Morgunblaðið - 06.09.2022, Side 12

12 FRÉTTIR
Viðskipti | Atvinnulíf
MORGUNBLAÐIÐ ÞRIÐJUDAGUR 6. SEPTEMBER 2022
Vetrarsól er umboðsaðili
Sláttuvélar
& sláttuorf
Snjóblásarar
Askalind 4 | Kópavogi | Sími 564 1864 | vetrarsol.is
Gulltryggð gæði
40 ár
á Íslandi
Sláttutraktorar
STUTT
BAKSVIÐ
Baldur Arnarson
baldura@mbl.is
Jón Bjarki Bentsson, aðalhagfræð-
ingur Íslandsbanka, segir enn útlit
fyrir að krónan styrkist í vetur en
styrkingin verði seinna á ferðinni en
vænst var. Þar með talið muni krón-
an styrkjast gagnvart evru og pundi
en báðir gjaldmiðlar hafa gefið eftir
undanfarið, samhliða versnandi efna-
hagshorfum.
„Óvissa um hvenær krónan styrk-
ist hefur aukist en við töldum ein-
boðið að hún myndi styrkjast í
haust,“ segir Jón Bjarki.
Hann bendir á að stöðutaka með
krónunni á fyrri helmingi ársins, í
formi framvirkra samninga, hafi
verið umfangsmeiri en talið var.
Sú stöðutaka hafi ýtt undir gengi
krónu. Fyrir vikið séu væntingar um
bættan viðskiptajöfnuð yfir háönnina
í ferðaþjónustu að miklu leyti komn-
ar fram í gengi krónunnar.
Orkukreppan bítur
Pundið hefur gefið eftir í kjölfar
tíðinda af orkukreppunni í Bretlandi.
Sömuleiðis hefur evran gefið eftir en
evruríkin horfa fram á mikla hækkun
orkuverðs og vaxtahækkanir. Er
búist við að evrópski seðlabankinn
hækki vexti enn frekar á fimmtudag.
Jón Bjarki telur líklegra en ekki
að þetta muni birtast í gengi krónu.
„Eftir því sem lengra líður á
veturinn aukast líkurnar á því að
evran og pundið verði orðin heldur
ódýrari,“ segir Jón Bjarki.
Bakslag gæti bitnað á Íslandi
En hvaða áhrif skyldi væntur sam-
dráttur ráðstöfunartekna almenn-
ings í Bretlandi og á evrusvæðinu
geta haft á íslenska ferðaþjónustu?
„Ég deili auðvitað þeim áhyggjum
með ferðaþjónustunni að ef það
verður umtalsvert bakslag í lífskjör-
um í Bretlandi og á meginlandinu
geti það haft veruleg áhrif á eftir-
spurn eftir Íslandsferðum,“ segir
Jón Bjarki um þann óvissuþátt.
Ragnar Björn Ragnarsson, sér-
fræðingur og gjaldeyrismiðlari hjá
Arion banka, segir orkukreppuna í
Evrópu eiga þátt í að evran hafi gefið
eftir. Þrátt fyrir að gengið hafi ágæt-
lega að safna gasbirgðum í Evrópu
sé rætt um hugsanlegan orkuskort í
vetur, ekki síst eftir að Rússar skrúf-
uðu fyrir Nordstream 1-gasleiðsluna
til Þýskalands síðastliðinn föstudag.
„Veiking evrunnar tengist þessu
en margir af stóru vogunarsjóðunum
hafa sett skortstöðu á evrópsk hluta-
bréf og evruna. Hún er mikið skort-
seld þessa dagana og meira en sést
hefur hin síðari ár,“ segir Ragnar.
Verðbólga sé á uppleið á evru-
svæðinu og markaðurinn hafi efa-
semdir um hversu mikið Evrópski
seðlabankinn geti hækkað vexti.
„Evrópski seðlabankinn mun
væntanlega hækka vexti enn frekar
síðar í þessum mánuði. Rætt er um
hversu mikið hægt verður að hækka
vexti áður en lönd eins og Ítalía
hætta að ráða við vaxtastigið,“ segir
Ragnar og vísar til skuldsetningar
margra evruríkja.
Varðandi veikingu pundsins segir
hann aðspurður að þar bætist póli-
tísk óvissa við orkukreppuna. Á eftir
að koma í ljós hvaða áhrif valdataka
Liz Truss mun hafa í þeim efnum.
Spurður hvort veiking evrunnar
og pundsins muni hafa í för með sér
að krónan styrkist gagnvart þessum
myntum segir hann krónuna hafa
sýnt lítil merki um styrkingu undan-
farið „og sé furðu veik miðað við
hvernig menn teiknuðu þetta sumar
upp“ hvað varðar gengisþróun.
