Austurglugginn - 05.12.2019, Blaðsíða 19

AUSTUR · GLUGGINN Fimmtudagur 5. desember 19
Kiwanis er alþjóðleg þjónustu-
hreyfing manna og kvenna
sem hafa það að markmiði að
taka þátt í að bæta samfélagið
og láta gott af sér leiða undir
kjörorðinu: „Hjálpum börnum
heimsins“. Hreyfingin leggur
áherslu á manngildi og eflingu
félagskenndar meðal félagsmanna.
Hver Kiwanisklúbbur reynir
að þjóna sem best því samfélagi
þar sem hann starfar. Í Kiwanis
eru kvenna-, karla- og blandaðir
klúbbar og er hreyfingin ávallt
tilbúin að aðstoða við stofnum
nýrra klúbba og taka við nýjum
félögum. Það þarf aðeins að senda
póst á seinars@kiwanis.is og biðja
um að vera með.
Kiwanisklúbburinn Ós á Hornafirði
hefur starfað í 31 ár og stendur
nú til að stofna kvennaklúbb
og seinna í vetur á að athuga
um stofnun á Kiwanisklúbb eða
klúbbum á Austfjörðum. Eru
áhugasamir beðnir um að hafa
samband við höfund greinarinnar
eða vera með í fésbókarhópnum
Kiwanis á Austfjörðum. Haldinn
var kynningarfundur í október á
Höfn með þátttöku umdæmis-
stjóra, fjölgunarnefndar og
Kiwanisklúbbsins Freyju á
Sauðárkróki. Mikil hugur er hjá
konunum um að hittast næst sem
fyrst og hafa nokkrar sem ekki
komust á fundinn haft samband um
að þær ætli að vera með. Freyjurnar
uppfræddu konurnar á Höfn, í
gegnum netið, um Kiwanis og
starfsemi klúbba. Þær eru tilbúnar
að aðstoða nýjan klúbb og leiða
þær í gegnum ferlið til stofnunar
kvennaklúbbs. Þær ætluðu að vera
á staðnum en veðrið setti strik í
reikninginn. Konur í Sveitarfélaginu
Hornafirði eru hvattar að senda
póst á seinars@kiwanis.is ef þær
vilja vera með eða leita að hópnum
Konur í Kiwanis Höfn á Facebook
og biðja um að bætast í hópinn.
En hvað gerir Kiwanisklúbburinn
Ós fyrir samfélagið? Kúbburinn
hefur styrktarsjóð til að halda
utan um ágóða af verkefnum
klúbbsins. Árlega eru tíu
bágstaddar fjölskyldur styrktar
í kringum jólin og nýtist hluti af
jólatrjásölunni í það. Ós hefur styrkt
grunnskólann og framhaldsskólann
með veglegum gjöfum gegnum
árin. Heilbrigðisþjónustan hefur
fengið sinn hluta af söfnunarfé til
tækjakaupa og ýmsar safnanir hafa
verið til hjálpar langveikum börnum.
En ágóði af árlegri jólatrjásölu,
páskabingói og Groddaveislu fer í
Styrktarsjóð Óss og er þaðan veitt
út til samfélagsins.
Þau verkefni Kiwanis-
hreyfingarinnar á Íslandi sem eru
hvað þekktust er sala á K-lyklinum
sem er seldur undir kjörorðinu
„Gleymum ekki geðsjúkum“.
Með þessu átaki hefur hreyfingin
styrkt geðverndarmál um á fjórða
hundrað milljóna króna, frá árinu
1974, og vakið athygli á þessum
sjúkdómi sem enn í dag er oft
mikið feimnismál. Síðast núna í
september var Kiwanis að styrkja
BUGL og PIETA-samtökin með
20 milljónum sem komu úr síðustu
söfnun á K-lyklinum. Þá þekkja
flestir hjálmaverkefnið þar sem
markmiðið er að stuðla að öryggi
barna í umferðinni með því að gefa
öllum í fyrsta bekk grunnskóla
reiðhjólahjálma. Þetta var gert að
landsverkefni árið 2003 og hefur
aðalstyrktaraðili verkefnisins um
árabil verið Eimskip.
