Fréttablaðið - 25.11.2022, Qupperneq 10

KS, SS og Stjörnugrís
skiluðu miklum hagn-
aði árið 2021.
kristinnpall@frettabladid.is
REYK JAVÍK Í nýrri könnun Gal-
lup um raf hlaupahjólanotkun í
Reykjavík kemur fram að tæplega
helmingur svarenda notar hjólin í
ferðir til eða frá skemmtistöðum,
veitingastöðum og börum. Það er
aukning frá sambærilegri könnun
í árslok 2020.
Er könnunin var rædd í umhverf-
is- og skipulagsráði Reykjavíkur
kallaði Kolbrún Baldursdóttir,
áheyrnarfulltrúi Flokks fólksins,
eftir fræðsluátaki um hættuna af
því að ferðast á rafhlaupahjóli undir
áhrifum áfengis og vímuefna.
Fólk með háskólapróf var talsvert
líklegra til að nota hjólin til að fara á
skemmtistaði, veitingastaði og bari,
54 prósent svöruðu játandi.
Þrjú þúsund einstaklingar voru í
úrtakinu og var þátttökuhlutfallið
46,2 prósent. Tæplega 18 prósent
eru með rafhlaupahjól á heimilinu
og rúmlega þriðjungur notar þau að
staðaldri.
Alls 43 prósent höfðu aldrei próf-
að rafhlaupahjól en 72 prósent 18 til
24 ára nota þau. Sjö prósent 65 ára
eða eldri nota hjólin.
Tíu prósent svarenda hafa lent í
óhappi á rafhlaupahjóli og 1 prósent
í óhappi undir áhrifum áfengis. n
Aukning í notkun rafhlaupahjóla á leið út á lífið
Pantanir fyrir hópa og fyrirtæki á
hafsteinn@betristofan.com eða í síma 779 2416
Vaxtahækkanir og
óvissa bíta augljóslega.
Ýmir Örn
Finnbogason,
yfirmaður við-
skiptagreiningar
hjá Deloitte
Vaxtahækkanir og óvissa í
efnahagsmálum hafa leitt til
umskipta á fasteignamarkaði
sem fer nú kólnandi eftir lang-
varandi verðhækkanatíma.
ser@frettabladid.is
FASTEIGNIR Meira en fimmtungi
færri íbúðir í fjölbýli voru seldar á
höfuðborgarsvæðinu í síðastliðnum
október samanborið við mánuðinn
þar á undan. Ekki hafa verið seldar
jafn fáar íbúðir í þessum fasteigna-
flokki í einum mánuði á suðvestur-
horninu í meira en tvö ár.
Þetta kemur fram á fasteigna-
mælaborði Deloitte sem er byggt
á staðfestum sölutölum frá Þjóð-
skrá Íslands. Þar segir jafnframt að
enda þótt salan hafi dregist saman
til muna haldist verð á fasteignum
svo til óbreytt á milli mánaða, en
meðalverðið á fermetra í fjölbýli var
709 þúsund í október, tveimur þús-
undum króna hærra en í september.
„Vaxtahækkanir og óvissa bíta
augljóslega,“ segir Ýmir Örn Finn-
bogason, yfirmaður viðskipta-
greiningar hjá Deloitte, og metur
það svo að þessi þróun haldi áfram í
næsta mánuði, enda viðsjár í kjara-
og efnahagsmálum.
Þróunin á fasteignamarkaði er sú
sama hvað einbýli og fjölbýli varðar.
Færri eignir eru seldar í báðum
flokkum. Hvað einbýlin varðar voru
16 prósentum færri eignir af því tagi
seldar í október í samanburði við
september – og í þeim flokki heldur
fermetraverð áfram að lækka, fór úr
647 þúsundum króna í 624 þúsund
að meðaltali.
Ef þriggja mánaða ferli er skoðað
hvað sérbýli varðar, frá ágúst til
október, sést að lækkunin nemur
sjö prósentum sem er öndvert við
nærri tveggja ára verðþróun á fast-
eignamarkaðnum á höfuðborgar-
svæðinu – og raunar víðar um land,
en langvarandi verðhækkanaferli
virðist nú vera að baki.
„Verð fyrir fasteignir endurspeglar
kaupgetu fólks til að fjárfesta. Það
sem helst hefur áhrif á þetta mengi,
eftirspurnarmegin, er kostnaður-
inn við peninga, sem eru vextir – og
hækkun þeirra hefur augljós áhrif til
kólnunar,“ segir Ýmir Örn.
Ef horft er yfir landið allt sést að
verð á fjölbýli hefur heldur hækkað
á Norður- og Austurlandi, en lækkað
á Suður- og Vesturlandi, samkvæmt
mælaborði Deloitte. n
Sögulega fáar íbúðir seldar í október
Fasteignamarkaðurinn á höfuðborgarsvæðinu er að kólna eftir langvarandi verðhækkanatímabil.
