Morgunblaðið - 30.08.2022, Qupperneq 27

ÍÞRÓTTIR 27
MORGUNBLAÐIÐ ÞRIÐJUDAGUR 30. ÁGÚST 2022
Körfuknattleiksþjálfarinn Finnur
Freyr Stefánsson hefur skrifað
undir nýjan þriggja ára samning
við Val. Vísir greindi frá. Finnur
gerði Val að Íslandsmeisturum í
fyrsta sinn í 39 ár í maí síðast-
liðnum, en hann tók við sem þjálfari
liðsins árið 2020. Finnur var áður
þjálfari KR og gerði Vesturbæjar-
liðið að Íslandsmeistara fimm ár í
röð frá 2014-2018 áður en hann tók
við stjórastöðunni hjá Horsens í
Danmörku. Finnur var einnig að-
stoðarþjálfari íslenska landsliðsins í
körfubolta um nokkurra ára skeið.
Finnur næstu
þrjú ár hjá Val
Morgunblaðið/Eggert
Framlengir Finnur Freyr Stefáns-
son verður áfram þjálfari Vals.
Knattspyrnumaðurinn Samúel Kári
Friðjónsson skrifaði í gær undir
tveggja ára samning við gríska úr-
valsdeildarliðið Atromitos. Kemur
Samúel Kári frá norska félaginu
Viking, þar sem hann hefur leikið
undanfarin tæp tvö ár.
Hjá Atromitos hittir Samúel Kári
fyrir Viðar Örn Kjartansson, sem
gekk til liðs við félagið fyrr í sumar,
einnig frá Noregi eftir að hafa leik-
ið með Vålerenga í annað sinn á
ferli sínum.
Samúel Kári á átta A-landsleiki
að baki fyrir Íslands hönd.
Samúel samdi
í Grikklandi
Morgunblaðið/Eggert
Grikkland Samúel Kári á æfingu
með íslenska A-landsliðinu.
GOLF
Gunnar Egill Daníelsson
gunnaregill@mbl.is
Ólafía Þórunn Kristinsdóttir til-
kynnti um liðna helgi í myndskeiði að
hún væri hætt þátttöku í keppnis-
golfi. Ólafía Þórunn, sem er 29 ára
gömul, hefur verið atvinnukylfingur
um átta ára skeið og komist lengst
allra íslenskra kvenna í golfíþrótt-
inni. Hún hefur til að mynda tekið
þátt á LPGA-mótaröðinni, sterkustu
mótaröð heims, þar sem hún tók þátt
í öllum fimm risamótum kvenna í
golfi og er Ólafía Þórunn eini Íslend-
ingurinn sem hefur afrekað það.
Hún var kjörin íþróttamaður árs-
ins 2017, varð Evrópumeistari í
blandaðri liðakeppni með íslenska
landsliðinu 2018 og stóð þrisvar uppi
sem Íslandsmeistari í höggleik; árin
2011, 2014 og 2016, þegar hún lék á
metskori, ellefu höggum undir pari.
En hvað kemur til að Ólafía Þór-
unn ákveður að leggja kylfurnar á
hilluna núna? „Ég er búin að hafa
svona tilfinningu innra með mér í
ágætis tíma og núna er hún bara að
verða sterkari. Ég veit ekki alveg
hvernig ég á að lýsa þessu. Ég er
búin að reyna að vinna í þessu.
Maður gengur alveg í gegnum alls
konar og upplifir alls konar tilfinn-
ingar. Maður vinnur úr þeim,
kannski með íþróttasálfræðingi eða
eitthvað slíkt, en ég hef bara ekki náð
að vinna mig úr þessu og þetta er
bara að verða stærra.
Svo er það líka þessi lífsstíll, hann
tekur sinn toll. Ég hef ekki búið á
einum stað síðan ég var 17 ára, þegar
ég fór út til Bandaríkjanna í háskóla,
þannig að ég er búin að vera lengi
hluti af þessum lífsstíl. Núna er ég
tilbúin til þess að breyta þessu,“
sagði Ólafía Þórunn í samtali við
Morgunblaðið.
