Mosfellingur - 17.03.2022, Side 6

- Fréttir úr bæjarlífinu6
Vinstri græn setja félagslegt jafnrétti, samfélagslega ábyrgð og umhverfismál á oddinn
Kosningabaráttan að
hefjast af fullum krafti
Framboðslisti VG var
samþykktur á almenn-
um félagsfundi þann
12. mars.
Bjarki Bjarnason,
rithöfundur og forseti
bæjarstjórnar, leiðir
listann. Í öðru sæti er
Kolbrún Ýr Oddgeirs-
dóttir flugumferðar-
stjóri, í þriðja sæti er
Bjartur Steingrímsson
fangavörður og Bryndís
Brynjarsdóttir kennari
er í fjórða sæti. Guð-
mundur Ingi Guðbrandsson félagsmála-
ráðherra og Bjarki Bjarnason oddviti listans
ávörpuðu fundinn eftir einróma samþykkt
listans. Kosningabaráttan er að hefjast af
krafti og Kolbrún Oddgeirsdóttir formaður
félagsins er bjartsýn á árangurinn.
1. Bjarki Bjarnason
2. Kolbrún Ýr Oddgeirsdóttir
3. Bjartur Steingrímsson
4. Bryndís Brynjarsdóttir
5. Garðar Hreinsson
6. Una Hildardóttir
7. Hlynur Þráinn Sigurjónsson
8. Auður Sveinsdóttir
9. Ásdís Aðalbjörg Arnalds
10. Sæmundur Karl Aðalbjörnss.
11. Stefanía R. Ragnarsdóttir
Framboðslisti vinstri grænna
12. Hulda Jónasdóttir
13. Þórir Guðlaugsson
14. Ari Trausti Guðmundsson
15. Harpa Fönn Sigurjónsdóttir
16. Örvar Þór Guðmundsson
17. Valgarð Már Jakobsson
18. Oddgeir Þór Árnason
19. Jóhanna B. Magnúsdóttir
20. Ólafur Jóhann Gunnarsson
21. Elísabet Kristjánsdóttir
22. Gísli Snorrason
Þakklátur trausti
til að leiða listann
Bjarki Bjarnason rithöfundur og for-
seti bæjarstjórnar leiðir lista vinstri-
grænna í komandi kosningum.
Hann kveðst vera þakklátur fyrir
það traust sem honum sé sýnt og
segir: „Á fram-
boðslistanum er
fólk úr ýmsum
stéttum samfélags-
ins, einstaklingar
sem hafa svipaða
lífssýn þar sem
jöfnuður, samfé-
lagsleg ábyrgð og
umhverfismál eru sett á oddinn.
Það er mikill hugur í hópnum,
málefnavinnan stendur yfir og verður
kynnt í stefnuskrá okkar. Þar verður
fjallað um fjölmarga málaflokka, ekki
síst umhverfismál, þau hafa aldrei
skipt meira máli en á okkar dögum.“
Listann skipa 22 einstaklingar, í sam-
ræmi við fjölgun bæjarfulltrúa úr 9 í
11 en kosið verður til sveitarstjórnar-
kosninga laugardaginn 14. maí.
„Vorið verður ekki einungis grænt -
heldur vinstri grænt,“ segir Bjarki.
Kolbrún Ýr Oddgeirsdóttir skipar 2. sæti á lista vinstri grænna.
Hún ólst upp í Mosfellsbæ og starfar sem flugumferðarstjóri,
auk þess hefur hún síðustu ár sinnt nefndarstörfum fyrir
Mosfellsbæ og formennsku í félagi VG hér í bænum.
„Ég hlakka til starfsins með þessum fjölbreytta hópi fólks sem
prýðir listann og tel að góður jarðvegur sé meðal Mosfellinga
fyrir það sem við berjumst fyrir.
Með öðrum bæjarbúum viljum við byggja upp gott og
heilbrigt samfélag með lýðheilsu, umhverfisvernd og félagslegt
réttlæti að leiðarljósi,“ segir Kolbrún.
Viljum byggja upp gott og heilbrigt samfélag
Efstu fimm á lista Vinstri grænna: Bryndís,
Bjartur, Bjarki, Kolbrún Ýr og Garðar.
Landssöfnun Lions, Rauða fjöðRin,
feR fRam dagana 31. maRs tiL 3. apRíL
Hjálpið okkur að leggja lið.
margt smátt gerið eitt stórt.
Reikningur 544-14-556440 kt. 640572-0869 og á lions.is
Afrakstur af sölu Rauðu fjaðrarinnar þetta árið verður varið
til kaupa á blindrahundum í samstarfi við Blindrafélag Íslands.
Lovísa Jónsdóttir
efst hjá Viðreisn
Niðurstöður liggja
fyrir í óbind-
andi, rafrænni
skoðanakönnun
á meðal félags-
manna Viðreisnar
í Mosfellsbæ
varðandi röðun
í 1.-6. sæti á
framboðslista flokksins fyrir sveitar-
stjórnarkosningarnar í vor.
Niðurstöðurnar eru eftirfarandi:
1. sæti: Lovísa Jónsdóttir
2. sæti: Valdimar Birgisson
3. sæti: Elín Anna Gísladóttir
4. sæti: Ölvir Karlsson
5. sæti: Olga Kristrún Ingólfsdóttir
6. sæti: Ágústa Fanney Snorradóttir
Uppstillingarnefnd Viðreisnar tekur
nú við niðurstöðum könnunarinnar
og vinnur með þær áfram en meðal
annars þarf að taka tillit til reglna
Viðreisnar um fléttulista. Uppstill-
ingarnefnd stefnir á að bera listann
upp til samþykktar í lok mars.
Samningur um
loftgæðamælingar
Samningur milli Mosfellsbæjar
og Resource International um
uppsetningu loftgæðamælakerfis í
Mosfellsbæ hefur verið undirritaður
og verður búnaðurinn settur upp
næstu daga. Samkvæmt samningn-
um skuldbindur fyrirtækið sig til að
útvega og hafa eftirlit með loftgæða-
mælum fyrir Mosfellsbæ sem og
að miðla gögnum um loftgæði sem
mælinetið mun afla. Gert er ráð fyrir
að í Mosfellsbæ verði að minnsta
kosti þrír mælar á mismunandi
stöðum innan bæjarins með sér-
staka áherslu á að mæla loftgæði við
útisvæði skóla. Á myndinni eru þau
Jóhanna B. Hansen framkvæmda-
stjóri umhverfissviðs Mosfellsbæjar
og Karl Edvaldsson framkvæmda-
stjóri Resource International.
SORPA tekur gjald
fyrir ógagnsæa poka
SORPA hefur hafið 500 króna
gjaldtöku fyrir hvern ógagnsæan
poka sem komið er með inn á end-
urvinnslustöðvar. Á þetta eingöngu
við um stóra poka eins og svarta
ruslapoka. Bann við ógagnsæjum
pokum snýst fyrst og fremst um að
draga úr urðun og auka flokkun.
SORPA áætlar að verkefnið skili um
1.200 tonna samdrætti í urðun á
ári. Verkefnið hefur þar af leiðandi
gengið vel og hefur verið tekið vel
í það enda eru flestir sammála um
mikilvægi þess að flokka og draga
úr urðun. Glæra og gagnsæja poka
má kaupa í öllum helstu mat- og
byggingavöruverslunum.