Fréttablaðið - 03.01.2023, Blaðsíða 8

Nánari upplýsingar og aðstoð má fá með því að senda fyrirspurn
á netfangið upplysingar@reykjavik.is eða í síma 411 1111. www.reykjavik.is
Á vef Reykjavíkurborgar undir „mínar síður“ geta fasteignaeigendur:
• skoðað álagningarseðil fasteignagjalda (eftir 23. janúar 2023) og alla breytingarseðla
þar á eftir
• skráð sig í boðgreiðslu fasteignagjalda
• gefið upp reikningsnúmer ef til endurgreiðslu kemur
• óskað eftir að fá senda greiðsluseðla fyrir fasteignagjöldum, þar sem þeir verða
líkt og áður ekki sendir út til greiðenda, 18-80 ára
• sent inn erindi vegna fasteignagjalda
Fasteignagjöld ársins 2023, yfir 25.000 kr., greiðast með ellefu jöfnum greiðslum á
gjalddögum: 30. janúar, 4. mars, 2. apríl, 2. maí, 3. júní, 2. júlí, 2. ágúst, 2. september,
2. október, 1. nóvember og 3. desember
Gjalddagi fasteignagjalda undir 25.000 kr. er 30. janúar.
Fasteignagjöld í Reykjavík verða innheimt í netbönkum. Fasteignaeigendum er jafnframt
bent á beingreiðslur hjá öllum bankastofnunum og boðgreiðslur af greiðslukortum.
Álagningar- og breytingarseðlar fasteignagjalda í Reykjavík 2023 verða aðeins
birtir á vefsíðunni island.is og á Rafrænni Reykjavik á árinu 2023.
Álagningar- og breytingarseðlarnir verða ekki sendir í pósti í samræmi við breytingu sem
gerð var á lögum nr. 4/1995 sem tók gildi 1. janúar 2019, en þá er sveitarstjórn heimilt að
senda tilkynningu um álagningu fasteignaskatts rafrænt.
Mínar síður
á www.reykjavik.is
Viðreisn
18% 45% 30% 4%3%
VG
20% 47% 21% 6% 7%
Sjálfstæðisflokkurinn
20% 57% 18%
Sósíalistaflokkurinn
5% 32% 43% 12% 8%
Píratar
11% 50% 26% 8% 4%
Samfylkingin
13% 57% 19% 6% 5%
Miðflokkurinn
15% 55% 20% 7%
Framsóknarflokkurinn
14% 54% 23% 3% 6%
Flokkur fólksins
7% 29% 38% 8% 17%
Fjárhagsstaða fólks eftir stjórnmálaskoðunum
n Safnað talsverðu sparifé n Safnað svolitlu sparifé n Endar ná saman með naumindum
n Nota sparifé til að ná endum saman n Safna skuldum
Úthlutanir hafa aukist hjá Hjálparstarfi kirkjunnar. Fréttablaðið/Valli.
Ný könnun sýnir að stór hluti
landsmanna býst við verri
afkomu á árinu sem var að
hefjast en því síðasta.
kristinnhaukur@frettabladid.is
könnun Fjórðungur landsmanna
telur að fjárhagur heimilisins verði
verri árið 2023 en hann var árið 2022.
33 prósent telja að hann verði betri.
Þetta kemur fram í nýrri könnun
Prósents.
Sex prósent telja að fjárhagsstaðan
verði miklu verri en á síðasta ári og
19 prósent að hún verði aðeins verri.
Þá telja 6 prósent að hún verði miklu
betri og 27 prósent að hún verði
aðeins betri. Flestir, 43 prósent, búast
við óbreyttri stöðu.
Almennt séð fer bjartsýni um
fjárhaginn minnkandi með aldri.
50 prósent fólks á aldrinum 25 til
34 ára býst við betri fjárhag 2023 en
2022. Hjá 65 ára og eldri er hlutfallið
aðeins 11 prósent. Karlar og fólk á
landsbyggðinni er örlítið bjartsýnna
en konur og fólk á höfuðborgarsvæð-
inu.
Vilborg Oddsdóttir, félagsráðgjafi
hjá Hjálparstarfi kirkjunnar, segir
úthlutanir fleiri á starfsstöðvunum
um jólin. Það er Reykjavík, Suður-
nesjum og Akureyri. „Við heyrum
örvæntingu hjá fólki og það er erf-
iðara að láta enda ná saman,“ segir
hún. Margir skjólstæðingar þurfa
aðeins að leita sér aðstoðar fyrir
jólin. Vilborg segir að það eigi eftir
að koma í ljós hvort að þeir þurfi að
leita oftar aðstoðar á árinu.
Fjórðungur býst við verri fjárhag
„Almenni leigumarkaðurinn er að
fara með fólk,“ segir Vilborg. Staðan
sé skárri hjá leigjendum í félagslegu
eða óhagnaðardrifnu leiguúrræði.
Eins og kemur fram á forsíðu hafa
fjárhagserfiðleikar fólks aukist síðan
í ágúst, þegar Prósent gerði síðast
sambærilega könnun.
63 prósent kjósenda Flokks fólks-
ins og Sósíalistaflokksins eiga í erfið-
leikum með að ná endum saman.
