Mosfellingur - 09.12.2021, Qupperneq 26

- Íþróttir26
Með gjafakortinu er ekkert mál að velja réttu
jólagjöfina. Þú ákveður upphæðina og sá
sem þiggur velur gjöfina. Þú færð gjafakort
í næsta útibúi eða á landsbankinn.is.
Gjafakort
Landsbankans
LANDSBANKINN. IS
Sunddeild Aftureldingar tók þátt í lands-
átakinu Syndum.is sem haldið var í nóvem-
ber á vegum Íþrótta- og Ólympíusambands
Íslands (ÍSÍ) og Sundsambands Íslands
(SSÍ). Verkefnið var hluti af Íþróttaviku
Evrópu sem er verkefni sem styrkt er af Er-
asmus+, styrkjakerfi Evrópusambandsins.
Í vetur æfa 56 börn og ungmenni sund
hjá Aftureldingu og voru foreldrar hvattir til
að skrá vegalengd þeirra eftir upplýsingum
frá þjálfurunum. Það er gaman að segja frá
því að unga fólkið okkar synti heila 717
km. Það samsvarar að synda norðurleiðina
austur í Bakkagerði og rúmlega það.
Syntu 717 km í landsátaki
mosfellingar skiluðu sínu
Blakstelpurnar okkar, sem eiga Íslands-
meistaratitil að verja, hafa byrjað leiktíðina
vel og bara tapað einum leik það sem af er
leiktíðar. Þær sitja í 2. sæti deildarinnar
með einn leik til góða á KA sem situr í
1.sætinu.
Strákarnir okkar eru í 3. sæti deildarinn-
ar og hafa byrjað ágætlega einnig. Bæði lið
eiga eftir einn leik eftir fyrir jólafrí. Jólafríið
verður þó ekki bara frí því landsliðsverkefni
verður á milli hátíða en A landsliðin í blaki
halda til Lúxemborgar og keppa á Novotel
Cup 27.-29. desember.
Blakdeild Aftureldingar á átta leikmenn
í æfingahópunum, 5 í kvennaliðinu og 3 í
karlaliðinu. karlalið aftureldingar
Tímabilið fer vel af stað
kvennalið aftureldingar
Helgin 29.-31. október var stór blakhelgi hjá
Aftureldingu að Varmá. Á föstudeginum var haldið
skólamót í blaki fyrir 5. og 6. bekk í Fellinu. Þar
tóku þátt um 100 krakkar úr Lágafellsskóla, Var-
márskóla og Helgafellsskóla og skemmtu sér vel.
Þessa helgi hélt blakdeildin einnig fyrri hluta
Íslandsmóts yngri flokka að Varmá. Afturelding átti
4 lið á mótinu sem öll stóðu sig með prýði. U-16
lið Aftureldingar gerði sér lítið fyrir og vann alla
sína leiki og eru efst í sínum flokki. Seinni hluti
Íslandsmótsins verður spilaður eftir áramót.
Í fyrsta sinn í tvö ár fengu U-landsliðin í blaki að
fara og spila erlendis, spiluðu á NEVZA mótinu sem
er Norður-Evrópumót sem var haldið í Danmörku
að þessu sinni.
Afturelding átti tvo fulltrúa í U-17 landsliðunum, Jórunn Ósk Magnúsdóttir og Magni
Þórhallsson. Stúlkurnar unnu mótið en það hafði aldrei gerst áður og strákarnir í 4. sæti.
U-16 lið Aftureldingar efst
Jórunn og magni