Víkurfréttir - 04.05.2022, Side 18

Byggjum upp atvinnulífs-
kjarna í Reykjanesbæ
Sighvatur Jónsson, 6. sæti B-lista Framsóknar í Reykja-
nesbæ fyrir sveitarstjórnarkosningar 14. maí næstkomandi.
Við fjölskyldan fluttum í Dalshverfi í
Innri-Njarðvík sumarið 2018 skömmu
eftir síðustu sveitarstjórnarkosningar.
Eitt af síðustu verkunum á æskuslóð-
unum í Vestmannaeyjum þá var ein-
mitt að kjósa. Þegar við komum til
Reykjanesbæjar blasti enn við kynn-
ingarefni Framsóknar fyrir kosning-
arnar. Brosmild og einbeitt andlit fram-
bjóðenda horfðu til mín undir slagorð-
inu: „Við getum gert það!“
Ekki datt mér í hug þá að tæpum
fjórum árum síðar yrði mér boðið að
taka sæti á lista með þessu sama fólki
og fleiri öflugum fulltrúum Framsóknar
í Reykjanesbæ. Þegar leitað var til mín
fyrr í vetur spurði ég mig að tvennu:
Hvað hef ég lært af því að búa í Reykja-
nesbæ og hvað hef ég fram að færa til
starfa fyrir sveitarfélagið?
Kröftugt og fjölbreytt atvinnulíf
Þegar ég flutti til Reykjanesbæjar
vann ég á útvarpsstöðinni K100 og
síðar sem fréttamaður á Stöð 2, Vísi
og Bylgjunni. Ég fjallaði um málefni
Reykjanesbæjar og kynntist öflugu at-
vinnulífi við Keflavíkurflugvöll sem
getur að sama skapi verið viðkvæmt,
samanber áhrifin af falli flugfélagsins
WOW air og heimsfaraldurs kórón-
uveirunnar.
Í málefnaskrá Framsóknar á nýjum
vef okkar www.framsoknrnb.is kemur
fram að við viljum styrkja tengslin við
sjávarútveginn með landeldi á Reykja-
nesi og tryggja að Njarðvíkurhöfn verði
nýtt enn frekar til viðhalds skipaflota
landsins. Þá umræðu þekki ég vel frá
Eyjum þar sem skipalyfta er of lítil
fyrir stærstu skip flotans.
Atvinnulífskjarni í Reykjanesbæ
Ég mun leggja áherslu á að atvinnu-
lífskjarni í Reykjanesbæ verði að veru-
leika. Ég hef verið mjög spenntur fyrir
slíkum hugmyndum frá árinu 2008
þegar ég flutti aftur til Vestmannaeyja
eftir tölvunarfræðinám í Danmörku.
Undanfarin ár hef ég fylgst með um-
ræðu um nýsköpunarsetur, skrifstofu-
hótel og ýmsa möguleika við tækni-
störf á landsbyggðinni. Eftir Covid-
faraldurinn eru störf án staðsetningar
skyndilega orðin algengari en áður.
Atvinnulífskjarni í heimabyggð styður
við einstaklinga sem vinna fjarri
vinnustaðnum að hluta. Sjálfur vinn
ég fyrir hugbúnaðardeild Marel, ýmist
í húsnæði fyrirtækisins í Garðabæ eða
að heiman.
Aftur vísa ég til frambjóðenda Fram-
sóknar á auglýsingaskiltunum í Reykja-
nesbæ sumarið 2018 og slagorðsins:
„Mengandi stóriðju burt!“ Margt hefur
áunnist varðandi kísilverið í Helguvík
á yfirstandandi kjörtímabili en málinu
er ekki lokið. Framsókn í Reykjanesbæ
vill enga mengandi stóriðju í Helguvík.
Gerum gott samfélag enn betra.
Gott samfélag fyrir alla
Laufey Erlendsdóttir, skipar 2. sæti
á Bæjarlistanum í Suðurnesjabæ.
Öll viljum við að börnin okkar vaxi
og dafni vel og lifi við velferð, heilsu
og hamingju. Ef foreldrar eru spurðir
hvers þeir óska fyrir börn sín, eru það
þættir eins og hamingja, heilbrigði,
siðferði og að geta tekið virkan þátt í
lífinu og samfélaginu sem foreldrum
þykja mikilvægastir. Að mínu mati
þurfa uppalendur, skólar og samfélagið
að vinna saman að mótun einstakl-
ingsins. Horfa þarf á þætti sem hjálpa
ungmennum að dafna, eins og þraut-
seigju, uppbyggileg áhugamál, hæfi-
leika, persónuleikastyrkleika auk ut-
anaðkomandi þátta eins og stuðnings
frá fjölskyldunni og góðra fyrirmynda.
Að stunda reglulega hreyfingu hefur
víðtæk áhrif á líðan einstaklingsins
eins og við þekkjum flest. Hún hefur
áhrif á andlega og líkamlega líðan, gæði
svefns, sjálfstraust og hefur verndandi
áhrif gegn þunglyndi og kvíða. Það er
einnig mjög mikilvægt fyrir alla að eiga
vini, tilheyra hópi og finna sig velkom-
inn í hópnum. Þetta á við um fólk á
öllum aldri. Því eiga allir aldurshópar
að hafa aðstæður og hvatningu til að
tileinka sér heilbrigðan lífsstíl.