Kaupgetan skiptir miklu máli
Almennt er búist við frekari vaxta-
hækkunum Englandsbanka og Evr-
ópska seðlabankans og mun það
auka vaxtakostnað almennings og
fyrirtækja. Bætist það við höggið af
mikilli hækkun raforkuverðs.
Spurður hvort orkukreppan í
Evrópu, þar með talið í Bretlandi,
kunni að leiða til minni eftirspurnar
eftir Íslandsferðum, eftir því sem
þrengir að almenningi í þessum
löndum, segir Kristófer Oliversson,
framkvæmdastjóri CenterHotels,
engar vísbendingar komnar fram um
það að sinni. Raunar séu jákvæð
teikn á lofti því búið sé að tilkynna
um aukið flug frá Bretlandi í vetur.
„Heiðarlegasta svarið er að maður
veit ekki hvað gerist næst. Kaupgeta
almennings á helstu markaðssvæð-
um skiptir okkur miklu máli. Íslend-
ingar eru alltaf mikill minnihluti við-
skiptavina okkar en upp úr stendur
að vísbendingar um markaðinn eru
mjög góðar og við erum enn bjartsýn
á veturinn og Ísland er alls ekki upp-
selt,“ segir Kristófer.
Bið á frekari styrkingu krónunnar
- Aðalhagfræðingur Íslandsbanka segir stöðutöku með krónunni síðastliðið vor hafa vegið þungt
- Sérfræðingur hjá Arion banka segir vogunarsjóði skortselja evrur - Evran og pundið gefa eftir
Gengi evru og sterlingpunds sl. 6. mánuði
EUR/ISK GBP/ISK
147
144
141
138
135
178
173
168
163
158
6.mars '22 6. sept. '22 6.mars '22 6. sept. '22
144,2
141,5
175,03
163,63
Hagnaður Bílabúðar Benna nam í
fyrra 190,6 milljónum króna, saman-
borið við tap upp á 127,5 milljónir
króna árið áður. Tekjur félagsins í
fyrra námu 2,2 milljörðum króna, en
voru árið áður um 1,7 milljarðar og
jukust um 530 milljónir króna á milli
ára. Rekstrarkostnaður félagsins
jókst um rúmar 400 milljónir króna á
milli ára og nam um 2,3 milljörðum.
EBITDA-hagnaður félagsins, þ.e.
rekstarafkoma fyrir afskriftir og
fjármagnsliði, var því neikvæður um
61 milljón króna. Þetta kemur fram í
nýjum ársreikningi Bílabúðar
Benna, en hjónin Benedikt Eyjólfs-
son og Margrét Beta Gunnarsdóttir
eru eigendur félagsins, að mestu í
gegnum félag sitt BE fjárfestingar
ehf. Eigið fé félagsins var í árslok
síðasta árs um 1,8 milljarðar króna.
Skýringuna á hagnaði félagsins
má helst rekja til sölu markaðsverð-
bréfa fyrir tæpar 220 milljónir króna
á árinu. Stöðugildum hjá félaginu
fækkaði um átta á milli ára og launa-
kostnaður minnkaði um rúmar 18
milljónir króna á milli ára.
Tekjur félagsins námu um 5,2
mlljörðum króna árið 2016 en lækk-
uðu nokkuð næstu ár á eftir, þar til í
fyrra þegar þær jukust á ný. Ekki er
lagt til að greiddur verði árður fyrir
árið í fyrra.
Hagnaður hjá
Bílabúð Benna
- Tekjuvöxtur í fyrsta sinn í fimm ár
Morgunblaðið/Ómar
Rekstur Margrét Beta Gunnars-
dóttir og Benedikt Eyjólfsson.
Alls hafði 21.440 ársreikningum
verið skilað til ársreikningaskrár
fyrir reikningsárið 2021 fyrir helgi.
Á sama tíma í fyrra hafði 23.263
ársreikningum verið skilað, eða 8%
færri ársreikningum en árið áður.
Þetta kemur fram í tölum frá
Creditinfo sem heldur meðal ann-
ars utan um skil á ársreikningum.
Meginþorri fyrirtækja skilar árs-
reikningum inn í ágúst en sam-
kvæmt lögum um ársreikninga ber
félögum að skila ársreikningi eigi
síðar en átta mánuðum eftir lok
reikningsárs. Flest félög nota
almanaksárið sem uppgjörstímabil
og er skilafresturinn því í flestum
tilvikum 31. ágúst. Tæplega 23.300
félög skiluðu ársreikningi í ágúst í
ár en í fyrra skiluðu tæplega 21.500
félög inn ársreikningi í ágúst. Þá
sést munur á milli ára í ár, þar sem
færri ársreikningum var skilað inn
í júní og júlí í ár en í fyrra.
