Víkurfréttir - 04.05.2022, Blaðsíða 17

Gerum góðan bæ
enn betri
Sverrir Auðunsson,
skipar 2. sæti á lista Framsóknar í Grindavík.
Grindavík! Sjávarbærinn sem nær ekki
að bjóða sjómönnum sínum örugga
innsiglingu á erfiðum vetrardögum
þegar öldurnar láta til sín taka. Íþrótta-
bærinn sem bíður sínum iðkendum
upp á heimaleiki í meira en 40 km fjar-
lægð þar sem fótboltavellir bæjarins
eru undir ákveðnum regluviðmiðum.
Fjölskyldubærinn sem fælir fjölskyldur
til nærliggjandi sveitarfélaga til þess að
eiga notalega stund saman í barnvænu,
öruggu og hlýju sundumhverfi.
Ársreikningar Grindavikurbæjar
árið 2021 sýnir glögglega hagstæðu af-
komu bæjarins enn eitt árið. Nokkrir
bæjarstjórnarmenn gengu nýlega í
pontuna og lýstu yfir stolti sínu á
ársreikningnum – réttilega að mínu
mati. En það eigum við einnig, kæru
Grindvíkingar, að vera og það af okkur
sjálfum og starfsmönnum bæjarins
sem láta verkin tala og sýna aðgát í
rekstri með okkar framlagi til Grinda-
víkurbæjar.
Grindavíkurbær er fjölmennasti
atvinnurekandi í Grindavík og það án
þess að vera með starfsgildið mann-
auðsstjóra. Því þurfum við að breyta,
við þurfum sviðstjóra sem sýnir mann-
auðsmálum bæjarins jafn mikla athygli
og fjármálastjóri sýnir kostnaðarliðum.
Það eru starfsmenn bæjarins sem
tryggja og framkvæma m.a. lögbund-
inni þjónustu til bæjarbúa. Við þurfum
að hlúa betur að starfsmönnum bæj-
arins með því að auka fjárfestingu í
þeirra starfsumhverfi, starfsþróun og
starfsgildum.
Ég trúi að fjárfestingarnar í mann-
auð Grindavíkurbæjar sé lykillinn í
að bæta þjónustu og innviði bæjar-
ins. Við erum með örugga höfn sem
veitir framúrskarandi þjónustu til
stærstu atvinnugreinar Grindavíkur
en með aðstoð ríkisins er nauðsyn-
legt að við séum að skoða leiðir sem
tryggir öruggari innsiglingu fyrir alla
báta og skip sem vilja sækja höfnina
í Grindavík. Við höfum verið að fjár-
festa í íþróttamannvirkjum á svæðinu
en það er ljóst að það er enn verk að
vinna svo allir heimaleikir séu leiknir í
Grindavík og sundlaugarsvæðið sam-
ræmist væntingum bæjarbúa.
Samfélagið okkar samanstendur af
mörgum ólíkum einstaklingum sem
allir hafa sína sögu að segja en það er
einmitt þessi fjölbreytileiki sem gerir
okkar samfélag bara litríkara. Margir af
þessum einstaklingum kjósa að standa
á hliðarlínunni á meðan aðrir gefa kost
á sér í verkin. Þrátt fyrir það er mikil-
vægt að við tryggjum að við virðum
hvoru tveggja og sýnum hvert öðru
virðingu. Þó svo að okkar hugmyndir,
skoðanir og/eða aðferðir séu ólíkar er
ég viss um við eigum sameiginlega sýn
og það er að bæta Grindavíkurbæ.
Framundan eru breytingar á bæjar-
stjórninni og langar mig að þakka þeim
sem frá hverfa fyrir sitt framlag, þið
eigið hrós skilið fyrir vel unnin störf.
Takk! Ef ég er svo lánsamur að taka
sæti í bæjarstjórn fyrir hönd Fram-
sóknar mun ég þurfa aðstoð. Ég mun
