Morgunblaðið - 06.09.2022, Side 6

6 FRÉTTIR
Innlent
MORGUNBLAÐIÐ ÞRIÐJUDAGUR 6. SEPTEMBER 2022
Guðni Einarsson
gudni@mbl.is
Fín veiði hefur verið í Veiðivötnum í
sumar og fiskurinn vænn, að sögn
Arnar Óskarssonar líffræðings sem
sér um vefinn veidivotn.is. Þar höfðu
veiðst alls 18.135 fiskar frá 18. júní
til 16. ágúst þegar stangveiði lauk.
Þar af voru 10.982 urriðar og 7.152
bleikjur. Meðalþyngdin var 1,58
pund. Á stangveiðitímanum í fyrra
(18.6-18.8), var meðalþyngdin 1,46
pund en þá veiddust alls 19.049 fisk-
ar. Sumarið 2020 veiddust 17.570
fiskar og meðalþyngd var 1,24 pund.
„Meðalþunginn á fiskinum í sum-
ar er talsvert meiri en verið hefur,“
segir Örn. Hann segir regluna þá að
veiðist færri fiskar þá séu þeir
stærri en ella. „Það hefur verið mik-
ið af vel feitum fiski í sumar, jafnvel
spikfeitum. Ég held að þeir hafi haft
nóg að éta í sumar.“
Nú stendur yfir netaveiði í vötn-
unum og henni lýkur 11. september.
Veiðirétthafar, það er landeigendur
og sumir sumarhúsaeigendur, hafa
leyfi til netaveiði í Veiðivötnum.
Vaxandi ásókn í veiðileyfin
Veiðileyfi í Veiðivötnum eru mjög
eftirsótt og fer ásóknin vaxandi. Örn
segir að sú regla gildi að þeir, sem
fengu leyfi sumarið áður, geti sótt
um að koma aftur á sama tíma árið
eftir. Langflestir nýta sér það og því
fara tiltölulega fá veiðileyfi í al-
menna sölu þegar opnað er fyrir
hana 1. apríl ár hvert. Þann dag er
birtur listi á Veiðivatnavefnum yfir
lausa daga.
Algengast er að veiðimenn, sem
leigja gistiaðstöðu í Veiðivötnum,
dvelji þar í tvær nætur. Tjaldsvæði
er í Veiðivötnum og margir koma
með ferðavagna eða tjalda.
Bleikja gengur í vötn sem hafa
samgang við Tungnaá, það er að
segja sé göngufært fyrir fisk úr ánni
í vötnin. Bleikjan fór að ganga í
Veiðivötn upp úr 1970 að sögn Arn-
ar. Lokuðu vötnin eru alfarið urriða-
vötn. Fossvötnin eru urriðavötn,
þótt þau hafi samgang við Tungnaá,
en bleikjan kemst ekki upp foss í
Fossvatnakvísl.
Góð veiði og væn í Veiðivötnum
- Fiskarnir talsvert þyngri að meðaltali nú en undanfarin ár - Fiskurinn hefur haft nóg æti - Spik-
feitir fiskar komnir á land - Urriði og bleikja veiðast í Veiðivötnum - Veiðileyfin eru mjög eftirsótt
Ljósmynd/Gísli Gíslason
Veiðivötn Veiðileyfi fyrir 100 stangir eru seld hvern veiðidag. Vötnin eru um 50 talsins og eru á Landmannaafrétti á milli Þórisvatns og Tungnaár.
jörð vandlega.
Menn þurfi að
vita nákvæmlega
hvað þeir eru að
kaupa. Svo þurfi
ansi mikið púslu-
spil að raðast
rétt til þess að
ungt fólk geti
keypt. Telur
hann þó að bank-
ar séu almennt
tilbúnir að lána fyrir kaupum á
jörðum þar sem starfsemi er, ef
rekstraráætlanir sýna jákvæðar
horfur í rekstri.
Segir Magnús að fleiri bú í full-
um rekstri mættu vera til sölu.
Telur hann að bændur hætti bú-
skap með öðrum hætti en áður.
