Morgunblaðið - Sunnudagur - 09.10.2022, Blaðsíða 22

Á
Álftanesi býr
þúsundþjalasmið-
urinn Sigmundur
sem fellur aldrei
verk úr hendi, en
það er greinilega fátt sem hann
hefur ekki smíðað. Hús, húsgögn
og handverk; allt leikur í hönd-
unum á honum og á hann ekki
langt að sækja það.
Stól stolið af veitingastað
„Pabbi minn var smiður og ég
lærði hjá honum,“ segir Sigmund-
ur en smíðin gengur greinilega í
ættir því sonur Sigmundar og
barnabarn hafa lært hjá honum
handbragðið.
Sigmundur segist alltaf hafa
viljað verða smiður.
„Alveg frá upphafi, það var
aldrei neitt vafamál. Þetta er
fjölbreytt starf. Ég hef leyfi til
að taka læringa í húsgagna-
smíði því ég hef smíðað svo
mikið af borðum og stólum.
Ég innréttaði ýmsa
veitingastaði, eins og
Grillmarkaðinn, Loft-
ið í Austurstræti,
Ostabúðina og Sand-
holtsbakarí,“ segir Sig-
mundur og bendir á stól
og koll sem hann hefur
sjálfur hannað og smíðað.
Stólarnir hafa einmitt
verið notaðir á veitinga-
stöðum og eitt sinn kom
fyrir að gestur einn
reyndi að stela einum slíkum.
„Það var einn fullur á leið-
inni út með stól. Hann langaði
svo í hann,“ segir Sigmundur
og brosir út í annað.
„Svo er ég að smíða tvo bú-
staði fyrir austan en hér á
Álftanesinu hef ég smíðað sex
hús,“ segir Sigmundur, en hann
á og rekur fyrirtækið SVK. ehf.
Giftingarhringurinn hvarf
Sigmundur býður blaðamanni inn í
garðskála þar sem finna má alls
kyns muni sem hann hefur smíð-
að. Þar kennir ýmissa grasa en
Sigmundur smíðar þverslaufur,
kertastjaka, litlar skeiðar, bretti,
jólaskraut og jólatré, skálar og
bolla, svo eitthvað sé nefnt. Hann
er hógvær þegar blaðamaður
hrósar honum fyrir fallegt hand-
verk.
„Þetta er þjálfun. Þegar skrokk-
urinn fór aðeins að gefa sig lærði
ég að renna og hef gert það í
meira en tvo áratugi. Ég renni
alltaf eitthvað á hverjum degi. Ég
byrja daginn á
því og renni í svona klukkutíma og
svo byrja ég daginn. Stundum
enda ég líka daginn á því að
renna. Þetta er mjög mikil ná-
kvæmisvinna,“ segir Sigmundur
og segist eitt sinn hafa slasað sig
á hendi á spýtu sem hann var að
renna.
„Höndin bólgnaði öll upp og ég
vaknaði um nóttina og þá var gift-
ingahringurinnn að hverfa og fing-
urinn orðinn blár. Ég fór fram og
sagaði hringinn í sundur en náði
honum ekki af fyrr en ég tók sil-
ungakróka sem ég krækti hvor-
um í sinn endann og kippti í.
Það er ekkert mál að slasa
sig á þessu.“
Tólf tíma með slaufu
Handverkið selur Sigmundur
aðallega heiman frá sér, en
hann hefur sýnt og selt á sýn-
ingum á borð við Handverk og
hönnun, í Hrafnargili fyrir norð-
an, á jólamarkaði í Norræna hús-
inu og eins á jólamarkaði Skóg-
ræktarinnar við Elliðavatn. Hann
hyggst nota ágóðann af handverk-
inu til að geta notið lífsins á Tene-
rife með eiginkonunni á efri árum.
„Svo hef ég stillt þessu upp
hérna heima og fólk kemur bara.
Þetta fréttist,“ segir Sigmundur,
en sjá má handverkið á Insta-
gram-síðunni svk.ehf og á
Facebook undir sama nafni.
Sigmundur segir þver-
slaufur úr viði mjög
vinsælar, en mikil
vinna liggur að baki
hverri og einni.
„Það er tólf tíma
vinna að klára eina
slaufu, en þær eru
keyptar mikið í tæki-
færisgjafir,“ segir
hann og sýnir blaða-
manni slaufur úr öllum
mögulegum viðarteg-
undum.
„Ég er líka mikið að búa til
fyrir eldhús; skálar, sleifar, skeið-
ar, bretti og frönsk kökukefli,“
Mér leiðist aldrei!
Sigmundur V. Kjartansson er sannkallaður þúsundþjalasmiður. Þegar
hann er ekki að smíða hús eða húsgögn, tálgar hann og rennir í erg og
gríð. Ágóðann af handverkinu ætlar hann að nota til að ferðast.
Ásdís Ásgeirsdóttir asdis@mbl.is
Sigmundur tálgar eina til tvær skeiðar á dag, í ýmsan við.
Þessi stóll er hannaðar af
Sigmundi, en eitt sinn var
reynt að stela einum slíkum.
Hálsmen úr hvala-
tönnum eru flott!
Slaufurnar hans Sigmund-
ar eru vinsælar tækifæris-
gjafir. Hann er tólf tíma að
tálga eina slíka.
Lítil skartgripaskrín eru unnin úr rekavið.
’
Höndin bólgn-
aði öll upp og ég
vaknaði um nóttina
og þá var giftinga-
hringurinnn að
hverfa og fingurinn
orðinn blár. Ég fór
fram og sagaði
hringinn í sundur
en náði honum ekki
af fyrr en ég tók
silungakróka sem
ég krækti í hvorum
í sinn endann
og kippti í.
22 MORGUNBLAÐIÐ SUNNUDAGUR 9.10. 2022
HANDVERK