Víkurfréttir - 04.05.2022, Síða 16

Fyrir gjaldfrjálsar skóla-
máltíðir í Reykjanesbæ
Margrét Þórarinsdóttir, bæjarfulltrúi,
skipar 1. sæti Umbótar X-U.
Bæjarstjórn Reykjanesbæjar sam-
þykkti árið 2020 að innleiða Barna-
sáttmála Sameinuðu þjóðanna. Í fram-
haldi undirritaði bærinn síðan sam-
starfssamning um Barnvænt sveitar-
félag. Í samningnum segir: „Að sveitar-
félag innleiði Barnasáttmálann þýðir
að það samþykki að nota sáttmálann
sem viðmið í sínu starfi og að for-
sendur sáttmálans gangi sem rauður
þráður gegnum starfsemi þess“. Í grein
tvö segir „öll börn eru jöfn“ jafnræði -
að horft sé til réttindi barna. Í grein 27
segir „næring föt og heimili“.
Að öll börn séu jöfn þýðir að öll
börn eiga að geta neytt matar í skólum
Reykjanesbæjar óháð efnahag foreldra.
Undirrituð hefur ítrekað lagt fram fyr-
irspurnir, bókanir og tillögur varðandi
gjaldfrjálsan eða niðurgreiddan skóla-
mat fyrir fjölskyldur í Reykjanesbæ.
Tillögum mínum hefur verið mætt af
áhugaleysi og jafnvel hroka af hálfu,
Framsóknar, Samfylkingar og Beinnar
leiðar. Hins vegar hefur árangur náðst
um systkinaafslátt þegar kemur að
þriðja barni og aukin niðurgreiðsla
eftir fjölda barna. Kjarnafjölskyldur
Reykjanesbæjar eiga tvö börn og því
þurfa þau að greiða fullt gjald. Það á
að stíga skrefið til fulls. Það lýtur að
jafnræði barna í skólakerfinu að hafa
aðgang að hollum skólamat óháð efna-
hag. Meirihlutinn innleiðir Barnasátt-
málann og á vefsíðu Reykjanesbæjar er
fjallað um að skólamatur sé lýðheilsu-
mál. Á sama tíma hefur meirihluti
Framsóknar, Samfylkingar og Beinnar
leiðar ítrekað fellt tillögur mínar um
gjaldfrjálsar skólamáltíðir fyrir grunn-
skólabörn.
Hverjum treystir þú best til að
innleiða gjaldfrjálsar skólamáltíðir í
Reykjanesbæ?
Fáránleg fyrirsögn
Hannes Friðriksson, íbúi í Reykjanesbæ
og situr í 15. sæti á lista Beinnar leiðar.
Mér finnst gaman að sterkum fyrir-
sögnum en finnst líka að þá þurfi eitt-
hvað marktækt að vera á bak við þær.
Guðbergur Reynisson skrifar ágætis
grein um skoðanir sínar á umferðar-
málum í Reykjanesbæ og hvernig hann
sjái fyrir sér hvernig hægt væri að bæta
úr. Ekki er ástæða til að gera athuga-
semd við þann hluta greinarinnar en
full ástæða til að fjalla aðeins um val
hans á fyrirsögn og sanngirnina sem
að baki henni liggur.
Ekkert verið framkvæmt í 10 ár
Það er ljóst að með auknum íbúafjölda
hefur álagið á umferðarmannvirki bæj-
arins aukist og hætturnar um leið. Við
getum öll sameinast um að eitt af stóru
verkefnunum framundan er að gera
gatnakerfið okkar sem öruggast og ef-
laust eru margar hugmyndir Guðbergs
gott innlegg í þá umræðu en að ekkert
hafi verið gert undanfarinn 10 ár er
beinlínis rangt og í meira lagi ósann-
gjarn málflutningur. Fyrirsögnin er því
miður bara pólitísk keila, án innihalds.
Hvað hefur verið gert?
