Austurglugginn - 26.10.2012, Síða 7

Föstudagur 26. október AUSTUR · GLUGGINN 7
Haldin var íbúafundur á Reyðarfirði
sl. sunnudag vegna flúormengunar
sem greindist þar fyrir skemmstu.
Niðurstöður flúormælingar í heyi
og grasi liggja fyrir og þar kemur
í ljós að í sýnum sem voru tekin
reyndust tvö þeirra sýna flúorgildi
yfir viðmiðunarmörkum.
Á vef Matvælastofnunnar kemur
fram að samkvæmt reglugerð um
óæskileg efni í fóðri eru hámarks-
gildi flúor í fóðri 50 mg/kg fyrir
nautgripi, geit- og sauðfé en 30 mg/
kg ef dýrin eru mjólkandi. „Safnað
var sýnum af flestum túnum á svæð-
inu og sýna niðurstöður mælinga
að magn flúors var í öllum til-
fellum undir hámarksgildum (<50
mg/kg). Í tveimur mælingum af
sautján reyndist magn flúors yfir
mörkum fyrir mjólkandi dýr (>30
mg/kg eftir endurútreikning miðað
við 88% þurrefni fóðurs). Í báðum
tilfellum var um að ræða tún sem
hestamenn í Reyðarfirði heyja
fyrir hross en mælingarnar eru vel
undir hámarksgildum fyrir fóður
sem ætlað er hrossum.“ Samkvæmt
upplýsingum frá ALCOA mældust
hæstu gildin í heyrúllu sem kom frá
Sléttunesi þar sem gildið var 44 μg/g
og 45 μg/g úr heyrullu sem kom frá
Seljateigshjáleigu.
Í tilkynningu Matvælastofnunnar
segir að niðurstöðurnar á heyi „gefa
ekki tilefni til breyttrar afstöðu
Matvælastofnunar. Ekki er tilefni til
að ætla að fólki stafi hætta af neyslu
búfjárafurða eða matjurta af svæð-
inu og telur stofnunin ekki ástæðu
fyrir bændur að breyta búháttum
sínum, fóðrun eða beitarvenjum.
Hins vegar er mikilvægt að fyrir-
byggja uppsöfnun flúor í lífríkinu
og að fyrirtæki viðhaldi viðeigandi
vöktunaráætlun og tækjabúnaði
til að halda mengandi starfsemi
innan þeirra marka sem starfsleyfi
frá Umhverfisstofnun kveða á um.“
Á íbúafundinum á Reyðarfirði
voru upp vangaveltur um það hvort
bændur hafi orðið fyrir afpöntunum
á heyi. Það hefur ekki fengist
staðfest en Janne Sigurðsson, for-
stjóri ALCOA, segir að ef svo er
þá mun ALCOA bæta það. „Ef tjón
hefur orðið sökum þessarar meng-
unar munum við bæta það tjón“ segir
Janne.
Sigurður Baldursson, bóndi á
Sléttu, mætti á íbúafundinn og í
samtali við Austurgluggann sagð-
ist hann ánægður með fundinn.
Hann sagðist bíða eftir endanlegri
greininga á niðurstöðum mælinga en
tók það fram að hann hefði hvorki
orðið fyrir tjóni né teljanlegum
óþægindum sökum mengunarinnar.
Búið er að taka sýni af öllum kúabúum
á landinu vegna barkabólgusmits
sem greindist á Egilsstaðabúinu og á
Fljótsbakka. Síðastliðin mánudag fór
ein kýr frá Fljótsbakka og önnur frá
Egilsstaðabúinu til Akureyrar í slátrun
og verið er að skoða líffærin úr þeim
í þeirri von að geta fundið og greint
veiruna.