biðja um hjálp, ég vona að hjálparhönd
verði mér veitt þegar ég bið um hana.
Ef ég er ekki að skilja málefnið nógu
vel má útskýra það aftur fyrir mér
svo ég geti öðlast betri skilning. Við
munum ekki alltaf vera sammála en
ég mun bera virðingu fyrir skoðunum
annarra. Þegar góðir hlutir gerast mun
ég hrósa þeim sem koma að málinu og
jafnframt veita uppbyggilega endurgjöf
til þeirra þegar hlutirnir ganga hægt
eða hreinlega ekki upp. Ég hleyp ekki
frá ábyrgð, ég hef og er ávallt tilbúinn
að axla og fagna ábyrgð. Mig langar
að vera virkur og taka þátt í að bæta
okkar samfélag, verum saman í liði, það
þarf heilt samfélag til að gera Grinda-
vík að enn betri bæ.
Stuðningur við
jaðarsetta hópa
Ragnhildur L. Guðmundsdóttir,
oddviti Pírata og óháðra í Reykjanesbæ.
Þegar unnið er með fólk og jafnvel
inni á þeirra heimilum er mikilvægt
að starfsfólk finni hversu mikils virði
það er og fái þjálfun í mannlegum sam-
skiptum. Aðgát skal höfð í nærveru
sálar. Það er einnig hverjum manni
hollt að líta í eigin barm og skoða
hvort maður sé ekki sjálfur með bjálk-
ann í eigin auga þegar flís náungans
er skoðuð. Mér fannst a.m.k. rosaleg
sú naflaskoðun sem ég þurfti sjálf að
fara í en ég hefði aldrei trúað því að
óreyndu að ég væri sjálf með fordóma
gagnvart örorku enda sjálf 60% öryrki
eftir vinnuslys sextán ára gömul.
Ég, undirrituð, gerði eigindlega MA-
rannsókn árið 2015 þar sem ég skoð-
aði hvernig öryrkjar upplifðu félags-
lega kerfið og sjúkratryggingar Íslands
(TR) Það kemur og fram í viðtölunum
hversu mikilvægt það er að allar stofn-
anir samfélagsins, skólakerfið og heil-
brigðiskerfið vinni saman að heill og
hamingju einstaklinganna. Sú stífni
sem virðist endurspeglast í sam-
skiptum við stofnanir hlýtur að vera
eitthvað sem ráða þarf bót á enda held
ég að kerfið hafi átt að þjónusta fólk en
ekki snúast upp í andhverfu sína. Það
þarf að koma til hvatning frá kerfinu til
fólksins til þess að bæta stöðu sína en
ekki ætti að vera ætlunin að refsa fólki
fyrir sjálfsbjargarviðleitni enda hlýtur
það að verða hagur alls samfélagsins
að hjálpa sem flestum að komast út á
vinnumarkað, hjálpa fólki til þess að
hjálpa sér sjálft og verða fullgildir sam-
félagsþegnar. Atvinnuleysi og jafnvel
í framhaldi þess, örorka fólks hefur í
för með sér töluvert minni fjárráð, fólk
sem fær bætur til þess að komast af
hefur ekki efni á því að stunda nám
í framhaldsskóla, hefur jafnvel ekki
tök á námslánum þar af leiðir er þessi
staða fólks hindrun þegar kemur að
því að reyna að bæta stöðu sína með
menntun við hæfi. Þeir sem eru með
geðrænan vanda og fá endurhæfingu
innan heilbrigðiskerfisins eru oft taldir
skorta getu til að taka eigin ákvarðanir
eða taka „rétta“ ákvörðun að mati sér-
fræðinga. Skjólstæðingar fá því ekki
að taka þátt í ákvörðunum um eigin
meðferð, fá kannski að ákveða mat-
seðil sinn en ekki meðferðarforminu.