Hjá Pírötum er hlutfallið 38 pró-
sent, 37 hjá Viðreisnarfólki, 34 hjá
Vinstri grænum, 32 hjá Framsóknar-
mönnum, 30 hjá Samfylkingarfólki
og Miðflokksmönnum og aðeins 23
prósent hjá Sjálfstæðismönnum.
Þegar kemur að horfum fyrir árið
2023 eru Píratar bjartsýnastir. 45
prósent þeirra telja að árið verði far-
sælla fjárhagslega en árið 2022 og
aðeins 18 prósent að það verði síðra.
Hjá Miðflokksmönnum og kjós-
endum Flokks fólksins búast 26
prósent við betri fjárhag en örlítið
fleiri við verri árið 2023. Svartsýnin
er hins vegar áberandi mest hjá Sósí-
alistum. 21 prósent býst við betri og
40 prósent verri fjárhag.
Könnunin var framkvæmd 22. til
30. desember. Úrtakið var 4.000 og
svarhlutfallið 49,6 prósent. n
Vilborg Odds-
dóttir, félags-
ráðgjafi hjá
Hjálparstarfi
kirkjunnar
helgisteinar@frettabladid.is
kína Fyrrverandi sendiherra Kína
í Bandaríkjunum, Qin Gang, hefur
tekið við sem utanríkisráðherra
Kína. Qin Gang tók við af Wang Yi,
sem hefur verið andlit utanríkis-
stefnu landsins síðan 2013.
Qin hefur verið sendiherra í
Bandaríkjunum í rúmlega eitt og
hálft ár. Hann fékk það verkefni að
reyna að koma samskiptum land-
anna aftur í eðlilegt horf en þjóð-
irnar hafa átt í deilum undanfarin ár.
Nýja ráðherranum hefur verið
lýst sem „stríðsúlfi“ sem er gælunafn
gefið kínverskum diplómötum sem
þekktir eru fyrir að vera harðorðir
í garð vestrænna þjóða. Nafnið er
tilvísun í kínversku spennumynda-
seríuna Wolf Warrior.
Qin Gang sagði meðal annars árið
2020 að ímynd Kína á Vesturlöndum
hefði versnað vegna þess að fjöl-
miðlar í Evrópu og Bandaríkjunum
hefðu aldrei sætt sig við uppgang
Kínverja.
Hann hefur einnig sagt að kín-
verska þjóðin hafi lítið að læra af
hinum vestræna heimi. n
Stríðsúlfur orðinn
utanríkisráðherra
Qin Gang, er
orðin nýr utan-
ríkisráðherra
Kína
benediktboas@frettabladid.is 
Fjármál Elon Musk er fallinn af
toppnum, samkvæmt lista Forbes,
sem ríkasti einstaklingur í heimi og
er Frakkinn Bernard Arnault orðinn
sá ríkasti.
Arnault er nú metinn á 180 millj-
arða dollara sem er 33 milljörðum
dollara meira en Musk. Velgengni
Frakkans má rekja til velgengni
lúxusmerkis hans, LVMH, sem á og
rekur Louis Vuitton, Moët og Hen-
nessy, en innan samsteypunnar eru
einnig ilmvötn og aðrar snyrtivörur,
úr og fleiri þekkt vín.
Musk sat á toppi Forbes-listans í
fyrra og var þá metinn á 340 millj-
arða dollara en er núna metinn á
147 milljarða dollara. Það þýðir að
hann er búinn að tapa ansi mörgum
krónum og aurum á aðeins nokkr-
um mánuðum. n
Frakkinn Arnault orðinn ríkastur
Elon Musk er ekki lengur ríkasti ein-
staklingur heims samkvæmt Forbes.
benediktarnar@frettabladid.is
veður Íslendingar mega búast við
áframhaldandi frosti næstu daga.
Veðurfræðingur segir að það verði
þó heldur mildara loft yfir landinu
en undanfarið og engin átök í veðr-
inu.
Frá og með hádegi í dag verður
komið nokkuð gott veður á land-
inu. „Það verður enn þá svolítill
éljagangur vestan til en hann hættir
að mestu leyti seinnipartinn. Það
verður aðallega á Breiðafirði og Vest-
fjörðum sem það verða einhverjar
leifar af éljum,“ segir Óli Þór Árna-
son, veðurfræðingur hjá Veðurstofu
Íslands.
Óli segir að það verði ekki mikil
úrkoma á landinu næstu daga, en
búast má við úrkomubakka yfir
Austurlandi.
„Annars er tiltölulega hægur
vindur og lítil úrkoma. Það kólnar
og frystir á öllu landinu aftur, en svo
dregur aftur úr frostinu á miðviku-
dag. Það má búast við 0 til 7 stiga
hita víða,“ segir Óli.
Víða var blautt á landinu og því
þarf að fara með gát þegar frystir
á ný. „Fimmtudagurinn er í raun
bara það sama, það verða leifar af
þessum úrkomubakka yfir austan-
verðu landinu, en annars rólegur
vindur og ekkert svakalegt frost,“
segir Óli. n
Áfram frost á landinu næstu daga
Það verður
áfram frost
á mestöllu
landinu næstu
daga.
Fréttablaðið/
anton brink
8 Fréttir 3. janúar 2023 ÞRIÐJUDAGURFréttablaðið