Mosfellingur - 17.03.2022, Side 12

Framkvæmdastjórar sveitarfélaganna á höfuðborgarsvæð-
inu hafa skrifað undir sameiginlega yfirlýsingu um sam-
ræmingu á sorphirðu á höfuðborgarsvæðinu og sérsöfnun
á lífrænum eldhúsúrgangi.
Yfirlýsingin var undirrituð í móttöku- og flokkunarstöð
SORPU í Gufunesi föstudaginn 11. mars.

Eitt sorphirðukerfi og sérsöfnun á lífrænum úrgangi
„Umhverfið okkar er að gjörbreytast. Við sjáum loks
fram á samræmda flokkun og sjáum fram á uppbyggingu
á grænum klasa og sorpbrennslu fyrir úrgang sem ekki
er hægt að flokka,“ sagði Gunnar Einarsson, formaður
stjórnar Samtaka sveitarfélaga á höfuðborgarsvæðinu, við
undirritunina og fagnaði þeirri samstöðu og framsækni
sem sveitarfélögin hafa sýnt í verki.
„Það mun mjög margt spennandi gerast á næstu árum.
Við þetta bætist markmið ríkisstjórnarinnar um að vera
í fremstu röð á sviði loftslagsmála. Þetta eru spennandi
tímar en líka flóknir og samstaða okkar sveitarfélaganna
er mikilvæg til að tryggja að þessi markmið náist.“
Með yfirlýsingunni sammælast sveitarfélögin um að
innleiða eitt sorphirðukerfi á höfuðborgarsvæðinu og sér-
söfnun á lífrænum úrgangi sem lögð er til í skýrslu starfs-
hópsins og hefur áður verið sagt frá í Mosfellingi.
- Mosfellsbakarí 40 ára12
Þann 6. mars voru liðin 40 ár frá því Mos-
fellsbakarí opnaði í Mosfellssveit.
„Það er búið að vera mikið fjör í kring-
um þetta í öll þessi ár,“ segir Linda Björk
Ragnarsdóttir sem stýrir bakaríinu í dag
ásamt bróður sínum Hafliða Ragnarsyni
og eiginkonu hans.
Mosfellsbakarí er fjölskyldufyrirtæki sem
var stofnað 1982 af hjónunum Ragnari Haf-
liðasyni og Áslaugu Sveinbjörnsdóttir.
Bakaríið hefur verið rekið á sömu kenni-
tölu frá fyrsta degi og hlýtur að teljast með
eldri fyritækjum í sveitinni. Árið 2001
var opnuð ný verslun á Háaleitisbraut í
Reykjavík auk þess sem bakaríið í Mosfells-
bæ fluttist úr gamla húsinu í Urðarholti í
stærra húsnæði að Háholti árið 2007. Þá er
einnig rekin konfektgerð á Kirkjustíg undir
merkjum Hafliða súkkulaðimeistara og
bakarameistara í fjórða ættlið.
Tvö núll tekin aftan af krónunni
Mosfellsbakarí opnaði með pompi og
prakt þann 6. mars 1982 og fullt var út úr
dyrum þann dag og næstu daga. „Þá höfðu
nýlega verið tekin tvö núll aftan af krónunni
og var innkoman fyrsta daginn rúmlega tíu
þúsund krónur. Eftir það mátti þakka fyrir
að velta dagsins næði 2.000 kr.,“ segir Ragn-
ar Hafliðason.
„Þetta mæltist misjafnlega fyrir í sveit-
inni því sumir höfðu ekki mikla trú á því
að krakkakjánar gætu látið svona fyrirtæki
ganga.
Reksturinn var mjög erfiður til að byrja
með en við vorum komin í of miklar skuld-
bindingar til að fara að leggja upp laupana.
Fólk var ekki gleypa við þessari nýjung enda
tók það alveg 3-4 ár að koma Mosfellingum
á bragðið.
Þá bjuggu í Mosfellssveit rúmlega 3.000
manns og fólk var vant því að fá mjúk
rúnstykkin í plastpokum í Kjörval eða
Kaupfélaginu, ekki nýbakað með skorpu
úr bakaríi.
Svo fór að ganga betur og betur efir því
sem leið og bakaríið hefur vaxið og dafnað
í öll þessi ár.“
Tíminn líður hratt
„Það hefur margt breyst á fjórum áratug-
um. Okkar stóra gæfa í þessum rekstri hefur
verið gott starfsfólk og góðir viðskiptavinir.
Drifkrafturinn í fyrirtækinu hefur alltaf verið
metnaður til að gera betur og sinna óskum
viðskiptavinarins,“ bætir Ragnar við.
„Sumir koma hér um hverja helgi eða
jafnvel á hverjum degi og hægt er að stilla
klukkuna eftir nokkrum þeirra. Bakaríið
getur líka verið ágætis samkomustaður.
Stefnt er að því að gera eitthvað meira
skemmtilegt í tilefni stórafmælisins með
vorinu þegar sól hækkar á lofti,“ segja fjöl-
skyldumeðlimirnir hálf hissa á því hvað
tíminn líður hratt.
Samræmd Sorphirða
á höfuðborgarSvæðinu
Páll Björgvin Guðmundsson framkvæmdastjóri SSH, Gunnar Ein-
arsson formaður stjórnar SSH og bæjarstjóri Garðabæjar, Dagur
B. Eggertsson borgarstjóri Reykjavíkur, Regína H. Guðbjörnsdóttir
staðgengill sveitarstjóra Kjósarhrepps, Ármann Kr. Ólafsson bæj-
arstjóri Kópavogs, Rósa Guðbjartsdóttir bæjarstjóri Hafnarfjarðar,
Bjarni Torfi Álfþórsson staðgengill bæjarstjóra Seltjarnarnesbæjar,
Arnar Jónsson staðgengill bæjarstjóra Mosfellsbæjar.
Gott starfsfólk og góðir viðskiptavinir eru lykillinn
mosfellsbakarí
vex og dafnar
Fyrsta bakaríið í Mosfellssveit. Bræðurnir Ragnar og Rafn Hafliðasynir ásamt starfsfólki sínu,
Ellý Björnsdóttur, Kristjáni Skarphéðinssyni, Ásthildi Davíðsdóttur og Hrönn Samsonardóttur.
Afmælisbarnið Ágúst Jóhannsson, fæddist sama dag og Mosfellsbakarí tók
til starfa fyrir 40 árum. Hér ásamt Lindu Björk, Olesya, Áslaugu og Ingibjörgu
Alexíu fyrir 20 árum í Urðarholtinu. Mosfellsbakarí hefur verið staðsett í Háholti frá árinu 2007.