Íslenzk fyndni - 01.06.1940, Side 69

67
128.
JÓHANNES Á SKJÖGRASTÖÐUM er alkunnur
hagyrðingur á Austurlandi.
Hann var kvennamaður mikill.
Hann var eitt sinn trúlofaður stúlku heima í sinni
sveit, en þá henti hann það slys að eignast barn með
stúlku einni í öðru byggðarlagi.
Þegar sú eiginlega unnusta komst á snoðir um
þetta, tók hún Jóhannesi það mjög óstinnt upp. Hann
reyndi í fyrstu að friðmælast við hana, en þegar allt
kom fyrir ekki, tók honum að leiðast þófið og kast-
aði fram þessari vísu:
Þú ert treg og sein til sátta,
sýnir kuldaþel.
Þú vilt ekki hjá mér hátta.
Húrra! Farðu vel!
129.
f HEIMSPEKITÍMA var Ágúst H. Bjarnason að
tala um upphaf lífsins á jörðinni.
Hann sagði eitthvað á þessa leið, að fyrstu upptök
lífsins yrðu sennilega aldrei skilin eða skýrð, hversu
sem reynt væri að rekja og rannsaka allar orsakir.
Þá var þessi vísa gerð:
Aldrei munt þú, Ágúst minn,
upptök lífsins kanna,
þó þú rekir út og inn
orsök barneignanna.