Færri ársreikning-
um skilað milli ára
- Flest félög skila ársreikningi í ágúst
« Sjávarsýn ehf., félaga í eigu Bjarna
Ármannssonar, forstjóra Icelandic Sea-
food, bætti í ágúst við hlut sinn í Festi.
Félagið bætti við sig 500 þúsund hlut-
um og á nú um 5,3 milljónir hluta, alls
um 1,7% hlut í Festi, samkvæmt upp-
færðum hluthafalista.
Stærstu hluthafar félagsins, Lífeyris-
sjóður starfsmanna ríkisins (LSR) og
Lífeyrissjóður verslunarmanna (Live)
juku jafnframt við hlut sinn í ágúst, LSR
um tæpar 1,5 milljónir hluta og Live um
2,4 milljónir hluta. Þá keypti Festi um
tvær milljónir hluta af eigin bréfum.
Íslandsbanki seldi um 2,3 milljónir hluta
og fer úr því að vera 10. stærsti hluthaf-
inn í að vera sá 13. stærsti. Ætla má að
meginþorri bréfanna séu bréf sem
bankinn heldur á fyrir viðskiptavini í
gegnum framvirka samninga.
Sjávarsýn jók við hlut
sinn í Festi í ágúst
Hafþór Júlíus Björnsson aflrauna-
maður hafði rétt rúmar 99 milljónir
króna í tekjur af hnefaleikum á síð-
asta ári. Þetta kemur fram í árs-
reikningi félagsins Fjallsins Hafþórs
ehf., sem er í eigu Hafþórs Júlíusar.
Tekjur félagsins námu á síðasta ári
109,6 milljónum króna. Til viðbótar
við tekjur af hnefaleikum hafði fé-
lagið um 10,4 milljónir króna í leigu-
tekjur, en félagið á atvinnuhúsnæði í
Kópavogi og sumarhús. Tekjur
Fjallsins Hafþórs árið 2020 námu 9,4
milljónum króna, en þá hafði félagið
aðeins leigutekjur. Hagnaður félags-
ins í fyrra nam 60,5 milljónum króna
en eigið fé í árslok var um 20 millj-
ónir króna. Félagið greiddi engin
laun á árinu en stærsti útgjalda-
liðurinn var þjálfunarkostnaður og
ferðakostnaður erlendis.
Hafþór Júlíus hefur keppt í ýms-
um aflraunum auk þess sem hann
hlaut nokkra athygli þegar hann
kom fram í Game Of Thrones-
þáttaröðinni á HBO, þar sem per-
sónan hans hét einmitt Fjallið. Hann
hefur, samhliða því að reka líkams-
ræktarstöðion Thor‘a Power Gym í
Kópavogi, nú einnig snúið sér að
hnefaleikum. Hann mætti meðal
annars Eddie Hall frá Bretlandi í
bardaga í Dúbaí í mars á þessu ári,
hvar Hafþór Júlíus bar sigur úr
býtum eftir sex lotur.
Morgunblaðið/Ásdís
Rekstur Hafþór Júlíus Björnsson
kemur víða við í rekstri sínum.
Fjallið þénar vel
6. september 2022
Gjaldmiðill Gengi
Dollari 141.6
Sterlingspund 163.63
Kanadadalur 107.76
Dönsk króna 19.026
Norsk króna 14.145
Sænsk króna 13.163
Svissn. franki 143.82
Japanskt jen 1.0081
SDR 184.12
Evra 141.5
Meðalgengi/Viðskiptavog þröng 176.0208
« Gamla Byr eignarhaldsfélagi ehf. hef-
ur verið slitið og skilanefnd kjörin yfir
félagið. Eins og nafnið gefur til kynna er
um að ræða félag sem heldur utan um
rekstur sparisjóðsins Byrs sem féll í
fjármálakrísunni haustið 2008. Stefán
Árni Auðólfsson lögmaður hefur verið
skipaður formaður skilanefndar og hef-
ur birt auglýsingu í Lögbirtingablaðinu
þar sem skorað er á þá sem telja sig
eiga kröfu á félagið að lýsa þeim kröf-
um. Fundur til að fjalla um kröfur á
hendur félaginu verður haldinn á skrif-
stofu LMG Lögmanna slf., miðvikudag-
inn 9. nóvember nk.
Gamla Byr slitið og
auglýst eftir kröfum