Fréttablaðið - 22.12.2022, Qupperneq 36

Umfangsmesta rann-
sókn írsku lögreglunn-
ar fór fram í kringum
hann.
AUGLÝSINGADEILDIR – AUGLÝSINGASTJÓRI: Guðmundur Örn Jóhannsson gudmundur@torg.is ALMENNAR AUGLÝSINGAR: SÍMI 550 5050: Auður Húnfjörð audur@
frettabladid.is, Sverrir Birgir Sverrisson sverrir@frettabladid.is , Reynir Elís Þorvaldsson reynir@frettabladid.is, Örn Geirsson orn@frettabladid.is FÓLK/SÉRBLÖÐ SÍMI 550 5078:
Arnar Magnússon arnarm@frettabladid.is, Jón Ívar Vilhelmsson jonivar@frettabladid.is, Kolbeinn Kolbeinsson kolbeinn@frettabladid.is, Ruth Bergsdóttir ruth@frettabladid.is
FÓLK OG SÉRBLÖÐ EFNI: Elín Albertsdóttir elin@frettabladid.is RAÐAUGLÝSINGAR/FASTEIGNIR SÍMI 550 5056: Hrannar Helgason hrannar@frettabladid.is TÍMAMÓTA- OG
ÞJÓNUSTUAUGLÝSINGAR: SÍMI 550 5055: Arna Rut Kristinsdóttir arnarut@frettabladid.is
olafur@frettabladid.is 
Fimmtu vikuna í röð er Játning eftir
Ólaf Jóhann Ólafsson í fyrsta sæti
metsölulista Eymundsson.
Reykjavík glæpasaga er áfram í
öðru sæti.
Allar bækurnar á listanum þessa
vikuna voru líka á listanum í síð-
ustu viku en röð þeirra sem á eftir
koma, breytist nokkuð.
Eden eftir Auði Övu tekur stökk
á milli vikna, fer úr sjöunda í það
þriðja. Bóksalar völdu hana einmitt
bestu skáldsögu ársins á dögunum.
Keltar eftir Þorvald Friðriksson er
enn á fleygiferð upp listann og fer úr
níunda sæti í það fjórða
Hamingja þessa heims er áfram
í fimmta sæti en bæði Arnaldur og
Yrsa falla um þrjú sæti og eru í sjötta
og sjöunda sæti á listanum.
Að sögn Margrétar Jónu Guð-
bergsdóttur, vörustjóra hjá Penn-
anum Eymundsson, er mikil og góð
bóksala sem fer vaxandi dag frá
degi, nú þegar stærstu söludagarnir
fyrir jól eru fram undan.
Listinn er byggður á sölu í versl-
unum Pennans Eymundsson dag-
ana 14. til 20. desember. n
Játning Ólafs Jóhanns trónir áfram á toppnum
Játning Ólafs Jóhanns er í fyrsta sæti
listans fimmtu vikuna í röð.
1. Játning Ólafur Jóhann
Ólafsson
2. Reykjavík glæpasaga
Ragnar Jónasson/Katrín
Jakobsdóttir
3. Eden Auður Ava Ólafsdóttir
4. Keltar – Áhrif á íslenska
tungu Þorvaldur Friðriks-
son
5. Hamingja þessa heims Sig-
ríður Hagalín Björnsdóttir
6. Kyrrþey Arnaldur Indriða-
son
7. Gættu þinna handa Yrsa
Sigurðardóttir
8. Guli kafbáturinn Jón Kal-
man Stefánsson
9. Tól Kristín Eiríksdóttir
10. Bannað að ljúga Gunnar
Helgason
1
3
7
9
8
10
6
4
Metsölulisti
Vikuna 14. desember - 20. desember
Gættu þinna handa
Yrsa Sigurðardóttir
5
Reykjavík glæpasaga
Ragnar Jónasson
Katrín Jakobsdóttir
Játning
Ólafur Jóhann Ólafsson
Eden
Auður Ava Ólafsdóttir
Tól
Kristín Eiríksdóttir
Kyrrþey
Arnaldur Indriðason
Guli kafbáturinn
Jón Kalman Stefánsson
Hamingja þessa heims
Sigríður Hagalín
Keltar
Þorvaldur Friðriksson
Bannað að ljúga
Gunnar Helgason
2
Feðginin Snærós Sindradóttir
og Sindri Freysson frumsýna
um jólin nýja hlaðvarpsþætti
um sögu athafnamannsins
Jósafats Arngrímssonar, sem
Snærós líkir við sögu Frank
Abagnale, aðalpersónu Holly-
wood-myndarinnar Catch me
if you can.
ninarichter@frettabladid.is
Sindri Freysson skrifar handritið að
hlaðvarpsþáttunum Joe Grimson:
Saga af svikum, sem frumsýndir eru
á RÚV á aðfangadag. Þættirnir eru
fjórir og er sá næsti sýndur á jóladag
og svo koll af kolli.
