Morgunblaðið - 10.09.2022, Síða 14

14 FRÉTTIR
Innlent
MORGUNBLAÐIÐ LAUGARDAGUR 10. SEPTEMBER 2022
Við viljum styðja við sjálfsprottið
starf, starfsemi frjálsra félagasamtaka
og framtak einstaklinga
Sem stuðlar að farsælli þróun borgarsamfélagsins,
auknum lífsgæðum og fjölbreyttu mannlífi
Styrkir eru m.a. veittir til verkefna á eftirtöldum sviðum:
• félags- og velferðarmála
• skóla- og frístundamála
• íþrótta- og æskulýðsmála
• mannréttindamála
• menningarmála
Umsóknir eru rafrænar, sótt er um á www.reykjavik.is/styrkir
Umsóknarfrestur er frá 12. september til 12. október kl. 12.00 á hádegi.
Gert er ráð fyrir að úthlutun styrkja verði lokið í ársbyrjun 2023.
Nánari upplýsingar: styrkir@reykjavik.is
Vilt þú sækja um styrk
hjá borginni?
English
The City of Reykjavík is currently accepting grant applications for the 2023
fiscal year. The goal of this grant program is to encourage and strengthen
cooperation with non-profit organizations, individuals, and businesses, in
constructive activities and services. In accordance with the City´s policies
and priorities. Grants will be awarded for projects in the following fields:
• social and welfare
• education and leisure
• sports and youth
• human rights
• culture
To apply go to: www.reykjavik.is/en/grants
The application deadline is at 12:00 pm on October 12th 2022.
Allocation of grants will be completed at the beginning of 2023.
More information: styrkir@reykjavik.is
Wiecej informacji: styrkir@reykjavik.is
Mynd Ragnar Th.
Umhverfis- og skipulagsráð Reykja-
víkur hefur samþykkt að 260 stæði á
54 stöðum víðs vegar um borgina
verði merkt sem bifreiðastæði sem
eingöngu eru ætluð bifreiðum í raf-
hleðslu. Tillagan hefur verið borin
undir og hlotið samþykki lögregl-
unnar á höfuðborgarsvæðinu.
Í greinargerð samgöngustjóra
með tillögunni segir að á síðustu ár-
um hafi verið lagður mikill metnaður
í uppsetningu rafhleðslustöðva við
bílastæði í Reykjavík. Þó nokkuð
hafi borið á því að ökutækjum með
brunahreyfli eða rafbílum sem ekki
þurfi rafhleðslu sé lagt í umrædd
stæði sem hefti aðgang ökutækja
sem þurfa rafhleðslu að stæðunum.
Til að bílastæðasjóður og lögregla
geti brugðist við slíku þurfi stæðin
að vera merkt sem eingöngu ætluð
bifreiðum til rafhleðslu í samræmi
við reglugerð um umferðarmerki og
samþykkt sem slík af skipulags- og
samgönguráði borgarinnar.
Tillagan nær til samtals 260
stæða. Hluti stæðanna er þegar í
rekstri en hluti er í undirbúningi og
væntanlega verði rekstur hleðslu-
stöðva þeirra boðinn út fljótlega.
Á síðasta ári var samþykkt að
merkja 64 stæði á 12 stöðum sem þá
voru í rekstri Reykjavíkurborgar
sem stæði eingöngu fyrir ökutæki
sem þurfa rafhleðslu.
Með þessari tillögu sé verið að
leggja til að merkja öll stæði með
rafhleðslustöðvar í borgarlandi eða á
lóðum borgarinnar, sem eru þegar í
rekstri eða þar sem rekstur slíkra
stæða verður boðinn út á næstunni.
sisi@mbl.is
Morgunblaðið/Sigurður Unnar
Rafbílar Til stendur að fjölga slíkum stæðum víðs vegar um borgina.
