Austurglugginn - 14.11.2014, Blaðsíða 2

2 Föstudagur 14. nóvember AUSTUR · GLUGGINN
Söluferli stendur nú yfir á sjö eigna-
söfnum á vegum Íbúðalánasjóðs. Þar
af eru tvö eignasöfn sem innihalda
samtals yfir 110 íbúðir á Austurlandi.
Fram kemur í gögnum sjóðsins að
leiguverð í landsfjórðungnum sé
með því hærra sem gerist á lands-
byggðinni.
Í fyrra eignasafninu eru 40 íbúðir
sem eru alls 3.724 fermetrar. Fast-
eignamat þeirra er um 574 milljónir
og brunabótamat um 964 milljónir.
Uppistaðan í safninu eru þrettán
íbúðir í fjölbýlishúsi við Blómvang 2 á
Egilsstöðum en þar eru einnig íbúðir
í rað- eða parhúsum við Kvíabrekku,
Tungumel og Búðarmel á Reyðarf-
iðri auk fimm íbúða í fjölbýlishúsi
við Hlíðargötu á Fáskrúðsfirði. Ell-
efu þessara íbúða eru ekki í útleigu,
þar af tvær því þær eru á söluskrá.
Þorri eignanna í
fjölbýlishúsum
Í seinna eignasafninu eru 74 íbúðir
sem eru alls 6.659 fermetrar. Fast-
eignamatið hljóðar upp á 1,2 millj-
arða króna og brunabótamatið 1,8
milljarð króna. Íbúðirnar eru í fimm
blokkum, annars vegar 40 íbúðir í
Hamragerði 3 og 7 á Egilsstöðum
og hins vegar 44 íbúðir í Melgerði
9, 11 og 13 á Reyðarfirði. Meira en
helmingur íbúðanna, fjörutíu talsins,
eru ekki í útleigu en af þeim hafa 36
verið á söluskrá.
Austfirsku húsin eru byggð á árun-
um 2004-2007 utan blokkarinnar á
Fáskrúðsfirði sem er frá árinu 1981.
Íbúðalánasjóður selur í þessari lotu
alls 400 íbúðir sem eru hluti af þeim
2.100 eignum sem undanfarin ár hafa
verið yfirteknar með fullnustugerðum.
Hluti íbúðanna er í útleigu og segir í
tilkynningu sjóðsins að áhersla verði
lögð á að selja þær til aðila sem haldi
þeim áfram í útleigu. Gert er ráð fyrir
að gengið verði frá samningum við
nýja eigendur í síðari hluta janúar og
eignirnar afhentar 1. febrúar 2015.
Fleiri samningar en minni
velta
Fjárfestar hafa nú skilað inn óskuld-
bindandi tilboðum í eignirnar en í
greiningu Íbúðalánasjóðs segir að
tækifæri séu á fasteignamarkaði þar
sem skortur sé á leiguíbúðum. Miðað
við fyrstu sjö mánuði ársins fjölgaði
þinglýstum leigusamningum um
íbúðarhúsnæði á Austurlandi um 8%
frá í fyrra, úr 110 í 119. Það helst í
hendur við landsmeðaltal en mest er
fjölgunin á suðvesturhorninu.
Þá segir í samantektinni að húsnæði
utan höfuðborgarsvæðisins hafi lækkað
að raunvirði á árunum 2007-2013. Í
júlí síðastliðnum var 14 samningum
þinglýst og heildarveltan 286 millj-
ónir króna, eða 20,4 milljónir á hvern
samning. Fyrir ári var hún 379 millj-
ónir og í janúar 2013 516 milljónir.
Meðalleiguverð á fermeter í þriggja
herbergja íbúð á Austurlandi er 1.228
krónur og 921 króna fyrir 4-5 her-
bergja íbúð. Það er í hærra lagi miðað
við það sem gerist á landsbyggðinni,
annars staðar en á Akureyri, og langt
undir meðalverðinu í Reykjavík.
GG
Fasteignamarkaður
Íbúðalánasjóður selur yfir 100 íbúðir á Austurlandi
Stór hluti eignasafnanna er í fjölbýlishúsunum við Melgerði á Reyðarfirði. Mynd: GG
Flóð niður Þjórsá frá eldgosi í Bárðar-
bungu myndi hafa víðtæk efnahags-
leg áhrif á flesta landsmenn. Flóð til
norðurs eða suðurs gæti haft umtals-
verð áhrif á fjarskipti, samgöngur og
rafmagnsflutninga til Austurlands.