Þurfti meiri stöðugleika í lífið
Spurð um aðdragandann að
ákvörðuninni sagði hún: „Í rauninni
held ég að þetta byrji þegar ég lendi í
kulnun. Þá ákvað ég að þyrfti bara að
taka mér pásu. Skömmu áður höfð-
um við Thomas [Bojanowski, eig-
inmaður Ólafíu Þórunnar] ákveðið að
stofna til fjölskyldu. Í rauninni gerist
þetta áður en Maron [Atlas Thom-
asson, sonur þeirra] fæðist.
Við eignuðumst hann og ég tók
mér pásu frá golfi á meðan. Það eina
sem maður getur gert þegar maður
lendir í kulnun er að taka skref til
baka og vinna í því. Ég gerði það en
svo hefur þetta ekki breyst, þetta er
aðeins flóknara en það.“
Skrítið að sleppa takinu
Þótt Ólafía Þórunn nefni að hún
hafi lent í kulnun vill hún ekki skella
skuldinni á sjúkdóminn og áréttar að
hún hafi öðru fremur fundið þörf fyr-
ir lífsstílsbreytingu.
„Ég vil ekki kenna kulnun um að
ég sé að hætta keppnisgolfi. Þetta
snýst meira um lífsstílinn og hann er
frábær í einhvern tíma, en svo kemur
tímapunktur þar sem ég þarf meiri
stöðugleika í líf mitt.
Maður er auðvitað miklu meira en
bara kylfingur en golf hefur náttúr-
lega verið svo stór hluti af lífi manns
alla tíð þannig að það er svolítið
skrítið að sleppa því, að sleppa takinu
á þessu,“ sagði hún.
Fólk sem snerti í mér hjartað
Spurð hvað stæði upp úr á farsæl-
um ferli sagði Ólafía Þórunn: „Ég
áorkaði miklu meira en ég hefði
nokkurn tímann getað ímyndað mér
og er bara mjög stolt af öllu því sem
ég náði að gera. Svo er allt fólkið sem
ég hitti, allt fólkið sem hjálpaði mér,
það hefur snert í mér hjartað. Ég
mun alltaf muna eftir því.
Ég mun alltaf muna eftir öllum
ferðalögunum, öllum löndunum sem
ég heimsótti og öllum vinunum sem
ég eignaðist. Svo eru öll augnablikin
þar sem ég náði að komast í gegnum
mótlæti, þar sem ég höndlaði press-
una og sigraði hér og þar. Augnablik
þar sem maður stóð sig vel, að kom-
ast í svona „zone“ er geggjað.“
Frumkvöðlaverkefni tekur við
Hvað tekur nú við hjá Ólafíu Þór-
unni? „Ég mun bara aðeins setja mig
í fyrsta sæti núna, aðeins hugsa um
heilsuna mína og eyða tíma með fjöl-
skyldunni. Svo er ég líka að fara að
byrja með mitt eigið frumkvöðla-
verkefni og það verður bara spenn-
andi að fylgjast með því,“ sagði hún.
Kvaðst Ólafía Þórunn ekki geta
gefið neitt upp um verkefnið og í
hverju það felst að svo stöddu. „Ég
er ekki komin nógu langt til þess að
geta sagt frá því ennþá en það kemur
að því. Nú hef ég nægan tíma til þess
að stilla þessu öllu upp.“
Að ferlinum loknum er þakklæti
henni efst í huga. „Ég held að ég hafi
sagt flest í myndbandinu mínu, ég
reyndi það allavega. Ég er bara mjög
þakklát fyrir allt og mun alltaf muna
allt það góða og allt annað sem ég
lærði af þessu ferli.