Þeir hægi á sér í nokkurn tíma áð-
ur en þeir verði tilbúnir að selja,
hætti uppbyggingu og dragi úr bú-
skap og fari svo jafnvel í aðra
vinnu. Þannig komi margar jarðir í
sölu með gömul útihús og án bú-
stofns.
Geta búið hvar sem er
Einnig er alltaf eftirspurn eftir
jörðum til annarra nota. Margir
hestamenn skoða jarðir og aðrir
sem vilja fara út í einhvers konar
ræktun. „Svo er fólk ekki alveg
eins bundið og áður var af því að
vera á höfuðborgarsvæðinu til að
geta sótt vinnu. Sumir geta unnið
vinnuna sína í tölvunni, hvar sem
þeir búa, og jafnvel stundað vinnu í
öðrum löndum,“ segir Magnús.
Nokkuð er um að fyrirtæki eða
eigendur fyrirtækja sem vilja
leggja sitt af mörkum í umhverfis-
málum kaupi jarðir sem henta til
dæmis til skógræktar og hyggist
kolefnisbinda starfsemi sína. Þetta
er nýtt af nálinni og Magnús segir
töluvert um að menn skoði slíka
möguleika.
Þá eru einnig dæmi um að fjár-
sterkir menn kaupi jarðir í fjár-
festingarskyni. Segir Magnús að
reynslan sýni að jarðir séu oft góð
fjárfesting.
Verð á jörðum hefur hækkað,
eins og á öðrum fasteignum, að
sögn Magnúsar. Verðið er þó ákaf-
lega misjafnt á milli héraða. Hæst
er það í bestu sveitum Suðurlands
og Vesturlands. Á afskekktari
svæðum sé verðið oft lægra, sér-
staklega ef innviðir eru lélegir, til
dæmis vegir og fjarskipti.
Búið er að selja tvær jarðanna, eft-
ir því sem næst verður komist, en
ekki hefur verið gengið endanlega
frá sölu hinna tveggja. Í það stefn-
ir að búrekstur verði áfram á öllum
jörðunum.
Rúmlega 100 jarðir á ári
Magnús segir að rúmlega 100
jarðir skipti um eigendur á ári og
hafi svo verið í allmörg ár. Hann
segir að markaðurinn sé ágætlega
líflegur en tekur fram að viðskiptin
gangi ekki á sama hraða og á
markaði fyrir íbúðir á höfuðborg-
arsvæðinu. Þótt áhugi reynist mik-
ill fyrir jörð keppi yfirleitt ekki
nema 2-3 um jörðina, þegar upp er
staðið, ef menn eru heppnir. Sem
skýringu á því nefnir Magnús að
nauðsynlegt sé að undirbúa kaup á
Helgi Bjarnason
helgi@mbl.is
„Mér finnst ég finna aðeins vakn-
ingu fyrir aukinni matvælafram-
leiðslu hér heima. Að minnsta kosti
að halda við búrekstri þar sem það
á við,“ segir Magnús Leopoldsson,
fasteignasali hjá Fasteignamiðstöð-
inni. Hann hefur milligöngu um
sölu stórs hluta þeirra jarða sem
skipta um eigendur.
Athygli vakti þegar fjögur kúabú
í Austur-Landeyjum voru boðin til
sölu á sama tíma í vor, sum stór.
Jarðirnar fóru í sölu með miklum
húsakosti, kúm og öðrum búpen-
ingi, vélum og greiðslumarki til
mjólkurframleiðslu. Uppsett verð
var vel á annan milljarð króna
samtals á þessum fjórum búum.
„Draumalandið“ Daðastaðir í Öxarfirði er landmikil jörð og henni fylgja jarðirnar Arnarhóll og Arnarstaðir. Þær liggja á milli fjalls og fjöru og þar er rekið stórt sauðfjárbú. Jörðin er til sölu.
Vakning fyrir matvælaframleiðslu
- Kaupendur jarða vilja halda búrekstri áfram - Markaður fyrir jarðir er líflegur en viðskiptin þurfa
lengri undirbúning en íbúðakaup í borginni - Vaxandi áhugi á að kaupa jarðir til skógræktar
Magnús
Leopoldsson