Flóðahætta er ekki talin til staðar í
fjórðungnum en öskufall gæti orðið
á afmörkuðum hluta svæðisins.
Þetta kemur fram í greiningu á áhrifum
flóða í kjölfar eldgosa í Bárðarbungu
sem starfshópur á vegum Almanna-
varnadeildar Ríkislögreglustjóra og
Viðlagatryggingar Íslands skilaði af
sér fyrir skemmstu. Í skýrslunni eru
settar upp þrjár líklegar sviðsmyndir
flóða, niður Jökulsá á Fjöllum, Skjálf-
andafljót eða Þjórsá.
Vinna er lengst komin við viðbrögð
vegna flóðs niður Jökulsá á Fjöllum.
Möðrudalur á Fjöllum er næsta
byggða ból eða 90 km frá jökulend-
anum. Gert er ráð fyrir að hlaupið nái
hámarksrennsli á hálendi við jökul-
inn á nokkrum tímum og flóðtoppur
breiði síðan úr sér á flötum söndum
ofan Lambafjalla, milli Möðrudals og
Grímsstaða, sem verði sem eyja þegar
flóðið kvíslast austur fyrir þau í átt að
Möðrudal. Ekki er þó gert ráð fyrir
að flóðið nái alla leið þangað. Gera
má ráð fyrir að það taki flóðtoppinn
um fjóra tíma að komast inn á þetta
svæði en ferðatími hans þar á undan
frá eldstöð í Bárðarbungu að jökul-
jaðri er um 1-1,5 tímar. Byggðalínan
frá Kröflustöð liggur yfir Jökulsá við
Lambafjöll og þjóðvegurinn liggur
við Grímsstaði en þar voru gerðar
ráðstafanir þegar gosið hófst í haust.
Mest áhrif af flóði niður
Þjórsá
Búist er við kröftugustu flóði fari það
niður Jökulsá, með 20 þúsund rúm-
metra rennsli á sekúndu, samanborið
við 5-6 þúsund rúmmetra fari flóð-
ið niður Skjálfandafljót eða Þjórsá.
Flóð í Þjórsá er talið hafa alvarleg-
astar afleiðingar fyrir þjóðarbúið en
truflanir á orkuframleiðslu gætu leitt
til rekstrartruflana hjá fyrirtækjum
víða um land. Gert er ráð fyrir að
flóð tæki um hálfan sólarhring að
ná niður í byggð eftir Skjálfanda-
fljóti en um 30 tíma niður Þjórsá.
Flóðin eru almennt sögð geta haft í
för með sér röskun á raforkufram-
leiðslu eða -flutningi, fjarskiptum og
samgöngum.
Mest hætta á gjósku innst í
Fljótsdal
Egilsstaðir er sá kaupstaður sem hvað
næstur er miðju Bárðarbungu en
þangað eru 150 kílómetrar í beinni
loftlínu, samanborið við 155 kíló-
metra á Húsavík. Ef öskugos brýst
út er talið að gjóska í 100 kílómetra
fjarlægð verði innan við einn sentí-
metra á þykkt en þó er tekið fram að
gjóska gæti orðið nokkrir sentímetrar
á þykkt innst í Fljótsdal.
Tilmælum er beint til bæði almennings
og viðbragðsaðila í lok skýrslunnar.
Sérstaklega er minnst á fjarskipti og
að menn þurfi að hugsa fyrir því að
geta notað heimasíma í rafmagns-
leysi. Þá virki þráðlausir símar ekki
heldur séu „einföld gamaldags sím-
tæki sem hægt er að stinga í samband
við koparvír“ nauðsynleg. Einnig er
bent á að vinna þurfi forgangslista
um skömmtun rafmagns, undirbúa
mótvægisaðgerðir vegna fjarskipta-
truflana og gera úttekt á hugsanlegu
vegarofi og hvernig hægt sé að tengja
saman vegi að nýju.
GG
Almannavarnir
Flóð í Jökulsá um fjóra tíma að ná að Möðrudal
Möðrudalur er sá staður í byggð sem næstur er áhrifasvæði hlaups niður Jökulsá á
Fjöllum. Mynd: GG