri allt ómögulegt, meira þeirrar
skoðunar að það væri hægt að gera betur.
Og jafnvel ennþá betur en hafði verið gert.
Það sem hefur komið mér hvað mest á
óvart í þessari vegferð sem þetta hefur ver-
ið frá síðustu sveitarstjórnarkosningum er
hversu ótrúlega gaman þetta hefur verið.
Ég hef í gegnum stjórnmálin kynnst ótrú-
lega fjölbreyttum hópi fólks, en einnig hef
ég eignast dýrmæta vini í félögum mínum
í Viðreisn.
Það er nefnilega þannig að þátttaka sem
þessi getur gefið manni svo margt.
Vináttu, reynslu, tækifæri til þess
að hafa áhrif, innsýn inn í hið
dýrmæta samfélag sem við eigum
hér í Mosfellsbæ og margt fleira. Ég
er þakklát fyrir þetta og langar til
þess að fleiri sem kannski eru núna
á sama stað og ég var fyrir fjórum
árum taki skrefið og taki þátt.
Ef þú hefur áhuga á því að vera með
okkur í málefnavinnunni, ef þú vilt bjóða
þig fram á lista hjá okkur, ef þú vilt deila af
reynslu þinni, ef þú vilt vita eitthvað meira
um félagið, ef þú vilt taka þátt í þessari
vegferð með okkur þá hvet ég þig til þess
að setja þig í samband við okkur á mos-
fellsbaer@vidreisn.is, í gegnum facebook
síðuna okkar eða í gegnum einhvern af
okkar fulltrúum.
Saman getum við nefnilega ennþá gert
betur!
Elín Anna Gísladóttir
Formaður stjórnar Viðreisnar í Mosfellsbæ
Vertu með
Í síðustu grein minni fjallaði ég
um loforð sem sett var í málefna-
samning Sjálfstæðisflokks (XD)
og Vinstri hreyfingarinnar græns
framboðs (VG) eftir sveitastjórnar-
kosningarnar 2018. Þar var því lof-
að að leikskólagjöld yrðu lækkuð,
án tillits til verðlagshækkana.
Sé litið á þróun leikskólagjalda
fyrir börn yngri en 12 til 13 mánaða, fyrir
4 klukkustunda dvöl, var nýlega afgreidd
gjaldskrá þar sem gjaldið fyrir þennan tíma
kr. 9.787 en sú gjaldskrá tekur gildi frá og
með 1.8.2022. Þetta var tillaga meirihlutans
í Mosfellsbæ, XD og VG. Þetta er lækkun
um 14,27% en ekki 25% lækkun í samræmi
við gefið loforð. Rétt tala, sé staðið við lof-
orðið væri kr. 8.562 fyrir sama tíma. Hér er
því verið að „snupra“ barnafólk í Mosfells-
bæ um kr. 1.224 krónur fyrir þessa dvöl á
mánuði, a.m.k. þá sem treystu þessum
flokkum fyrir atkvæði sínu. Fyrir 9 klst.
dvöl er verið að „snupra“ með sama hætti
sömu kjósendur um 3 þúsund á mánuði.
Það munar um minna enda nemur þetta
tugum til hundraða þúsunda á fjölskyldur í
Mosfellsbæ á því kjörtímabili sem er að líða
og inn á það næsta, sbr. nýsamþykkta gjald-
skrá og tillögu XD og VG. Þessi gjaldskrá
er þeirra pólitíska útspil og á henni bera
þeir ábyrgð. Yrði lögð fram tillaga um að
leiðrétta þetta yrði ég fús til að styðja hana
komi hún fram nú fyrir kjördag en það þarf
þá meirihluta til.
Er hægt að styðja framangreind fram-
boð sem standa ekki við loforð? Þetta voru
þeirra loforð. Líkur eru á að prófkjör og val
á lista þessara framboða sýni fram á nýja
sýn og endurnýjun. Því ber að
fagna.
Annað mun eldra loforð var ekki
aðeins gefið okkur kjósendum
heldur einnig almættinu. Í grein
fráfarandi bæjarstjóra Mosfells-
bæjar og oddvita Sjálfstæðisflokks-
ins, sem birt var í Morgunblaðinu
27. maí 2006, segir: „Á stefnuskrá
okkar Sjálfstæðismanna fyrir komandi
kosningar er að byggð verði kirkja í miðbæ
Mosfellsbæjar.“
Á nýliðnum bæjarráðsfundi nr. 1520
þann 27. janúar sl., kom fram tillaga frá
þessum sama meirihluta að byggja ekki
kirkju í miðbæ Mosfellsbæjar. Þetta 16 ára
afmælisár loforðsins var nýtt í að brjóta 8.
boðorðið: „Þú skalt ekki bera ljúgvitni gegn
náunga þínum.“ Eru þá þegar einnig nokk-
ur önnur af boðorðunum fokin út í veður
og vind hjá þessum meirihluta.