Burtséð frá uppbyggingu nýrra hverfa í
bænum er ljóst af ársreikningum bæjar-
ins að hundruðum milljóna hefur verið
varið til styrkingar umferða kerfisins í og
við bæinn, hluti af þeim framkvæmdum
hefur verið unnið í samvinnu við Vega-
gerðina, sem hefur fjármagnað þær
framkvæmdir að stærstum hluta en
með mótframlagi frá Reykjanesbæ. Því
miður hefur fjárhagsgeta bæjarins ekki
verið sú að unnt hafi verið að ráðast í
allar þær framkvæmdir sem svo æskilegt
hefði verið, af ástæðum sem Guðbergi
ættu að vera vel kunnugar.
• Byggt hefur verið hringtorg á
mótum Aðalagötu og Reykjanes-
brautar (Aðaltorg).
• Byggt hefur verið hringtorg á
mótum Þjóðbrautar og Reykjanes-
brautar.
• Byggð hafa verið undirgöng við
Fitjar, nýtt hringtorg við Fitjar, og
nýr vegur frá því hringtorgi upp
að Ásbrú og með tengingu við
Reykjanes.
• Unnið hefur verið að endurbótum
á Hafnargötu, þar þurft hefur að
skipta út skrauthellum íhaldsins
fyrir varanlegt gatnaefni.
• Unnið hefur verið að viðhaldi
gatnakerfisins.
• Unnið hefur verið að umferðar-
greiningu fyrir bæjafélagið, með
framtíðarbreytingar í huga.
• Unnið hefur verið að uppbyggingu
hjóla og göngustíga, sem er mikil-
vægur hlekkur í umferðaröryggi
barna og ungmenna, um leið og
þeir skapa fjölbreytta möguleika
til útivistar.
Nú geta sumir sagt þessar hluti þessar
framkvæmda sé á forræði Vegagerðar-
innar og greiddar af þeim. Það er ekki
rétt þar sem við hvert og eitt þess-
ara hringtorga hefur bærinn þurft að
greiða sinn stút út úr hverju hringtorgi
af takmörkuðu framkvæmdarfé sem
hefur því miður verið í kringum 200–
300 milljónir á ári.
Hvað er framundan?
Það er ljóst að eitt af stóru verkefnum
framtíðarinnar er að ná tökum á stöð-
ugt vaxandi umferðarþunga, sem
bæði orsakast af fjölgun ferðamanna
og fjölgun íbúa. Við eigum að samein-
ast um að leysa það svo vel sem unnt
er um leið og við tölum ekki niður það
sem vel hefur verið gert. Að byggja
upp gott samfélag þar sem öryggi allra
er gætt er langtímaverkefni þar sem
stöðugt þarf að bregðast við. Það hefur
verið gert. Sameinumst um að hafa
umræðuna málefnalega og forðumst
umræðu sem ekki á við rök að styðjast.
Með sumarkveðju.
Vissir þú þetta um Innri-Njarðvík?
Sverrir Bergmann Magnússon,
skipar 3. sæti S-lista Samfylkingarinnar og óháðra.
Sigurrós Antonsdóttir,
skipar 4. sæti S-lista Samfylkingarinnar og óháðra.
Vissir þú að á kjörtímabilinu sem nú er
að ljúka var Stapaskóla byggður, glæsi-
legur skóli og byggður á hagkvæman
hátt, í raun ódýrasti skóli sem byggður
hefur verið undanfarin ár á Suðvest-
urhorninu? Skóli með flott útisvæði
sem allir íbúar bæjarins geta sannar-
lega verið stoltir af. Og vissir þú að
við tókum ekki lán til að byggja hann?
Bærinn átti fyrir honum!
Vissir þú að nú er í byggingu við
Stapaskóla íþróttahús með frábærri
aðstöðu til íþróttaiðkunar, með lög-
legum velli fyrir körfubolta með plássi
fyrir 1.200 áhorfendum í sæti? Íþrótta-
félagið á eftir að ná fleirum áhorf-
endum inn á körfuboltaleiki til að afla
meiri tekna.
Vissir þú að sundlauginni sem verið
er að byggja við Stapaskóla var breytt
og hún stækkuð frá upprunalegum
hugmyndum? Sundlaugin verður 25
metra löng sem stuðlar að frekari upp-
byggingu okkar annars frábæra hóps
ungs íþróttafólks hér í Reykjanesbæ.