Þorsteinn Jónsson, sérgreinadýra-
læknir hjá Matvælastofnun, segir að
enn sem komið er hefur ekki verið
tekin endanleg ákvörðun um hversu
langt verði gengið í niðurskurðinum
á þessum tveim bæjum. Að sögn
Þorsteins er verið að safna blóð-
sýnum og greina þau í þeirri von að
geta mögulega fundið hvaða gerð af
veiru þetta er því það myndi gefa
vísbendingar um það hvaðan þetta
gæti hafa borist. „Þetta virðist ekki
vera bráðsmitandi og því getum við
gefið okkur tíma til þess að meta
stöðuna og reyna að afla allra gagna“
segir Þorsteinn. Öllum sýnatökum
ætti að vera lokið í næstu viku og
vonir standa til að hægt verði að taka
ákvörðun um niðurskurð eftir u.þ.b.
tvær vikur.
Langsótt tilgáta
Í síðustu viku greindi Morgunblaðið
frá því að hugsanlegt væri að smitið
ætti rætur að rekja til holdanauta sem
ræktuð voru í Hrísey. Auður Lilja
Arnórsdóttir, sóttvarnalæknir hjá
Matvælastofnun, sagði í samtali við
blaðið að hún gæti ekki útilokað að
barkabólgan hefði borist með holda-
nautum sem ræktuð voru í Hrísey.
Þorsteinn segir að það sé ekkert
annað en „hugleiðing“. Hann segir að
„auðvitað horfum við til þess að það er
eina erfðaefnið sem hefur verið flutt
inn. En afar djúpt á því í sjálfu sér að
þetta sé þaðan því við erum búin að
vera að skima eftir þessu og að þetta
greinist bara fyrir austan er bara með
ólíkindum. Þetta er því langsótt til-
gáta en þegar það er ekkert augljóst
þá fer maður stundum svolítið langa
leið til að leita sökudólgsins“ segir
Þorsteinn.
Munu bæta mögulegt tjón
vegna flúormengunar
Janne Sigurðsson, forstjóri ALCOA Fjarðaáls,
á íbúafundinum sl. sunnudag.
Ástæða flúorsmengunar.
Um tvær vikur í endanlega
ákvörðun um niðurskurð
Vatnsréttindamálið:
Hæstiréttur hafnar kröfu landeigenda
Landeigendur við Jökulsá á Dal og í Fljótsdal er vonsviknir eftir að
Hæstiréttur hafnaði kröfu þeirra um að mál þeirra yrði tekið aftur fyrir í
héraðsdómi. Landeigendur telja að þeir hafi átt að fá hærri eignarnáms-
bætur en héraðsdómur dæmdi þeim fyrir vatnsréttindin sem tilkomu vegna
Kárahnjúkavirkjunar.
Með þessu staðfestir Hæstiréttur niðurstöðu matsnefndar sem mat
vatnsréttindin á 1,6 milljarð króna. Landeigendur eru margir hverjir mjög
vonsviknir og hið sama má segja um lögmenn þeirra. Landsvirkjun hóf
ekki viðræður við landeigendur fyrr en ljóst var að eignarnámi yrði beitt
og að því leyti telja landeigendur sig eiga betur skilið.
Nánar verður fjallað um dóminn og rætt við landeigendur og lögmenn
þeirra í næsta tölublaði Austurgluggans.
Rjúpnaveiði 2012
Rjúpnaveiðitímabilið hefst í
dag, föstudaginn 26. október.
Fyrirkomulag veiða í ár er hið sama
og árið 2011 þar sem heildarfjöldi
veiðidaga eru níu dagar.
Leyfilegt er að veiða eftirfarandi
daga:
Föstudaginn 26. október - sunnudags-
ins 28. október (3 dagar).
Laugardaginn 3. nóvember - sunnu-
daginn 4. nóvember (2 dagar).
Laugardaginn 17. nóvember - sunnu-
daginn 18. nóvember (2 dagar).
Laugardaginn 24. nóvember - sunnu-
daginn 25. nóvember (2 dagar).