Um þessar mundir má sjá myndbönd og
auglýsingar um hve gott er að búa í Mos-
fellsbæ og það kyrja þeir sem hafa gengið í
gegnum hverjar kosningar af fætur öðrum
segjandi ósatt eða boða hálfsannleik. Það
er fagnaðarefni ef miklar breytingar verði
á listum framangreindra flokka enda ekki
þörf á. Því er skorað á kjósendur Sjálfstæð-
isflokksins í komandi prófkjöri að taka
hressilega til enda ekki vanþörf á kæru
gömlu félagar. Við í Miðflokknum viljum
starfa að heilindum með hugdjörfu fólki.
Guð minn góður hve gott er að búa í
Mosfellsbæ.
Sveinn Óskar Sigurðsson
bæjarfulltrúi Miðflokksins í Mosfellsbæ
Ég hóf afskipti af bæjarmálum hér
í Mosfellsbæ í upphafi árs 2010
en þá gaf ég kost á mér í prófkjöri
Sjálfstæðisflokksins fyrir bæjar-
stjórnarkosningar.
Ég hafði áður hrifist af stjórnun
bæjarins og þeim breytingum sem
urðu á ímynd og rekstri hans eftir
að Sjálfstæðisflokkurinn varð leið-
andi afl í bæjarstjórn. Ég tók eftir stefnu-
mótunarvinnunni sem unnin var árin
2008-2009 og framtíðarsýninni sem kom
út úr þeirri vinnu. Ég tók eftir samheldn-
inni í hópnum og þeim jákvæðu straumum
sem frá honum stafaði. Mig langaði að vera
hluti af þessum hóp því þarna sá ég mig
geta blómstrað og vaxið með því að taka
þátt í því að gera samfélagið sem ég brenn
svo fyrir, enn betra. Þess vegna ákvað ég að
taka þátt í prófkjörinu.
Ég náði 5. sætinu og fannst það góð byrj-
un. Strax eftir prófkjörið var hafist handa
við að undirbúa stefnuskrá okkar sjálf-
stæðisfólks fyrir kosningarnar þá um vorið.
Skipaðir voru málefnahópar og opnir mál-
efnafundir auglýstir fyrir alla bæjarbúa þar
sem safnað var hugmyndum og ábending-
um hvernig við gætum gert góðan bæ enn
betri. Í þeirri vinnu fengu allar raddir að
njóta sín og öll sjónarmið voru gild undir
stjórn oddvitans og leiðtogans.
Með afrakstur þessarar vinnu fórum
við svo af stað í kosningabaráttuna, full
af eldmóði, glöð í fasi og með bjartsýni í
hjarta. Þetta gat ekki klikkað og við unnum
kosningarnar með glæsibrag. Sjálfstæðis-
flokkurinn var aftur kominn með hreinan
meirihluta í bæjarstjórn. Ég man hvað ég
var glöð yfir þátttöku minni og fannst ég
hafa verið þátttakandi í ævintýri og lagt mitt
af mörkum til að gera samfélagið betra.
Leiðtoginn skiptir máli
Ég hef lært mikið á þessum árum
mínum í bæjarmálunum ásamt því
að hafa menntað mig í stjórnunar
og leiðtogafræðum. Enginn fæðist
fullnuma leiðtogi, leiðtogafærni
ávinnst með reynslu, menntun og
þjálfun. Franklin Covey segir í sín-
um fræðum frá fjórum hlutverkum
leiðtoga sem eru:
1. Byggja upp traust
2. Skapa sýn
3. Framkvæma stefnu
4. Leysa hæfileika úr læðingi
Ég vil sjá leiðtoga sem hefur skarpa sýn og
hlýtt hjarta, manneskju sem tekur ábyrgar
ákvarðanir á grundvelli þekkingar. Sagt hef-
ur verið að algengustu mistök leiðtoga séu
fólgin í því að ofmetnast, fyllast drambi, fyll-
ast oftrú á sjálfan sig og eigin visku og getu.
Leiðtoginn sem ber sér á brjóst og hrósar
sjálfum sér, leiðtoginn sem stendur í stafni og
baðar út öngum verður fljótlega bara leiðtogi
yfir sjálfum sér, aðrir farnir burt. Mosfellsbær
er þekkingarfyrirtæki og þar þarf leiðtoginn
að vera leiðbeinandi og hvetjandi.