Hún verður hverfislaug með heitum
pottum – opin fyrir almenning og auð-
vitað fyrir fólkið í hverfinu.
Hverfismiðstöðin Stapaskóli
Vissir þú að Stapaskóli verður okkar
þjónustumiðstöð í hverfinu með
íþróttahúsi, almenningssundlaug og
bókasafni sem verður opið öllum?
Vissir þú af uppbyggingunni í Dals-
hverfi 3 þar sem hönnun og skipulag er
til fyrirmyndar, með djúpgámum fyrir
endurvinnslu og blágrænu ofanvatns-
lausnum? Mikil aðsókn var í lóðirnar
og hverfið greinilega eftirsóknarvert
fyrir fólk að búa í – eins og Innri-Njarð-
vík öll!
Vissir þú að nú er tækifæri til að
tengja hverfið okkar við útivistarp-
aradísina Sólbrekkuskóg við Seltjörn?
Á teikniborðinu er hjóla- og göngu-
stígur frá enda Strandleiðarinnar til
Seltjarnar og búið er að tryggja 70
milljónir frá Vegagerðinni. Það verður
frábært fyrir okkur að taka göngutúr
eða hjólatúr þangað.
Vissir þú að grenndarstöðvar eru
í öllum hverfum þar á meðal tvær
í Innri-Njarðvík en Reykjanesbær
brenndi allt rusl þegar við Jafnaðar-
menn tókum við árið 2014?
Fleiri leikskólapláss í Innri Njarðvík
Vissir þú að við höfum fest kaup á
leikskóla sem rís snemma árs 2023
í Dalshverfi 3 og að auka á við leik-
skólapláss við leikskólann Holt – og við
munum klára að byggja leikskólann við
Stapaskóla á næstu árum?
Vissir þú líka að fyrir átta árum voru
hvatagreiðslurnar 7.000 kr. en hafa
hækkað í 45.000 kr. og við ætlum að
hækka enn meira þessa tölu? Allt fyrir
börnin okkar og eldri borgara en við
ætlum að koma á hvatagreiðslum fyrir
þá líka.
Vissir þú að við viljum hafa hlutina
í lagi?
Framtíðaraðstaða við Afreksbraut
Eva Stefánsdóttir, formaður íþrótta- og tómstundaráðs Reykjanesbæjar
og skipar 18. sæti á lista Framsóknar í Reykjanesbæ fyrir sveitarstjórnarkosningarnar.
Afreksbrautin er íþróttamiðja bæjar-
ins og býður upp á mikil tækifæri til
uppbyggingar fyrir íþróttahreyfing-
una. Árið 2019 var framtíðin björt og
stefnumótun íþrótta- og tómstunda-
ráðs leit dagsins ljós, fyrst á dagskrá
var gervigrasvöllur bak við Reykja-
neshöllina sem heppnaðist með ein-
dæmum vel. Á sama tíma voru teknar
stórar ákvarðanir varðandi uppbygg-
ingu keppnisvallar og sundlaugar í
Innri-Njarðvík, það hyllir undir lok
þeirra framkvæmda og stutt í að sam-
félagið allt muni njóta þeirra gæða sem
felast í því.
Í dag er aðstaðan fyrir knattspyrnu-
deild UMFN óviðunandi. Mikill vöxtur
hefur verið í knattspyrnudeildinni síð-
astliðin ár en í sumum tilfellum hefur
deildin ekki búningsklefa til afnota
fyrir aðkomulið. Þetta þarf að laga.
Í Reykjanesbæ er einnig starfandi
fimleikahús sem er löngu hætt að sinna
þörfum sívaxandi deildar. Húsnæðið
uppfyllir ekki kröfur
Fimleikasambands-
ins fyrir Íslandsmót og hindrar tekju-
möguleika deildarinnar. Afleiðingarnar
eru meira álag á sjálfboðaliða sem
þurfa að afla tekna á annan máta.
Þessar tvær deildir eru ekki með að-
stöðu til framtíðar.
Á næstu mánuðum þarf leggja
áherslu á framtíðarsýn og klára deili-
skipulag svæðisins. Hættum að ræða
hlutina og byrjum að framkvæma.
Af leikskólamálum
Jónína Magnúsdóttir, skipar 1. sæti Bæjarlistans í Suðurnesjabæ.