Suðurnesjabær er heilsueflandi
samfélag og snýst það um að skapa
umhverfi og aðstæður sem stuðla að
heilbrigðum lifnaðarháttum, heilsu og
vellíðan allra íbúa. Auk þess á heilsa og
líðan íbúa að vera í fyrirrúmi í stefnu-
mótun og aðgerðum á öllum sviðum.
Við þurfum því öll að leggjast á eitt
við að skapa heilsueflandi samfélag.
Foreldrar og aðrir uppalendur þurfa
að vera góðar fyrirmyndir, hvort sem
um ræðir í hreyfingu, mataræði, heil-
brigðum lifnaðarháttum, uppbyggi-
legum samskiptum eða öðrum at-
höfnum. Besta forvörnin felst í því að
læra af eigin reynslu í gegn um gleði
og leik. Það er því gott að börn og ung-
menni læri það snemma á lífsleiðinni
að það felur í sér vellíðan að huga vel
að heilsunni. Það er mun einfaldari leið
en að predika um holla lifnaðarhætti.
Bæjaryfirvöld þurfa hinsvegar að taka
þátt í að skapa umhverfið. Aðstæður
þurfa að vera góðar og hvetjandi fyrir
alla að rækta útivist, hreyfingu og sam-
veru. Því er mikilvægt að umhverfið sé
vel skipulagt og hvetjandi með góðum
og öruggum göngu- og hjólastígum,
grænum svæðum og góðum leikvöllum.
Þar kemur til ábyrgðar sveitarfélagsins.
Við á Bæjarlistanum viljum setja í
forgang góðar aðstæður í bæjarfélag-
inu okkar og auka forvarnir og hvatn-
ingu til allra aldurshópa um heilsu-
eflandi lifnaðarhætti. Við viljum auka
framboð íþróttagreina, styðja vel við
íþróttafélögin í bænum, efla almenn-
ingsíþróttir og fjölga heilsueflandi úr-
ræðum fyrir eldri borgara. Bæjarlistinn
stendur fyrir faglega forystu og heilsu-
eflandi samfélag. X-O.
Eflum Suðurnesjabæ í ferða-,
safna-, og menningarmálum
Oddný Kristrún Ásgeirsdóttir, 3. sæti D-listans í Suðurnesjabæ.
Göngustígur á milli hverfa var mikil
lyftistöng fyrir samfélagið og var það
undirstaða sameiningu bæjarbúa.
Göngustígurinn mun halda áfram
allan hringinn, yfir í Reykjanesbæ og
þar með verður það góð samgöngubót
fyrir göngu- og hjólreiðafólk.
Í Suðurnesjabæ höfum við söfn sem
fræðir okkur á allan hátt, byggðasafnið
segir sögu okkar bæjarbúa, bókasafnið
veitir okkur upplýsingar og Þekking-
arsetrið rannsakar umhverfið. Við
verðum að standa vörð um söfnin
okkar og eigum við að vera stolt af um-
hverfi okkar, sögu og menningu.
Við búum í fjölmenningarsamfélagi
og ætlum við að auka fjölbreytni í lista-
og menningarmálum svo sem tónlistar-
hátíð, myndlistahátíð og íþróttahátíð.
Efla íbúa okkar af erlendum uppruna
til að kynna sína menningu og hvetja
þau til að halda viðburði.
Við viljum að Samkomuhúsið í
Garði verði lagfært og gert að menn-
ingarmiðstöð sveitarfélagsins og Sam-
komuhúsið í Sandgerði verði haldið
við svo það missi ekki sjarma sinn svo
stórir sem smáir viðburði geti notið sín
í því húsi.
Umhverfið á Garðskaga í heild er
heillandi fyrir ferðamenn og fjöldinn
allur sem leggur leið sína þangað til að
njóta þessara einstöku náttúruperlu
sem við höfum upp á að bjóða. Bæta
þarf umhverfið þar til muna svo við
getum verið stoltari af því svæði. Auka
þarf tengingar betur sem til dæmis
væri hægt með göngustíg frá gamla
Garðskagavita að Ósabotnum. Þar yrði
sögunni með ströndinn gerð betur skil
með skemmtilegum söguskiltum á leið-
inni svo íbúar og gestir fræðist betur
um sögur samfélagsins okkar.
Suðurnesjabær hefur að geyma
mikla sögu og menningu. Þar felast
mörg atvinnutækifæri fyrir ferðaþjón-
ustufyrirtæki í afþreyingu, gistingu
og veitingarekstri. Svo sveitarfélagið
okkar geti blómstrað í þessum mála-
flokkum er samvinna við íbúa mikil-
vægur þáttur. Hvatning og þátttaka er
grunnurinn til að gera gott samfélag
enn betra.
Þessi málefni eru mér efst í huga, ég
óska eftir þínum stuðningi.