Ég veit að menntun mín og reynsla
munuhöfða til breiðari hóps Mosfellinga,
nýrra Mosfellinga og eldri Mosfellinga, til
foreldra sem þurfa öruggt umhverfi fyrir
börnin sín í skólum og frístund bæjarins.
Ég vil verða næsti leiðtogi sjálfstæðisfólks
í Mosfellsbæ og leiða flokkinn til sigurs
í kosningunum í vor. Þess vegna býð ég
mig fram í 1. sætið í prófkjörinu 5. febrúar.
Munum að stjórnmál eru hópíþrótt, gerum
þetta saman og höldum áfram að gera Mos-
fellsbæ að besta bæ fyrir alla.
Kolbrún G. Þorsteinsdóttir bæjarfulltrúi
Frambjóðandi í 1. sætið í prófkjöri
Sjálfstæðisflokksins
Stjórnmál eru hópíþrótt
Jesús minn hvað gott er
að búa í Mosfellsbæ
Það birtist frétt fyrir nokkru af
krökkum í Reykjabyggð í Mosfells-
bæ að spila fótbolta með höfuðljós
á óupplýstum fótboltavelli.
Þau höfðu sent bæjarráði hand-
skrifað bréf þar sem þau óskuðu
eftir lýsingu á völlinn og helst
gervigras líka. Þessi frétt barst
víða og var meira að segja sýnd
í sjónvarpinu í Danmörku. Þessu erindi
þeirra var vel tekið í bæjarráði og vísað til
umsagnar í stofnunum bæjarins. Það er
aðdáunarvert þegar ungir krakkar taka sig
til og fara með mál til bæjarráðs og biðja
um úrbætur eins og þau gera.
En við ættum öll að biðja um úrbætur
því að aðstaða til íþróttaiðkunar er alls
ekki nógu góð í Mosfellsbæ og við eigum
að gera betur. Það er nokkuð ljóst.
Það er á fjárhagsáætlun fyrir næsta ár að
hefja byggingu á félagsaðstöðu við Varmá.
Löngu tímabær bygging því það hefur skort
félagsaðstöðu og búningsklefa í langan
tíma. Það vantar líka ýmislegt annað. Það
eru tvær sundlaugar í Mosfellsbæ og hvorug
er lögleg keppnislaug. Aðstaða fyrir frjálsar
íþróttir hefur drabbast niður vegna þess að
viðhaldi hefur ekki verið sinnt. Fótboltinn
hefur ekki almennilegan keppnisvöll og
vantar svæði til þess að æfa.
Helsta afrek meirihlutans á síðasta
kjörtímabili er viðhald á íþróttasal á
Varmá sem sami meirihluti hefur látið
sitja á hakanum. Það sem var gert á kjör-
tímabilinu fyrir utan viðhald var bygging
á knattspyrnuhúsi sem er mun
minna en önnur sveitarfélög hafa
verið að byggja og uppsetning á
bráðabirgða áhorfendastæði við
fótboltavöllinn. Áhorfendasvæðið
er sunnan meginn við völlinn þar
sem áhorfendur eru með vindinn
í fangið og sólina í bakið.
Þetta eru þessi stórkostlegu
afrek sem meirihlutinn getur státað sig af.
Jú og reddað fjárhag golfklúbbsins. Löngu
fyrirséður vandi sem golfklúbburinn var
kominn í vegna byggingar golfskálans.
Við þurfum að gera betur. Það þarf að
skipuleggja Varmársvæðið til framtíðar.
Fjölga völlum á svæðinu og byggja upp
aðstöðu fyrir frjálsar íþróttir. Nú hefur
verið tekin ákvörðun um að byggja löngu
tímabæra félagsaðstöðu og hefst vinna við
það á þessu ári. Það verður verkefni næstu
bæjarstjórnar sem og að byggja íþróttahús
við Helgafellsskóla.
Við þurfum líka að gera betur við að
byggja göngu og hjólastíga í nágrenni
Mosfellsbæjar. Það er leyndur fjársjóður
sem við eigum í náttúrunni í kringum
Mosfellsbæ. Þannig opnum við fellin fyrir
útivist. Við þurfum að tryggja að aðstaða til
hreyfingar og íþrótta fyrir börn, fullorðna,
eldri borgara og allra annarra íbúa sé til
fyrirmyndar og standa þannig undir nafni
sem heilsueflandi samfélag.
Valdimar Birgisson
Bæjarfulltrúi Viðreisnar í Mosfellsbæ
Bætum íþróttaaðstöðu
í Mosfellsbæ
Sendið okkur myndir af nýjum Mosfellingum ásamt
helstu upplýsingum á mosfellingur@mosfellingur.is