FRÉTTABLAÐIÐ/VILHELM
Fermetraverð einbýlis
lækkaði úr 647 þúsund
krónum að meðaltali í
624 þúsund.
Reykjanesbær. Hlutfall innflytjenda
er hæst á Suðurnesjum.
bth@frettabladid.is
MANNFJÖLDI Innf lytjendum á
Íslandi fjölgar enn hlutfallslega,
samkvæmt tölum Hagstofunnar.
Þeir eru nú 61.148 eða 16 prósent
mannfjöldans.
Hlutfall innflytjenda er nokkuð
mismunandi eftir landshlutum.
Hæst er hlutfallið á Suðurnesjum
eða um 28 prósent af fyrstu eða ann-
arri kynslóð.
Vestfirðir eru í öðru sæti yfir þá
landshluta sem skarta mestum inn-
fluttum mannauði hlutfallslega. Þar
er hlutfall innf lytjenda 22,3 pró-
sent. n
Innflytjendur
á Suðurnesjum
nálgast þriðjung
kristinnhaukur@frettabladid.is
LANDBÚNAÐUR Félag atvinnurek-
enda gagnrýnir harðlega drög að
frumvarpi Svandísar Svavarsdóttur
matvælaráðherra um hagræðingu
í sláturiðnaði. Með frumvarpinu
verður afurðastöðvum í sláturiðn-
aði heimilað að stofna og starfrækja
félög um f lutning gripa, slátrun,
birgðahald og frumvinnslu, til að
ná fram hagræðingu.
Samkvæmt ráðuneytinu er frum-
varpið lagt fram til samræmis við
tillögur spretthóps vegna alvar-
legrar stöðu í matvælaframleiðslu.
Í umsögn Ólafs Stephensen, fram-
kvæmdastjóra Félags atvinnurek-
enda, kemur fram að félagið legg-
ist eindregið gegn frumvarpinu.
Það telji málið til óþurftar, skaða
íslenskt atvinnulíf og neytendur og
skapa stórvarasamt fordæmi.
Bendir hann á að margir slátur-
leyfishafar séu í prýðilegum rekstri.
Svo sem Kaupfélag Skagfirðinga sem
hagnast hefur um 18,3 milljarða
króna á undanförnum 4 árum, þar
af 5,4 milljarða í fyrra. Þá var hagn-
aður Stjörnugríss 325 milljónir
króna árið 2021, sem sé hækkun um
68 prósent frá árinu áður, og hagn-
aður Sláturfélags Suðurlands var 232
milljónir króna í fyrra.
Segir í umsögninni að algjörlega
ótækt sé að sérhagsmunahópar geti
með þessum hætti pantað undan-
þágur frá samkeppnislögum frá
stjórnvöldum, telji þeir rekstur
sumra fyrirtækja ekki ganga nógu
vel. „Slíkt skapar afar varasamt for-
dæmi og ryður að mati félagsins
brautina fyrir heldur aumkunar-
verðan pilsfaldakapítalisma,“ segir
Ólafur í bréfinu.
Víkur hann meðal annars að toll-
kvóta Evrópusambandsins, sem
innlendir framleiðendur hafa keypt
upp að stórum hluta. „Því er ósvarað
hvaða áhrif lögfesting undanþág-
unnar, sem lögð er til í frumvarpinu,
hefði á möguleika innlendra afurða-
stöðva á kjötmarkaði á að sölsa jafn-
vel undir sig allan tollkvótann fyrir
kjötvörur og hindra þannig alveg
samkeppni frá innflutningi.“ n
Ótækt að sláturhús fái undanþágur
helenaros@frettabladid.is
HEILBRIGÐISMÁL Rannsóknasam-
starfið COVIDMENT, sem Miðstöð
í lýðheilsuvísindum við Háskóla
Íslands er aðili að, hlaut nýverið
norrænan styrk að andvirði 140
milljónir króna, til áframhaldandi
rannsókna á langtímaáhrifum kór-
ónaveirufaraldursins á lýðheilsu,
með áherslu á geðheilbrigði.
Styrkurinn er til þriggja ára og
hefur verkefnið nú fengið hátt 300
milljónir króna í styrki í heild, að
því er fram kemur á vef Háskóla
Íslands. Haft er eftir Unni Önnu
Valdimarsdóttur, prófessor í far-
aldsfræði við Læknadeild Háskóla
Íslands sem leiðir samstarfið, að
styrkurinn sé mikilvægur fyrir
rannsóknirnar sem eigi á endanum
að draga upp mynd af heildaráhrif-
um og afleiðingum faraldursins á
heilsu fólks. n
Styrkur til
rannsókna á
áhrifum Covid-19
Margir nýta sér
rafhlaupahjól
í skemmtana-
lífinu.
FRÉTTABLAÐIÐ/
ERNIR
8 Fréttir 25. nóvember 2022 FÖSTUDAGURFRÉTTABLAÐIÐ