Fréttablaðið - 03.01.2023, Blaðsíða 10

n Halldór
n Frá degi til dags
Útgáfufélag: Torg ehf. Stjórnarformaður: Helgi Magnússon forStjóri og Útgefandi: Jón Þórisson ritStjóri: Sigmundur Ernir Rúnarsson ser@frettabladid.is aðStoðarritStjóri: Garðar Örn Úlfarsson gar@frettabladid.is
fréttaStjóri: Lovísa Arnardóttir lovisa@frettabladid.is. Fréttablaðið kemur út fimm daga í viku og hægt er að nálgast það ókeypis á 120 fjölförnum stöðum á höfuðborgarsvæðinu, á Suðurnesjum, Árborg, Ölfusi, Akranesi, Borgarnesi,
Akureyri og víðar. Að auki er blaðið aðgengilegt í pdf-formi og í appi. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. Issn 1670-3871 fréttaBlaðið Kalkofnsvegur 2, 101
reykjavík Sími: 550 5000, ritstjorn@frettabladid.is. VefStjóri: Einar Þór Sigurðsson einarthor@frettabladid.is marKaðurinn: Guðmundur Gunnarsson ggunnars@frettabladid.is HelgarBlað: Björk Eiðsdóttir bjork@frettabladid.is
menning: Þorvaldur S. Helgason tsh@frettabladid.is Íþróttir: Hörður Snævar Jónsson hoddi@frettabladid.is ljóSmyndir: Anton Brink anton@frettabladid.is framleiðSluStjóri: Sæmundur Freyr Árnason sfa@frettabladid.is
Ástæða
þessarar
breytingar
er marg-
þætt, en
umhverfis-
þátturinn
vegur þar
þungt.
Árið 2023
munu
fram-
kvæmdir
hefjast við
Borgarlínu
og brú fyrir
Fossvog.
Sigmundur Ernir
Rúnarsson
ser
@frettabladid.is
Dagur B.
Eggertsson
borgarstjóri
Við getum litið stolt til baka á síðustu ár og hvernig
við tókumst á við heimsfaraldurinn og margvíslegar
afleiðingar hans. Starfsfólk Reykjavíkurborgar var
víða í framlínunni og vann magnað starf. Því verður
seint fullþakkað. Endurreisnaráætlun borgarinnar,
Græna planið, reyndist framúrskarandi í þessum
verkefnum og gerir enn. Borgin vex út úr vandanum
sem kóvid skildi eftir sig. Það er lykilatriði að taka
á fjármálum en standa um leið vörð um mikilvæga
þjónustu og tryggja að grænn vöxtur og innviðafjár-
festing haldi áfram þótt verðbólga og þensla hafi tekið
við af samdrætti og atvinnuleysi.
Endurskoðað aðalskipulag Reykjavíkur til 2040
leggur grunn að kraftmikilli húsnæðisuppbyggingu
fyrir alla tekjuhópa. Áhersla er lögð á skilgreinda
þróunarása borgarinnar og uppbyggingu húsnæðis
í tengslum við hágæða almenningssamgöngur og
að Reykjavík verði framúrskarandi hjólaborg. Árið
2023 munu framkvæmdir hefjast við Borgarlínu og
brú fyrir Fossvog. Hjólreiðaáætlun verður framfylgt
af krafti og vonir standa til að árið hefjist á tíma-
mótasamkomulagi milli ríkis og borgar um leiðandi
hlutverk borgarinnar í húsnæðisuppbyggingu næstu
ára. Framkvæmdir við íbúðir á Ártúnshöfða og í
Skerjafirði munu hefjast af krafti, Hlemmtorg fær loks
endanlega andlitslyftingu og framkvæmdir í Kvos við
hið magnaða svæði milli Lækjartorgs og Hörpu taka
á sig endanlega mynd. Þremur og hálfum milljarði
króna verður á næsta ári varið til nýrra leikskólaplássa
fyrir yngstu börnin til að brúa bilið milli fæðingaror-
lofs og leikskóla og viðhalds- og endurbótaverkefni í
skólum og leikskólum verða áfram í forgangi.
Reykjavík er ein hundrað borga í Evrópu sem ESB
hefur valið til að vera í forystu í leiðangri að því að
ná kolefnishlutleysi. Borgin vill því vinna áfram þétt
með atvinnulífi og samfélaginu í að ná þeim árangri
í loftslagsmálum sem þarf og móta Loftslagssamning
Reykjavíkurborgar til að tryggja þann árangur og
aðgerðir sem þarf. n
Ár uppbyggingar
fram undan
Tímamót eru í dreifingu Fréttablaðsins
á nýju ári, en það verður nú aðgengi-
legt tryggum lesendum sínum á opin-
berum stöðum, víðast hvar á landinu,
í stað þess að því sé dreift í öll hús á
helstu þéttbýlisstöðum landsins.