Allar upplifanirnar, góðu og erfiðu,
þær móta mann og það er mjög dýr-
mætt. Ég er líka ótrúlega þakklát
fyrir öll fallegu skilaboðin sem ég hef
fengið síðan ég sendi þetta frá mér.“
Þörfin fyrir lífsstíls-
breytingu vó þyngst
- Ólafía Þórunn hætt í keppnisgolfi - Hefur náð lengst íslenskra kvenkylfinga
Morgunblaðið/Árni Sæberg
Golf Ólafía Þórunn Kristinsdóttir er hætt keppni í golfi eftir farsælan feril. Hún er eini íslenski kylfingurinn sem hefur unnið sér keppnisrétt á LPGA.
Undrabarnið Erling Braut
Haaland hefur þegar skorað sex
mörk fyrir Manchester City í
fyrstu fjórum leikjum sínum í
ensku úrvalsdeildinni.
Aðeins einn leikmaður hefur
skorað fleiri mörk í fyrstu fjórum
umferðunum en það gerði Diego
Costa er hann setti sjö á fyrsta
tímabili sínu með Chelsea er lið-
ið varð Englandsmeistari 2014-
’15.
Þrátt fyrir að vera aðeins 22
ára gamall er Haaland þegar orð-
inn einn skæðasti framherji Evr-
ópu. Norðmaðurinn skoraði 62
mörk í 67 leikjum með Borussia
Dortmund í þýsku 1. deildinni
áður en hann færði sig um set og
gekk til liðs við Englandsmeist-
arana fyrr í sumar.
Markametið á einni leiktíð í
ensku úrvalsdeildinni eiga þeir
Alan Shearer og Andy Cole er
þeir skoruðu 34 mörk hvor tíma-
bilin 1993-’94 og 1994-’95, en þá
lék hvert lið 42 leiki á leiktíð í
stað 38 eins og þekkt er í dag.
Egyptinn geðþekki Mohamed
Salah á markametið síðan leikj-
unum fækkaði um fjóra en hann
sló það þegar hann skoraði 32
mörk í ensku úrvalsdeildinni
tímabilið 2017-’18. Haaland eru
allir vegir færir og verður fróð-
legt að sjá hversu mörg mörk
honum tekst að skora áður en
tímabilið líður undir lok.
Baráttan um gullskóinn svo-
kallaða gæti reynst ansi athygl-
isverð í ár þar sem Harry Kane,
Gabriel Jesus, Darwin Nunez,
Mohamed Salah og Heung min
Son eru allir líklegir til árangurs
en þeir tveir síðastnefndu deildu
verðlaununum á milli sín í fyrra
með 23 mörk hvor. Haaland er í
það minnsta kominn með
tveggja marka forskot á næstu
menn fyrir neðan fyrir heimaleik
City gegn nýliðum Nottingham
Forest annað kvöld.
BAKVÖRÐUR
Ísak Gabríel Regal
isak@mbl.is
Perla Sól Sigur-
brandsdóttir úr
GR, Íslands-
meistari og Evr-
ópumeistari 16
ára og yngri,
stóð uppi sem
sigurvegari með
úrvalsliði Evrópu
þegar það hafði
betur gegn úr-
valsliði Bret-
lands og Írlands í Vagliano-bik-
arnum, sem fram fór á Blair-
gowrie-golfvellinum í Skotlandi um
helgina.
Vagliano-bikarinn er áhuga-
mannamót ætlað 16 ára stúlkum og
yngri.
Perla náði í tvö stig
Evrópa vann samtals 10:8. Perla
lék tvo fjórmenningsleiki með Jo-
hönnu Axelsen frá Danmörku og
tvo tvímenningsleiki og vann tvö
stig fyrir sitt lið af þeim átján sem
voru í boði.
Ásamt Perlu Sól í úrvalsliði Evr-
ópu voru hin danska Axelsen, Anna
Cañadó Espinal frá Spáni, Carla De
Troia frá Frakklandi, Andrea
Revuelta Goicoechea frá Spáni og
hin hollenska Lynn van der Sluijs.
Perla, sem er aðeins 15 ára, hef-
ur átt magnað ár og unnið hvert
mótið á fætur öðru.
Perla Sól var í
sigurliði Evr-
ópuúrvalsins
Perla Sól
Sigurbrandsdóttir