Þessi afstaða sérfræðinga heldur skjól-
stæðingunum í enn lengra sambandi
við sérfræðingana/stofnanir þar sem
þeir læra ekki færni til að taka eigin
ákvarðanir. Það getur enginn orðið
sjálfstæður ef hann öðlast ekki færni
til að taka mikilvægar ákvarðanir er
snerta líf þeirra sjálfra. Merkingar-
bært val er ekki aðeins val um „ham-
borgara eða pylsur“ eða „heita pottinn
eða sund“. Ef skjólstæðingurinn vill
salat eða fá að fara á bókasafn er hann
óheppinn, hefur ekki val um annað en
það sem sérfræðingarnir bjóða. Í not-
endastýrðri þjónustu þar sem valdefl-
ing er lykilatriði fær skjólstæðingurinn
einmitt það val að taka ákvörðun sem
hann vill og hentar honum, þarf ekki
að taka mið af óskum sérfræðinganna.
Von er mikilvægur þáttur í skil-
greiningu á valdeflingu. Sá sem er von-
góður trúir á mögulegar breytingar í
framtíðinni og eigin árangur, án vonar
getur það virst tilgangslaust að reyna.
Skjólstæðingar sem tjá reiði sína eru
oft greindir af sérfræðingum, að vera
„í kvíðakasti“ eða „stjórnlausir“. Jafnvel
þegar reiði er lögmæt og myndi teljast
svo hjá „heilbrigðum“ einstaklingi og er
enn eitt dæmið um það hvernig jákvæð
gæði verður neikvætt þegar maður
greinist með geðrænan vanda. Skjól-
stæðingar þurfa tækifæri til að læra
um reiði, til að tjá hana á öruggan hátt
og til að viðurkenna takmarkanir sínar.
Mikilvægur þáttur í skilgreiningu okkar
er að tilheyra hóp. Það er nauðsynlegt
að gera sér grein fyrir að valdefling er
ferli sem hefur að gera með að upplifa
tengsl við annað fólk. Það er ekki að-
eins einn sem kemur og „lagar allt“ og
hverfur svo á braut heldur er það sam-
eiginlegt verkefni hópsins. Valdefling
er meira en bara „tilfinning“ eða „líðan“,
hún er undanfari breytinga. Þegar
skjólstæðingurinn upplifir meira vald,
finnst honum eða henni vera meira ör-
yggi og upplifir meiri færni. Þessi staða
leiðir til aukinnar getu til að stjórna
eigin lífi, sem leiðir til enn meiri og
betri sjálfsmyndar.
Við höfum úrræði fyrir takmarkaðan
hóp fólks með geðrænan vanda sem er
Björgin en sá staður hentar ekki öllum
þeim einstaklingum sem þurfa sérstakt
úrræði í endurhæfingu sinn og til þess
að losna úr félagslegri einangrun sem
það hefur sett sig í vegna úrræðaleysis
í heilbrigðiskerfinu utan höfuðborgar-
innar, við erum EKKI að sinna öllum
sem þurfa sérhæfða heilbrigðisþjón-
ustu sem gæti þó verið veitt af þver-
faglegu teymi heilbrigðisstofnunar og
félagsþjónustu.
Ég tel að við eigum að kortleggja
stöðu þessa hóps, hvar liggja styrk-
leikar þess og er mögulegt að virkja þá
og styðja til náms þar sem hæfnin og
getan er til staðar.
Við í Pírötum og óháðum viljum
að þessi kerfi tali saman og kortleggi
þarfir þessa hóps og klæðskerasníði
úrræði sem hentar fólkinu því það er
jú fólkið sem á að nýta þjónustuna en
ekki sá sem skipuleggur hana þ.e. sér-
fræðingurinn.
Þú skiptir máli!