Borgin fjölgar
rafbílastæðum
- Borið hefur á því að bensínbílum sé
lagt í slík stæði - Verða nú sérmerkt
Helgi Bjarnason
helgi@mbl.is
Nýr fóðurprammi sem Arctic Fish
hefur keypt frá ScaleAQ mun þjóna
nýjasta kvíabóli fyrirtækisins, við
Hvestu í Arnarfirði. Nú er verið að
standsetja hann í höfninni á Þingeyri
en verður dreginn inn í Arnarfjörð
einhvern næstu daga. Pramminn var
pantaður til þess að þjóna væntan-
legu eldi Arctic í Ísafjarðardjúpi en
dregist hefur hjá yfirvöldum að af-
greiða umsóknir nokkurra fyrirtækja
um leyfi. Vonast er til að niðurstaða
fáist fyrir lok árs.
Nýi fóðurpramminn, sem fengið
hefur heitið Nónhorn og er sá fimmti
sem Arctic Fish kaupir, er einn best
útbúni fóðurprammi sem farið hefur á
flot. Hann tekur rúmlega 600 tonn af
fóðri í átta geyma og getur þjónað
fjölda kvía í einu.
Með rafhlöður
Hann er með búnað til að tengjast
rafmagni úr landi en er einnig búinn
rafhlöðum sem ljósavélar hlaða. Með
landstraumi þarf aldrei að keyra
ljósavélarnar. Það dregur úr mengun
og hávaða. Þegar rafhlöður eru not-
aðar er hægt að keyra orku inn á þær
með nokkurra klukkutíma keyrslu
ljósavéla í stað þess að keyra þær all-
an sólarhringinn eins og annars þarf
að gera.
Daníel Jakobsson, framkvæmda-
stjóri viðskiptaþróunar hjá Arctic
Fish, segir stefnt að því kaupa raf-
hlöður í alla fóðurpramma fyrirtækis-
ins og setja upp tengingar við raforku
úr landi þar sem það er hægt. Arctic
Fish og Orkubú Vestfjarða eru að
ljúka við tengingu niður í fjöru á Eyr-
arhlíð í Dýrafirði. Þangað fer fljótlega
fóðurprammi sem tengdur verður við
landstraum og ljósleiðara.
Ríkulega útbúinn
fóðurprammi
- Með rafhlöðu og landtengingu
Framfarir Dráttarbátur kemur með Nónhorn til Þingeyrar. Hann mun þjóna kvíabóli Arctic Fish í Arnarfirði.
Verktakinn Alma verk hyggst loka
Hverfisgötu við Rauðarárstíg í byrj-
un næstu viku eða frá Lögreglu-
stöðinni við Hlemm að Laugavegi.
Byrjað verður að loka götunni á
mánudaginn og verkið klárað á
þriðjudag.
Við þessa aðgerð lokast götus-
pottinn við Hverfisgötu 113-125
ásamt bílastæðum. Bríetartún verð-
ur áfram lokað á sama hátt. Verk-
efnið er hluti af endurgerð
Hlemmssvæðisins.
Framkvæmdir hafa gengið vel á
Rauðarárstíg frá Bríetartúni en
götulagnir eru endurnýjaðar þar, að
því er fram kemur á heimasíðu
Reykjavíkurborgar. Núverandi frá-
veitulögn verður endurnýjuð með
tvöföldu kerfi regnvatns og skolps.
Fyrirliggjandi heimæðar og niður-
föll verða tengd nýja kerfinu auk
nýrra svelgja í regnbeðum. Hluti
hitaveitulagna í götustæði verður
endurnýjaður.
Gatnamót við Bríetartún verða
upphækkuð og akstursrými afmark-
að með lágum tveggja og fjögurra
sentímetra háum kantsteini. Hönn-
un götu verður í einum fleti og akst-
ursrýmið hellulagt. Lokað var fyrir
Rauðarárstíg frá Bríetartúni við
upphaf framkvæmda og síðan unnið
út að Hverfisgötu. sisi@mbl.is
Hluta Hverfisgötu
lokað eftir helgi