Fyrrverandi formaður skólanefndar Garðs 2014–2018.
Núverandi aðalmaður í fræðsluráði Suðurnesjabæjar.
Ástæðan fyrir því að við fullorðna
fólkið erum beðin um að setja súrefnis-
grímuna á okkur fyrst í flugvél áður en
við setjum hana á börnin er einföld, ef
þú ert ekki með súrefnið þá er líklegra
að þú getir ekki hjálpað barninu. Líðan
og aðstæður fullorðna hafa áhrif á börn
meðvitað og ómeðvitað. Umönnunar-
stéttir eins og kennarar og hjúkrunar-
fræðingar eru líklegri til að brenna út
í starfi.
Miklar kröfur eru gerðar til starfs-
fólks í leikskólum. Til þess að ráðast að
rótum vandans er mikilvægt að draga
úr kröfum sem gerðar eru á starfsfólk,
því of miklar kröfur draga úr stjórn við-
komandi á starfinu. Ein meginástæða
þess að fólk brennur út í starfi er að
það finnur að það hefur ekki stjórn. Því
er mikilvægt að gefa fólki fleiri mögu-
leika og aðstæður þar sem það getur
haft stjórn á starfi sínu. Síðast en ekki
síst er mikilvægt að veita starfsfólki
stuðning í starfi. Ef þú finnur fyrir
samkennd og tilfinningalegum stuðn-
ingi ertu líklegri að finnast þú frekar
vera við stjórn.
Það er hagsmunamál fyrir börnin
okkar að starfsfólki líði vel í starfi og
geti þar af leiðandi sinnt gæðamenntun
og þjónustu við börnin okkar. Hags-
munir starfsfólks og barna fara saman
að þessu leyti.
Mönnun hefur ávallt verið áskorun
fyrir leikskólastigið og nú er svo komið
að hann er orðinn raunverulegur og
á sumum stöðum á landinu farinn
að bitna verulega á þjónustunni. Þá
þurfum við að horfast í augu við að
mögulegar ástæður mönnunarvanda
geta verið starfsaðstæður og álag.
Við á Bæjarlistanum viljum sjá raun-
verulegan stuðning við starfsfólk sem
vinnur með börnunum okkar í formi
gagnvirkrar handleiðslu. Við höfum
sett það í stefnuskrá okkar að vinna að
því í samstarfi við stjórnendur stofn-
ana að skoða í hvernig formi sá stuðn-
ingur gæti komið hvað best út fyrir
starfsfólk. Einnig að koma á vinnuhópi
sem finnur leiðir til að fjölga fagmennt-
uðu starfsfólki leikskólanna ásamt því
að greina starfsaðstæður og bæta úr
þeim. Með því erum við ekki að segja
að starfsaðstæður og líðan starfsfólks
séu slæmar. Þessar leiðir sem hér eru
nefndar eru til þess fallnar að vera
fyrirbyggjandi og draga úr mönnunar-
vanda.
Að því sögðu viljum við einnig koma
því á framfæri að við viljum finna leiðir
til að veita dagvistunarpláss frá því að
fæðingarorlofi lýkur.
Við á Bæjarlistanum leggjum mikla
áherslu á fræðslumál í okkar stefnu-
skrá. Við höfum þekkingu, hæfni og
forystu til að halda vel utan um þann
málaflokk í Suðurnesjabæ.
Málfundafélagið Faxi í Reykjanesbæ
hélt framboðsfund í Stapa í samstarfi
við Víkurfréttir og Reykjanesbæ sl.
mánudagskvöld. Þar kynntu öll framboð
í Reykjanesbæ framboð sín og fyrir
hvað þau standa. Hraðaspurningar
voru lagðar fyrir frambjóðendur
um ýmis kosningamál og þá gafst
frambjóðendum einnig tækifæri til að
spyrja mótframbjóðendur um hin ýmsu
mál. Fundurinn tókst vel en hann stóð
í tvær klukkustundir og var streymt á
vefsíðu Víkurfrétta og á fésbókinni.
Snjöll leið
til að horfa
á fundinn!
16 // víkurFrÉttir á SuðurNESJuM