Á heimsvísu hefur hreyfingin
unnið þrekvirki í mörgum
málefnum eins og að útrýma
joðskorti í heiminum, en þetta
verkefni var í samstarfi við
UNICEF. Hreyfingin hefur einnig
unnið að stífkrampaverkefni, MNT
(Maternal/Neonatal Tetanus),
með UNICEF en það snýst um
að lækna fæðingarstífkrampa til
bjargar mæðrum og ófæddum
börnum þeirra í 39 löndum. Í dag
eru 12 lönd ennþá að berjast við
stífkrampa en í 27 löndum hefur
tekist að eyða honum og verður
Kiwanishreyfingin að fullu með í
því verkefni þangað til sigur hefur
unnist.
Á landsvísu viljum við bæta við
fleiri verkefnum í þágu barna til að
efla starf okkar og gera hreyfinguna
öflugri. Því hvetjum við alla sem
vilja starfa í skemmtilegum
félagsskap og láta um leið gott af
sér leiða að slást í hópinn. Þá vil ég
þakka, fyrir hönd hreyfingarinnar,
allan stuðning við safnanir og starf
okkar í gegnum tíðina.
Með Kiwaniskveðju
Sigurður Einar Sigurðsson
Umdæmisritari og félagi í
Kiwanisklúbbnum Ósi
ÍÞRÓTTIR
Amanda Lind í U-15
Amanda Lind Elmarsdóttir úr
Einherja hefur verið valin til
úrtaksæfinga fyrir U-15 ára landslið
kvenna í knattspyrnu. Hópurinn æfir
í Hafnarfirði í byrjun næstu viku.
Lúðvík Gunnarsson landsliðsþjálfari
stýrir æfingunum.
1. deild karla í körfuknattleik
Síðasti leikur
22.11 Hamar - Höttur 82-87
Næsti leikur
8.12 Sindri - Höttur
12.12 Höttur -Álftanes
Sæti Lið L U T Stig
1. Höttur 9 8 1 16
2. Hamar 9 8 1 16
3. Breiðablik 9 8 1 16
4. Vestri 9 5 4 10
5. Álftanes 9 4 5 8
6. Selfoss 9 3 6 4
7. Skallagrímur 9 2 7 4
8. Sindri 8 1 7 2
9. Snæfell 9 1 8 2
Mizunu-deild kvenna í blaki
Síðasti leikur
23.11 Þróttur N. - Álftanes 3-1
Næstu leikir
14.12 Þróttur N. - Þróttur R.
15.12 Þróttur N. - Þróttur R
Staðan
Sæti Lið L U T Stig
1. KA 7 7 0 20
2. Afturelding 5 5 0 15
3. HK 7 3 4 8
4. Þróttur R. 4 1 3 4
5. Þróttur N. 7 1 6 4
6. Álftanes 6 1 5 3
Mizunu-deild karla í blaki
Síðustu leikir
30.11 Vestri - Þróttur N. 1-3
Næstu leikir
11.1 Þróttur N. - HK
Staðan
Sæti Lið L U T Stig
1. Þróttur N. 9 7 2 21
2. HK 8 7 1 19
3. Álftanes 8 4 4 12
4. Afturelding 8 2 6 8
5. KA 7 3 4 8
6. Vestri 8 1 7 3
Konur á kynningarfundi um stofnun á Kiwanisklúbbi á Höfn.
Tómas Sveinsson umdæmisstjóri, Haukur Sveinbjörnsson formaður fjölgunarnefndar og
Svavar Svavarsson umdæmisféhirðir.
Frá vinstri eru félagar í Ósi. Haukur, Stefán Brandur, Sigurður Einar og Jón Áki.
Aðsend grein
„Hjálpum börnum heimsins“ og gakktu
til liðs við okkur í Kiwanis!