Morgunblaðið - 06.09.2022, Page 11

FRÉTTIR 11Innlent
MORGUNBLAÐIÐ ÞRIÐJUDAGUR 6. SEPTEMBER 2022
E60
Íslensk hönnun og framleiðsla frá 1960
Mikið úrval lita bæði á
áklæði og grind.
Sérsmíðum allt eftir
pöntunum.
Stóll E60 orginal kr. 44.100
Retro borð 90 cm kr. 156.200
(eins og á mynd)
Sólóhúsgögn ehf. Gylfaf löt 16-18 112 Reykjavík 553-5200 solohusgogn. is
Sigtryggur Sigtryggsson
sisi@mbl.is
Hálslón, sem sér Fljótsdalsstöð fyrir vatns-
orku, fór á yfirfall í gær. Við það birtist
fossinn Hverfandi við vestari enda Kára-
hnjúkastíflu. Fossinn er afar tignarlegur að
sjá þegar jökulvatnið steypist 90-100 metra
niður í Hafrahvammagljúfur í Jökulsá á Dal.
Blöndulón er einnig komið á yfirfall en
það gerðist 1. september síðastliðinn.
„Vatnsbúskapur á vatnasviðum aflstöðv-
anna okkar hefur verið góður í sumar,“ seg-
ir Ragnhildur Sverrisdóttir, upplýsinga-
fulltrúi Landsvirkjunar. Hágöngulón og
Kelduárlón fylltust fyrir lok júlí og nú hafa
Blöndulón og Hálslón bæst í hópinn.
Aðeins Þórisvatn hefur ekki enn fyllst.
Það vantar um 1,3 metra að það nái yfirfalli
í 579 metra hæð en lónið fór hæst í 576
metra í fyrrahaust.
Þórisvatn hækkar nú um 3-4 sentímetra á
dag og er ekki fullséð með hvað það fer hátt
þótt það verði að teljast ólíklegt að það fyll-
ist alveg, segir Ragnhildur. En eins og þess-
ar tölur bera með sér er staðan margfalt
betri en á sama tíma í fyrrasumar.
Landsvirkjun neyddist til að grípa til
skömmtunar á rafmagni strax í desember í
fyrravetur, sem m.a. bitnaði á stórnot-
endum, fjarvarmaveitum og fiskimjölsverk-
smiðjum á loðnuvertíðinni, sem var sú
stærsta um árabil. Vonir standa til að ekki
þurfi að skammta rafmagn til stórnotenda
næsta vetur. Það getur skipt miklu fyrir af-
komu þjóðarbúsins.
Ljósmynd/Landsvirkjun
Hverfandi Það er tignarleg sjón að sjá jökulvatnið steypast niður í Jöklu. Fossinn er svo aflmikill að jafna má við Dettifoss. Fallhæðin er 90-100 metrar. Eflaust fýsir marga að sjá þetta sjónarspil.
Fossinn Hverfandi birtist tignarlegur
- Hálslón fór á yfirfall í gær og þá birtist fossinn Hverfandi við vestari enda Kárahnjúkastíflu
- Blöndulón er einnig komið á yfirfall - Staðan í Hálslóni margfalt betri en á sama tíma í fyrra
Gera má ráð fyrir því að allt tjón sem
varð, vegna þess að kaldavatnslögn
Veitna fór í sundur í Hvassaleiti í
Reykjavík á föstudagskvöld, verði
bætt. Þetta segir Jón Trausti Kára-
son, forstöðumaður veitna og frá-
veitna hjá Veitum.
„Ég held að fólk geti alveg andað
rólega, tjónið verður bætt. Við þurf-
um bara að skoða með hvaða hætti
það verður best gert,“ sagði Jón
Trausti í samtali við Morgunblaðið.
Mikill vatnselgur myndaðist þeg-
ar lögnin fór í sundur og vatn flæddi í
stríðum straumum um hverfið. Með-
al annars inn í kjallara, bílskúra og
bíla.
Jón Trausti segir ekki hægt að
gera sér fyllilega grein fyrir umfangi
tjónsins að svo stöddu, en verið sé að
meta það.
„Ferlið er þannig að fólk tilkynnir
tjónið til vátryggingafélagsins okk-
ar, sem er VÍS, og í kjölfarið finna
fulltrúar VÍS tíma með tjónþolum og
fara yfir þeirra tjón. Svo fer hefð-
bundið matsferli í gang, sem endar í
einhverri summu sem segir til um
heildarsummu, en það fer tími í þá
vinnu.“
Verktakar unnu að því gær að
undirbúa vettvanginn svo hægt yrði
að komast að lögninni, að sögn Jóns
Trausta. Fyrsta verk sé alltaf að
skoða aðstæður og viða að sér að-
föngum til að búa til og tryggja
öruggt vinnusvæði fyrir þær vélar
sem koma að verkinu. Þá þurfi að
búa til hjáleiðir fyrir gangandi veg-
farendur.
„Við höfum ekki endanleg svör við
því hvað gerðist, en við fáum kannski
betri tilfinningu fyrir því, vonandi
fyrir lok dagsins, þegar við verðum
búin að grafa ofan af lögninni,“ sagði
Jón Trausti.
Til stendur að láta róbóta keyra
eftir lögninni til að greina ástand
hennar.
Allt tjón vegna vatns-
lekans verður bætt
- Unnið að því að grafa ofan af lögninni
Morgunblaðið/Kristinn Magnússon
Viðgerð Unnið var að því í gær að
grafa ofan af lögninni sem brast.