Austurglugginn - 11.10.2007, Síða 1
34. tbl. - 6. árg. - 2007 - Fimmtudagur 11. október
Verð í lausasölu kr. 350 Áskriftarverð kr. 1.140 á mánuði (kr. 285 eintakið) ISSN 1670-3561
Bannað að fæða börn á
Egilsstöðum, baksíða
Fréttablað Austfirðinga
Flestir bændur áfrýja -
Hallgrímur Kjartansson stendur ekki í óþarfa þrasi
3. október rann út frestur til að skjóta niðurstöðu úrskurði matsnefnda
um vatnsréttindi vegna Kárahnjúkavirkjun til dómstóla. Matsnefndin
úrskurðaði heildarverðmæti vatnsréttindanna 1,6 milljarð króna.
Helstu eigendur vatnsréttinda
hafa ákveðið að una ekki
niðurstöðunni. Jón Jónsson hdl.
og Hilmar Gunnlaugsson hrl. hjá
Regula hafa farið með málið fyrir
stærstan hluta vatnsréttindahafa.
Í samtali Austurgluggans við
Jón Jónsson kemur fram að 61
af 63 umbjóðendum þeirra hafa
ákveðið að una ekki niðurstöðunni.
Umbjóðendur Jóns og Hilmars er
jarðareigendur á Jökuldal.
Ekki erfið ákvörðun
Í Fljótsdal eru mun færri aðilar
sem hafa hagsmuna að gæta og
er megnið af vatnsréttindum þar
í eigu ríkisins. Þar er niðurstaða
jarðareigenda ekki jafn afgerandi.
Helstu bótaþegar í Fljótsdal eru
eigendur jarðanna Glúmstaða I,
Glúmstaða II og Glúmsstaðasels.
Hallgrímur Kjartansson bóndi á
Glúmsstöðum segist ekki viss um
að hægt sé að ná hærri bótum fyrir
vatnsréttindin fyrir dómstólum.
“Ég nenni ekki að standa í þessi
helvítis þrasi, það hefur ekkert uppá
sig.” segir Hallgrímur. Hallgrímur
er einnig eigandi jarðarinnar
Glúmstaðasels sem á voru reiknaðar
27 milljónir króna til bóta vegna
vatnsréttindanna. Hallgrímur segir
ákvörðun um að skjóta málinu ekki
til dómstóla ekki svo erfiða.
Eru að
undirbúa stefnu
“Núna erum við að undirbúa stefnu
fyrir héraðsdóm, sem verður svo lögð
fram eftir einhverjar vikur.” segir
Jón Jónsson lögmaður. Jón segir
að landeigendur og lögmenn þeirra
meti málin þannig að niðurstaða
matsnefndarinnar hafi ekki verið
byggð á viðurkenndum lagareglum
um fjárhæð eignarnámsbóta. Þannig
hafi niðurstaða matsnefndarinnar
hvorki byggt á markaðsverði
né notagildi vatnsréttindanna.
“Eignaréttur nýtur ríkrar verndar
samkvæmt íslenskri stjórnskipan.
Því eru til skýrar lagareglur um
það hvernig fullar bætur við
eignarnám skulu ákvarðaðar. Á
grundvelli þeirra verður það lagt
fyrir dómstóla að ákveða fullar
bætur fyrir einstaka eigendur
vatnsréttinda sem látin hafa verið
af hendi til Landsvirkjunar vegna
Kárahnjúkavirkjunar.” Eins og áður
hefur komið fram var Landsvirkjun
tilbúin til að hlýta úrskurði
matsnefndarinnar en áskildi sér rétt
til að fara fram á lækkun bóta færi
málið fyrir dómstóla. Það er ljóst að
þarna er á ferðinni umfangsmikið
mál og ólíklegt annað en að það fari
alla leið fyrir Hæstarétt, ekki síst
sökum fordæmis sem þá á eftir að
skapa í réttarsögu landsins.
Hilmar Gunnlaugsson, stjórnarformaður Rarik, lagði hornstein að
Lagarfossvirkjun við vígslu virkjunarinnar á laugardaginn. Nánar
á bls 13.
Lagarfossvirkjun
stækkuð, bls 14
Svik, blekkingar og ólöglegar
fjárfestingar, bls 8