Eftirleiðis ratar hvert prentað eintak blaðsins
sannarlega í hendur þeirra sem ætla sér að lesa
það. Og þar er lykilbreytingin komin, en raun-
veruleg nýting á hverju eintaki þess verður meiri
en nokkru sinni.
Ætla má að lestur blaðsins verði áfram mikill,
ef ekki meiri en hann hefur verið á síðustu
misserum, en samkvæmt viðurkenndum könn-
unum er lestur Fréttablaðsins nú yfir 28 pró-
sent meðal landsmanna en mælist 35 prósent á
höfuðborgarsvæðinu. Ritstjórn blaðsins og aðrir
starfsmenn þess munu kappkosta að gefa áfram
út fjölbreytt og áhugavert dagblað með vönd-
uðum fréttaumfjöllunum og áhugaverðum við-
tölum, en margvíslegar nýjungar í efnistökum,
áherslum og útliti munu líta dagsins ljós á næstu
vikum og mánuðum.
Með breytingunum verður sýnileiki blaðsins
áfram mjög mikill, en því verður dreift á ríflega
120 fjölförnum stöðum á höfuðborgarsvæðinu,
á Suðurnesjum, Árborg, Ölfusi, Akranesi,
Borgarnesi, Akureyri og víðar.
Áfram verður unnið að frekari dreifingu
blaðsins með nýjum hætti, en til að byrja með
tryggir hún snertiflöt við 85 prósent lands-
manna. Þá hefur sá fjöldi sem les blaðið daglega
á rafrænu formi vaxið jafnt og þétt.
Ástæða þessarar breytingar er margþætt, en
umhverfisþátturinn vegur þar þungt. Ætla má
að með aldreifingu blaðsins á höfuðborgarsvæð-
inu og á Akureyri á síðustu tveimur áratugum
hafi blaðið ratað til fleiri en þeirra sem hafa
áhuga á blaðalestri. Dreifingarferlinu hefur þar
af leiðandi fylgt óþarfa sóun. Og það er hiklaust
í samræmi við vaxandi umhverfisvitund að lág-
marka kolefnisspor af dreifingu dagblaða.
Þá er því heldur ekki að leyna að aldreifing
með gamla laginu, jafnt til tryggra lesenda
blaðsins og hinna sem lesa það sjaldan eða aldr-
ei, er óhemju kostnaðarsöm fyrir einkarekinn
fjölmiðil, en ætla má að kostnaður á nýbyrjuðu
ári hefði orðið yfir einn milljarður króna.
Eins og aðrir einkareknir fjölmiðlar keppir
Fréttablaðið á fjölmiðlamarkaði sem sjálft ríkis-
valdið hefur ákveðið að hafa rammskakkan,
opinberum ríkismiðli landsins til slíkra hags-
bóta að það er í sjálfu sér undrunarefni að aðrir
ritstýrðir fréttamiðlar skuli vera starfandi
í landinu. En Fréttablaðið mun samt áfram
standa sína vakt. n
Blaðið okkar
ÞRIÐJUDAGA KL. 19.00 OG 21.00
MATUR OG HEIMILI
MEÐ SJÖFN ÞÓRÐAR
benediktboas@frettabladid.is
Spurt af hverju ekki
Það var hálf grámyglulegt að rífa
sig upp snemma í gærmorgun
til að halda til vinnu. Góðu
fréttirnar voru að fótboltinn
um alla Evrópu gat stytt manni
stundir. Allt saman byrjaði þetta
klukkan 12 þegar Glasgow-ris-
arnir mættust og svo lauk þessari
veislu gærdagsins með Brentford-
Liverpool. Af hverju var spilað
í gær? gætu einhverjir hugsað,
en útskýringin er einföld. Það
var nefnilega frídagur sem lenti
um helgi og hann færðist því
yfir á mánudag. Um alla Evrópu
nema auðvitað á eyjunni fögru í
Norður-Atlantshafi. Öll Evrópa
byrjaði árið bara á því að slaka á
en hér á Íslandi er það bannað –
með lögum.
Einn laugardagur
Jólin voru sannkölluð vinnujól og
nú þegar vinnumarkaðurinn er
að jafna sig eftir Covid kom í ljós
að enginn átti neina frídaga inni.
Því var opið á flestum leikskólum
enda þurftu foreldrarnir að mæta
til vinnu. Það hefur verið rætt og
ritað um að færa frídagana yfir á
næsta virka dag í gegnum tíðina
og frumvarp þess efnis liggur
fyrir hinu háa Alþingi. Fljótt á
litið virðist árið fullt af frídögum
en yfirleitt er það á virkum
dögum nema 17. júní. Hann ber
upp á laugardegi. Sem myndi
þýða einn skitinn mánudag í frí.
Það er allt og sumt. n
Skoðun FréTTaBlaðið 3. janúar 2023 ÞRIðJuDAGuR