Mosfellingur - 17.03.2022, Qupperneq 16

- www.mosfellingur.is16
Handhafi þróunar- og nýsköpunarviðurkenningar
Mosfellsbæjar er Hlín Ólafsdóttir, grafískur hönnuður og
kennari í Krikaskóla og Verzlunarskóla Íslands.
Sólveig Franklínsdóttir, formaður menningar- og
nýsköpunarnefndar, og Haraldur Sverrisson bæjarstjóri
afhentu viðurkenninguna í Listasal Mosfellsbæjar nýlega
en viðurkenningin er veitt á tveggja ára fresti.
Hugmyndin sem verðlaunuð er lýtur að nýtingu rýmis
í Kjarna sem svokallaðs sköpunarrýmis og miðar að
skapandi og áhugadrifnum íbúum Mosfellsbæjar sem eru
að vinna að nýsköpun og/eða annars konar handverki.
Grunnhugmyndin er byggð á hugmyndafræði FabLab
þar sem tækni og módelgerð er í forgrunni en þó einfald-
ari og með meiri áherslu á samfélagslegt gildi og nýtingu
á ólíkri þekkingu og hæfni.
Á næstunni má gera ráð fyrir því að hugmyndin verði
þróuð enn frekar sem myndi fela í sér kostnaðarmat,
könnun á áhuga mögulegra samstarfsaðila og heimsækja
aðrar sköpunarsmiðjur.
Í upphafi árs gerðu Mosfellsbær og Miðstöð
hönnunar og arkitektúrs með sér samning
um aðkomu miðstöðvarinnar að opinni
hugmynda- og hönnunarsamkeppni sem
sveitarfélagið hugðist halda.
Samkeppnin sneri að nýjum upplifunar-
og miðbæjargarði í hjarta byggðarinnar við
Bjarkarholt. Keppnin var ætluð öllum til
þátttöku, fagfólki, hönnuðum og arkitekt-
um í samstarfi við aðra fræði- og faghópa
og var sérstaklega hvatt til þverfaglegrar
nálgunar. Uppbygging hefur verið mikil í
miðbænum á undanförnum árum og fer
henni brátt að ljúka. Garðurinn verður án-
ingarstaður bæjarins ætlaður bæði íbúum
og öllum gestum svæðisins. Markmið hans
verður að auka mannlíf og græna ásýnd
götunnar í heild.
Myndband sýnir miðbæinn fullbyggðan
Í janúar unnu hönnunarstofurnar Ark-
form og ONNO tölvugert myndband af
götunni að ósk Mosfellsbæjar. Myndbandið
sýnir hvernig ætla megi að miðbærinn
muni líti út fullbyggður samkvæmt sam-
þykktum áformum og skipulagi. Þar sjást
óreist mannvirki, torg og garður í samspili
við þá uppbyggingu sem þegar hefur átt sér
stað.
Í upphafi myndbandsins gefur bæði að
líta útlínur vinningstillögu um kirkju og
menningarmiðstöð en þau áform munu
taka breytingum en einnig sést þar um-
hverfislistaverks sem menningar- og ný-
sköpunarnefnd lagði til við bæjarstjórn að
yrði reist á Kjarnatorgi við rætur miðbæj-
arins. Bæjarstjórn hefur samþykkti tillögu
nefndarinnar um smíði verksins sem hann-
að var af Elísabetu Hugrúnu Georgsdóttur
arkitekt. Mun kennileitið vera sem hlið að
miðbæjargötu Bjarkarholts.
Uppbygging á þó enn eftir að taka á
sig mynd og nokkur hús hafa ekki verið
hönnuð að fullu. Myndbandið gefur mynd
af ásýnd svæðisins þótt eitthvað geti tekið
breytingum. Markmið er að gefa öllum kost
að kynna sér fyrirhugaða ímynd og upplifun
götunnar með skemmtilegum og aðgengi-
legum hætti. Myndbandið er aðgengilegt á
vef Mosfellsbæjar, mos.is/bjarkarholt.
Lágafellsskóli er grænfánaskóli og vinnur eftir skrefunum
sjö sem eru skref í átt að menntun til sjálfbærni. Eitt af
skrefunum er að upplýsa fólk um hvað við erum að gera
og fá aðra með.
Óskilamunir safnast saman í okkar skóla eins og í öðrum
skólum. Hvað verður um allt það sem týnist í skólanum? Ef
hluturinn er merktur kemst hann yfirleitt alltaf til skila.
5.IRÍ tók málin í sínar hendur og flokkaði fjóra rusla-
poka af óskilamunum sem höfðu safnast saman í geymslu
skólans.
Í framhaldi af flokkun óskilamuna fór bekkurinn í hópa
og hver hópur fékk eina spurningu til að vinna með. 5.IRÍ
vonar að svörin verði til þess að foreldrar og börn passi
hlutina sína betur.
1. Hvers vegna erum við að flokka óskilamuni?
Lágafellsskóli er grænfánaskóli en þannig skólar reyna
að hugsa vel um náttúruna og vilja ekki að fólkið eyði
endalausum pening í nýja hluti og það er alveg hægt að
nota hlutina aftur. Síðan er ekki gott að það verði framleitt
endalaust af fötum.
2. Hvernig flokkuðum við óskilamunina?
Við sturtuðum úr fjórum ruslapokum og flokkuðum
merkt föt í 10 fötur sem við merktum fyrsti bekkur, annar
bekkur, þriðji bekkur o.s.frv. Í skólanum eru 10 árgangar og
þess vegna þurftum við tíu fötur. Þegar við vorum komin
með öll merktu fötin var kennarinn við tölvuna og skrifaði
inn nöfnin og fann út í hvaða bekk eigandinn var.
3. Hvernig komum við óskilamununum til skila til réttra
eiganda?
Við fengum tíu fötur lánaðar hjá Guðmundi kokki og
merktum þær 1–10. Við flokkuðum hlutina varlega og löbb-
uðum rólega í árgangana og reyndum að finna eigendur
hlutanna.
4. Hvað getum við gert til að minnka óskilamuni?
Í fyrsta lagi þarf að merkja fötin sín á mjög áberandi staði
til þess að að fólk sem finnur hlutina geti hringt í þig og þú
getur þá fengið hlutinn aftur. En svo er mikilvægt að passa
vel upp á dótið sitt.
Nemendur í Lágafellsskóla flokka óskilamuni
nemendur í óða önn
Miðbær Mosfellsbæjar við Bjarkarholt
og miðbæjargarðurinn
Gerður Jónsdóttir, verkefnastjóri hjá Miðstöð
hönnunar og arkitektúrs, og Haraldur Sverrisson
bæjarstjóri undirrita samning.
Hugmyndasamkeppni stendur yfir um nýjan miðbæjargarð • Myndband komið í loftið sem sýnir miðbæinn fullbyggðan
listaverk sem reist
verður á kjarnatorgi
Sköpunarrými í Kjarna • FabLab
Hlín hlýtur
þróunar- og
nýsköpunar-
viðurkenningu
haraldur, hlín og sólveig