Mosfellingur - 17.03.2022, Side 2

Í þá gömlu góðu...
Umsjón: Birgir D. Sveinsson (birgird@simnet.is)
MOSFELLINGUR
www.mosfellingur.is - mosfellingur@mosfellingur.is
Næsti Mosfellingur kemur út 7. apríl
Útgefandi: Mosfellingur ehf., Spóahöfða 26, sími: 694-6426
Ritstjóri og ábyrgðarmaður:
Hilmar Gunnarsson, hilmar@mosfellingur.is
Ritstjórn:
Anna Ólöf Sveinbjörnsdóttir, annaolof@mosfellingur.is
Ragnar Þór Ólason, raggiola@mosfellingur.is
Ruth Örnólfsdóttir, ruth@mosfellingur.is
Prentun: Landsprent. Upplag: 5.000 eintök. Dreifing: Afturelding.
Umbrot og hönnun: Mosfellingur ehf.
Próförk: Ingibjörg Valsdóttir ISSN 2547-8265
Tekið er við aðsendum greinum á mosfellingur@mosfellingur.is
og skulu þær ekki vera lengri en 500 orð. Efni og auglýsingar
skulu berast fyrir kl. 12, mánudegi fyrir útgáfudag.
Mosfellingur kemur út að jafnaði á þriggja vikna fresti.
Í blaðinu í dag kynnum við tvo
framboðslista til leiks fyrir
kosningarnar sem fram fara 14. maí.
Bæjarfulltrúum verður fjölgað úr
9 í 11 vegna aukins
fjölda íbúa. Fyrir
fjórum árum buðu 8
listar fram og ef svo
heldur áfram munu
176 Mosfellingar
verða í framboði
þegar kemur að
kjördegi. Það er
ágætis fjöldi.
Ekki það að
mér þætti
alveg nóg að vera með 5 eða 7 í
bæjarstjórn Mosfellsbæjar og talsvert
færri flokka í framboði. Það myndi
einfalda lífið til muna.
Til hamingju með afmælið
Mosfellsbakarí. Okkar flotta
bakarí var stofnað á því herrans ári
1982 og fagnar því fertugsafmæli á
árinu eins og undirritaður. Geri aðrir
betur! Mikið vatn hefur runnið til
sjávar síðan bakaríið hóf starfsemi,
skömmu eftir að tvö núll voru tekin
aftan af krónunni. Þá bjuggu hér
rúmlega 3.000 manns og vöndu
komu sína í Kjörval og Kaupfélagið.
Nú er öldin önnur.
Framboð og eftirspurn
Hilmar Gunnarsson, ritstjóri Mosfellings
www.isfugl.is
6
Héðan og þaðan
- Fréttir úr bæjarlífinu2
Í grein sem Tómas Sturlaugsson ritar
um tengdaforeldra sína – skólastjóra-
hjónin Kristínu Magnúsdóttur og
Lárus Halldórsson á Brúarlandi er góð
frásögn um upphaf Brúarlandsskóla og
hlutverk hans í þágu íbúanna:
Bygging skólahúss að Brúarlandi hófst
1922, en þar átti að vera heimavistar-
barnaskóli en jafnframt samkomuhús
sveitarinnar.
Þegar til kom fékkst aðeins leyfi til þess
að byggja hluta þess, sem nú er kjallari
hússins og þar hófst kennsla 5. desember
sama ár. Farskóli starfaði því áfram í
sveitinni næstu þrjú árin eftir að byrjað
var að kenna í Brúarlandi og var kennt
bæði á Mosfelli og í Laxnesi.
Það var síðan haustið 1925 að fræðslu-
yfirvöld samþykktu að breyta farskólan-
um í fastan skóla og þá var Brúarland
eini skólastaður sveitarinnar.
Árið 1929 var síðan ráðist í að byggja
við og ofan á húsið og því verki lokið um
áramótin 1929-1930.
Brúarlandshúsið var lengi eitt glæsileg-
asta barnaskólahús í sveit á Íslandi. Húsið
stóð við þjóðbraut þvera í þess orðs fyllstu
merkingu, og stendur reyndar enn.
Því er saga þessi rakin hér að hún er
svo mjög samofin starfsævi þeirra hjóna
sem hér er minnst.
Í Brúarlandi bjuggu þau Kristín og
Lárus í 20 ár og allan þann tíma gegndi
húsið margs konar hlutverki í þágu íbúa
Mosfellssveitar. Þar var ekki aðeins
barnaskóli og heimavist, heldur einnig
samkomuhús í rúm 20 ár eða þar til
Hlégarður var tekinn í notkun árið 1951,
þinghús hreppsins, símstöð og póstaf-
greiðsla.
Auk skólastjórastarfsins gegndi
Lárus starfi stöðvarstjóra Pósts og síma á
árunum 1933-1952.
Það segir sig því sjálft að umsvif
húsráðenda í Brúarlandi hafa verið mikil
og þjónusta við sveitunga margvísleg.
Brúarlandsheimilið var lengst af mjög
mannmargt. Þar komust á legg átta börn
þeirra hjóna en auk þessu áttu athvarf
hjá þeim hjónum um lengri eða skemmri
tíma skyldir og vandalausir. Þá dvöldu á
heimilinu á veturna þau börn í sveitinni,
er lengst áttu að sækja í skólann.
Stjórn þess stóra heimilis hvíldi
eðlilega mest á Kristínu sem stjórnaði af
röggsemi.
Á Brúarlandi byggð er höll, barnaskóli fríður
Brúarlandsfólkið
Fremri röð frá vinstri: Magnús Lárusson, Halldór Lárusson, Kristín Magnúsdóttir,
Lárus Halldórsson skólastjóri, Tómas Lárusson. Aftari röð: Margrét Lárusdóttir,
Valborg Lárusdóttir, Ragnar Lárusson, Fríða Lárusdóttir, Gerður Lárusdóttir.