Jósafat Arngrímsson var athafna-
maður á Suðurnesjum sem átti
ævintýralegan viðskiptaferil hér
á landi sem endaði með dómi í
Hæstarétti. Jósafat f lutti til Dublin
og kallaði sig Joe Grimson og um
hann hverfðist síðan stærsta lög-
reglurannsókn í írskri sögu á þeim
tíma, segir Snærós Sindradóttir sem
vinnur þættina með föður sínum.
„Við erum bæði blaðamenn og
höfum verið það í mörg ár. Pabbi var
að vinna á Mogganum á þeim tíma
sem sum af málum Jósafats voru í
deiglunni. Svona seinni hluti hans
mála úti í Dublin,“ segir Snærós í
samtali við Fréttablaðið.
Snærós segir föður sinn muna vel
eftir nafni Jósafats. „Hann hafði í
gegnum tíðina sankað að sér gögn-
um um hann. Í haust vorum við að
spjalla saman um lífið og tilveruna
og hann fer að segja mér þessa sögu,
sem gerist fyrir mína tíð,“ segir Snæ-
rós.
„Hann fer að segja mér sólar-
söguna og ég segi: Þetta er gott
efni í podcast. Hvernig væri að við
myndum bara tala við RÚV, þar
sem ég vinn, og leggja þetta til, að
við gerum þætti?“ segir hún og bætir
því við að RÚV hafi tekið vel í verk-
efnið.
„Hann með alla sína áratuga
reynslu og þekkingu af þessari sögu,
hleypur til og býr til handrit. Ég fór
í það að safna viðtölum og allt það.“
Að sögn Snærósar er sagan
stórmerkileg. „Inn í hana spilast
uppbygging Kef lavíkur sem slík.
Hvernig hún verður að þeim bæ
sem hún er í dag. Hans viðskipti,
sakamál og svik hefjast hjá hernum
á Keflavíkurflugvelli. Fyrir þrítugt
átti hann aragrúa af fyrirtækjum
í Kef lavík í brjáluðum uppgangi.
Það á ekki bara við um Jósafat, að
siðferðiskennd okkar Íslendinga var
aðeins önnur uppi á velli en niðri í
vík,“ segir hún.
„Svo fer hann af stað með svona
ávísanamál sem mjög margir af
þeim viðmælendum sem ég hef
talað við hafa lýst sem þjóðar íþrótt
Íslendinga. Hann var rosalega
umfangsmikill í þeim.“
Snærós lýsir því að þegar Jósafat
hafði brennt allar brýr að baki sér á
Íslandi eftir dóm í Hæstarétti, hafi
hann f lutt til Dublin. „Þar verða
ævintýri hans á stjarnfræðilegum
skala. Við erum að tala um mál upp
á milljarða króna. Það er ekki verið
að svindla með einhverja bland-í-
poka peninga heldur eru þetta ótrú-
legustu mál,“ segir hún.
„Inn í þetta blandast banda-
rískur líksmurningamaður, kona
í gardínubúð og æðstu embættis-
menn íslensku þjóðarinnar. Þegar til
Írlands er komið blandast inn í þetta
írskir gangsterar. Umfangsmesta
rannsókn írsku lögreglunnar fór
fram í kringum hann,“ segir Snærós.
„Nokkrir dómar féllu en hann
slapp með skrekkinn við ansi margt
sem hann var sakaður um. Ég held
að fólk muni hlusta á þessa þætti og
sjá fyrir sér ansi mörg atriði. Þetta er
svona Catch me if you can-fílingur.“ n
Blaðamannafeðgin segja
sögu ævintýramanns
28 Lífið 22. desember 2022 FIMMTUDAGURFréttaBlaðið