KJÖRFUNDUR
vegna sveitarstjórnarkosninga í
Sveitarfélaginu Vogum 14. maí 2022

Kjörfundur hefst kl. 10:00 og lýkur kl. 22:00

Kosið verður í Stóru-Vogaskóla, Tjarnargötu 2,
gengið inn frá leikvelli

Kjörskrá vegna sveitarstjórnarkosninga liggur frammi almenningi til sýnis á
bæjarskrifstofu Sveitarfélagsins Voga fram að kjördegi.

Sérstök athygli er vakin á að kjósandi sem ekki hefur meðferðis
persónuskilríki getur átt von á að fá ekki að greiða atkvæði.

Kjörstjórn Sveitarfélagsins Voga
Í nútímasamfélagi hefur ákveðinn hluti
samskipta og þjónustu færst yfir á
netið og samfélagsmiðla og fréttir eru
aðgengilegar allan sólarhringinn á net-
miðlum. Símar og spjaldtölvur gegna
stærra og stærra hlutverki í daglegu lífi
okkar og sífellt bætast við nýjar leiðir
til samskipta og fréttaflutnings. Þetta
er gjörbreyttur veruleiki frá því sam-
félagi sem eldra fólk ólst upp við og
lifði við á fullorðinsárum sínum. Sjálfur
er ég 45 ára og ólst upp við sveita-
síma fyrstu ár ævinnar en svo tók
sjálfvirki síminn við og við þekkjum
framhaldið. Breytingarnar eru ótrú-
lega miklar á ekki lengri tíma. Þó svo
að meirihluti eldra fólks eigi tölvur eða
snjalltæki og noti reglulega þá upplifa
sum þeirra aukna einangrun meðal
annars vegna þessara samfélagsbreyt-
inga. Sumt eldra fólk getur ekki nýtt
tæknina eða þá möguleika sem henni
fylgja og verður þá af afþreyingu, sam-
skiptum við fjölskyldu og vini og getur
ekki nýtt sér þá þjónustu sem möguleg
er á netinu.
Ný námskeið í tæknilæsi fyrir eldra fólk
Í kjölfar útboðs Ríkiskaupa, höfum við
í félags- og vinnumarkaðsráðuneytinu
undirritað samninga við átta fræðslu-
aðila um allt land um kennslu í tölvu-
læsi fyrir eldra fólk. Markhópurinn
er fólk eldra en 60 ára sem vill þiggja
námskeið í tæknilæsi á snjalltæki, eins
og spjaldtölvur og snjallsíma. Um er að
ræða sérsniðna kennslu sem hjálpar
eldra fólki að nýta sér þjónustu og raf-
ræn samskipti á netinu með það að
markmiði að draga úr félagslegri ein-
angrun, njóta afþreyingar á netinu og
auka notkun á þjónustusíðum.
Námskeiðin fela þannig í sér kennslu
í notkun rafrænna skilríkja og vef-
síðna sem nota þau, heimabanka, net-
verslun og fræðslu vegna samfélags-
miðla og efnisveitna. Þá verður farið
yfir notkun á tölvupósti og önnur raf-
ræn samskipti.
Námskeiðin verða haldin víða og
í hverjum landshluta. Gengið hefur
verið frá samningi við Miðstöð sí-
menntunar á Suðurnesjum sem mun
annast námskeið á Suðurnesjum.
Drögum úr einangrun eldra fólks
Ekkert kemur í staðinn fyrir bein
samskipti við fólk, en nútímasam-
félag býður upp á svo marga fleiri og
gefandi samskiptamáta, auk allrar
Frá sveitasíma
til snjalltækis
Guðmundur Ingi Guðbrandsson, félags- og vinnumarkaðsráðherra.
þeirrar þjónustu, frétta og fróð-
leiks sem hægt er að sækja með
nýrri tækni, og geta létt okkur
lífið. Það er mikilvægt að draga
úr einangrun og einmanaleika
fólks og ég hvet fólk eindregið
til að nýta sér þessa þjónustu til
að öðlast meiri færni á tækniöld
nútímasamfélags. Ég hlakka til
að sjá viðbrögðin og hvernig við
getum lært af þessu verkefni til
að draga enn frekar úr félagslegri
einangrun eldra fólks.
Skil á aðSENdu EFNi
í kOSNiNgablað vF
Greinar og annað aðsent efni sem óskað er
að birtist í Víkurfréttum þarf að hafa borist
ritstjórn fyrir hádegi mánudags á netfangið
vf@vf.is
víkurFrÉttir á SuðurNESJuM // 17