Skrá yfir vita og sjómerki á Íslandi - 01.01.1929, Síða 63

LEIÐARVÍSIR
fyrir skipbrotsmenn, sem lenda á suðurströnd íslands.
Þegar skip strandar á söndunum í Skaftafellssýslu, er trygg-
ast fyrir skipshöfnina að vera um borð eða halda sig við skipið
í lengstu lög, reyna ekki að fara i land áður en menn eru komn-
ir frá bygðinni. Hættan á að skipið brotni, er mjög lítil, en
sandur hleðst fljótt umhverfis skipið, svo að þurt verður kring-
um það um fjöru.
Komi skipshöfnin að landi á Breiðamerkursandi, skal hún
fara heim að bænum Kvískerjum, sem er undir fjallinu, beint
fyrir sunnan vesturendann á Breiðamerkurjökli. En verði
strandið hjá Jökulsá, en þó fyrir vestan hana, mun vanalega
\era rjettast að stefna á sæluhúsið, sem er rjett hjá jökulröndinni,
um IV2 sjóm. fyrir vestan upptök Jökulsár. I sæluhúsinu skulu
þeir, sem veikir eru, bíða, á meðan hinir leita hjálpar að Kvi-
skerjum. Ef skipshöfnin lendir á sandinum fyrir austan Jökulsá,
á hún að halda í norðaustur til Reynivalla milli jökulsins og
sjávar.
Á svæðinu milli Ölduóss og Knappavallaóss er altaf hægt að
Icomast að Knappavöllum, undir fjallinu. Bæirnir sjást langt að.
Milli Knappavallaóss og Ingólfshöfða og frá Ingólfshöfða vest-
ur Skeiðarársand að Hvalsýki eru leiðarstaurar, sem gefa mönn-
um leiðbeiningu um, hvaða stefnu skuli taka. Milli stauranna
er að jafnaði 1 km. Víða, sjerstaklega við alla stærri ósa, eru
festir á staurana kassar og eru í þeim geymd kort og leiðbein-
ingar á íslensku, dönsku, þýsku, ensku og frakknesku um það,
hvernig best sje að ná til bygða. Venjulega er ein veruleg ófæra
á þessu svæði, en þetta breytist og verður staurum og leiðar-
vísum breytt eftir því, en kortin eru ekki nákvæm og þau er
ekki liægt að leiðrjetta. Lendi skipshöfnin á sandinum austan
við þessa ófæru, verður hún að fara í austur — bíða eftir
fjöru við ósana — og reyna að ná til Ingólfshöfða, en sje komið
að landi fyrir vestan skal hakla í vestur að skipbrotsmannahæl-
inu á Kálfafellsmelum.
Á Ingólfshöfða er skipbrotsmannahæli, sem stendur austan
til á höfðanum, allnærri vitanum. Það er 9,5 m. X 4,5 innanmál.
Vegghæðin er 2,2 m., hæð til mænis 3,75 m. Tóftin er hlaðin úr
grjóti, en að utan úr grasgrónum sniddum. Þakið er járnklætt.