Nesfréttir - 01.08.2021, Blaðsíða 14

Magnús Örn ráðinn U17
landsliðsþjálfari kvenna
Magnús Örn Helgason hefur verið
ráðinn sem nýr U17 landsliðsþjálfari
kvenna. Það þarf ekki að kynna Magnús
Örn fyrir Gróttufólki en hann hefur
starfað hjá knattspyrnudeild Gróttu
frá árinu 2007 og er Gróttumaður í
húð og hár.
Magnús Örn lék upp yngri flokka
Gróttu áður en hann sneri sér að þjálfun
en hann hefur þjálfað flesta aldurshópa
hjá félaginu auk þess að gegna starfi
yfirþjálfara yngri flokka árin 2014-2017.
Árið 2018 tók Maggi við meistaraflokki
kvenna og hann hefur stýrt liðinu síðan
ásamt Pétri Rögnvaldssyni, en undir
þeirra stjórn komst Grótta upp um deild
árið 2019.
Magga verður sárt saknað innan
knattspyrnudeildarinnar, enda hefur hann gegnt stóru hlutverki þar lengi og
sinnt starfi sínu af mikilli kostgæfni og ástríðu. Knattspyrnudeild Gróttu óskar
Magga innilega til hamingju með nýja starfið og er hreykið af því að þjálfari
félagsins sé orðinn landsliðsþjálfari. Maggi tekur við U17 ára landsliðinu
að loknu keppnistímabili hjá meistaraflokki kvenna í september mánuði.
Gróttumenn hlakka til að fylgjast með honum í nýju starfi.
14 Nesfrétt ir
G r ó t t u s í Ð a n www.grotta.is
Frábært sumarstarf
handboltans að baki
Undanfarnar þrjár vikur hefur Handboltaskóli Gróttu farið fram í
íþróttahúsinu. Samhliða handboltaskólanum fór Afreksskóli Gróttu fram
en hann var fyrir eldri krakka og unglinga. Mikil og góð þátttaka var á
námskeiðinu og greinilegt að krakkarnir og unglingarnir hafa beðið í
ofvæni eftir að komast aftur í handbolta eftir sumarfríið.
Skólastjóri handboltaskólans var Maksim Akbachev yfirþjálfari Gróttu
en auk hans leiðbeindu þjálfarar Gróttu og leikmenn meistaraflokk
iðkendunum. Á hverjum föstudegi fóru fram Ólympíuleikar Gróttu en þá var
öllum þátttakendum skipt í lið og leikið mót þar sem einn sigurvegari stóð
upp úr. Að auki voru afhend ein risaverðlaun fyrir besta liðsfélagann. Sá átti
að vera hvetjandi og góð fyrirmynd annarra í liðinu. Grótta vill þakka öllum
þátttakendum fyrir skemmtilegur vikur og vonar að handboltaveturinn verði
ánægjulegur og árangursríkur.
170
GETRAUNANÚMER GRÓTTU
GETRAUNIR.IS
Mikið líf og fjör er búið að vera
í fimleikasalnum í hjá Gróttu
í allt sumar. Keppnishópar í
áhaldafimleikum og hópfim-
leikum hafa verið að æfa mest
allt sumarið. Fimleika- og
leikjaskólinn var á sínum stað
en haldið voru 8 námskeið
í sumar. Iðkendur voru í
fimleikum fyrir hádegi og eftir
hádegi var fjölbreytt dagskrá
þar sem meðal annars var
farið í hjólaferð, sundferð og
fjöruferð.
Öll námskeiðin enduðu síðan á pylsupartý á föstudögum. Fimleikadeildin
var einnig með sumarnámskeið í hópfimleikum og áhaldafimleikum sem
voru vel sótt. Alls hafa um 300 börn komið á námskeiðin okkar í sumar
og margir hafa komið aftur og aftur á námskeiðin. Sumarið er búið að
vera mjög skemmtilegur tími og þökkum við öllum sem komið hafa á
námskeiðin okkar í sumar fyrir dásamlegan tíma. Yfirþjálfarar og skrifstofa
fimleikadeildar er nú á fullu að skipuleggja komandi vetur og munum við
birta stundatöflu vetrarins um leið og hún er klár.
Fjör í fimleikasalnum
Fimleikakrakkar af Nesinu. Að
þessu sinni undir berum himni.
ALHLIÐA MÚR- OG STEYPUVIÐGERÐIR
www.husavidgerdir.is/hafa-samband
info@husavidgerdir.is - Sími 565-7070
Finndu okkur á
Fegrun og lenging líftíma
steyptra mannvirkja er
okkar áhugamál. Við
höfum náð góðum árangri
í margs konar múr- og
steypuviðgerðum,
múrfiltun, steiningu og
múrklæðningum. Hafðu samband
Við skoðum og gerum tilboð!
Frá Handboltaskóla Gróttu.
www.grotta.is