Hreyfing
og lýðheilsa
Ásdís Ragna Einarsdóttir,
verkefnastjóri lýðheilsumála hjá Reykjanesbæ.
Dagleg hreyfing er mikilvæg til þess
að auka líkamlegan og andlegan styrk
og vellíðan svo að fólki gangi betur að
takst á við verkefni daglegs lífs. Það að
hreyfa sig reglulega hefur fjölþættan
ávinning fyrir heilsuna eins og rann-
sóknir staðfesta. Hreyfing minnkar
líkurnar á flestum langvinnum sjúk-
dómum meðal annars líkurnar á að fá
kransæðasjúkdóma, heilablóðfall, sykursýki af tegund
2, sumar tegundir krabbameina, stoðkerfisvandamál og
geðröskun. Ávinningurinn af því að hreyfa sig takmark-
ast ekki við að fyrirbyggja sjúkdóma eða halda þeim í
skefjum heldur eykur hreyfing líkamshreysti, vellíðan og
lífsgæði almennt. Auk beinna áhrifa á heilsu og líðan geta
lifnaðarhættir, sem fela í sér daglega hreyfingu, skapað
tækifæri til að mynda og styrkja félagsleg tengsl. Hreyfing
er einnig tengd öðrum heilbrigðum lífsháttum svo sem
góðu mataræði og reykleysi og getur hjálpað til við aðrar
jákvæðar breytingar á lífsháttum. Kyrrseta getur haft
slæmar afleiðingar fyrir heilsu og fjárhag fólks og það
er ekki síður mikið í húfi fyrir samfélagið í heild. Rann-
sóknir benda til þess að meira en helmingur fullorðinna
Íslendinga hreyfi sig ekki í samræmi við hreyfiráðlegg-
ingar. Tímaskortur og þreyta eru algengar skýringar fyrir
lítilli hreyfingu hjá fullorðnum. Því er lögð sérstök áhersla
á að hreyfingin þurfi ekki að vera tímafrek eða erfið, til
að hafa jákvæð áhrif á heilsu og stuðla að vellíðan nægir
að stunda miðlungserfiða hreyfingu daglega í samtals
hálftíma. Æskilegast er að stunda hreyfingu reglulega
alla ævi en það er aldrei of seint að byrja. Umfram allt
er mikilvægt að velja hreyfingu í stað kyrrsetu í daglegu
lífi t.d. með því að velja göngu eða hjólreiðar sem ferða-
máta eins oft og mögulegt er, þrífa heimilið, velja stigann
í stað lyftunnar, ganga rösklega, synda eða skokka rólega
og sinna garðvinnu. Kostir þess að takmarka kyrrsetu
og stunda reglubundna hreyfingu eru ótvíræðir fyrir al-
menna heilsu og vellíðan.
Möguleikar til hreyfingar og útivistar eru víðsvegar
á Suðurnesjum og má þar nefna heilsustíga og fjölda
gönguleiða í fallegri náttúru Reykjaness. Einnig er
að finna fjórar hreyfistöðvar í Reykjanesbæ með fjöl-
breyttum útiæfingatækjum sem taka á öllum vöðvum lík-
amans og henta bæði fyrir unga sem aldna. Laugardaginn
7. maí næstkomandi milli klukkan 11 og 12 verður boðið
upp á kennslu á útiæfingatækin í Skrúðgarðinum þar sem
þjálfari frá Heilsuakademíu Keilis mun kenna bæjarbúum
hvernig megi nota útiæfingatækin sér til heilsubótar.
Íþróttir sameina samfélög
Birgir Már Bragason, skipar 3. sæti á lista Beinnar leiðar
í komandi bæjarstjórnarkosningum.
Margt gott hefur verið gert á síðasta
kjörtímabili er varðar íþrótta- og tóm-
stundamál í Reykjanesbæ. Búið er að
gera vel heppnaðar endurbætur á úti-
svæði sundlaugarinnar, nýr gervigras-
völlur orðinn að veruleika og íþrótta-
hús í byggingu við Stapaskóla. Þá var
Bardagahöll Reykjanesbæjar tekin í
notkun, ný aðstaða fyrir Borðtennis-
félag Reykjanesbæjar og Golfklúbb
Suðurnesja og einnig búið að tryggja
siglingafélaginu Knörr aðstöðu við
smábátahöfnina. Síðast en ekki síst var
komið á fót frístundarútu sem keyrir
yngstu börnin á æfingar.
En betur má ef duga skal og nú er
mikilvægt að vinna að langtímaáætlun
um uppbyggingu íþróttamannvirkja
í Reykjanesbæ í nánu samráði við
íþróttafélög bæjarins. Hlúa þarf vel að
þeim íþróttagreinum sem þegar eru til
staðar og ljúka við þær framkvæmdir
sem setið hafa á hakanum.
Ég sé fyrir mér að aukið samstarf
milli íþróttafélaganna sem starfa hér
í Reykjanesbæ geti bætt og aukið fjöl-
breytni þess gróskumikla starfs sem
við erum svo heppin að búa við nú
þegar. Við getum verið stolt af því
íþróttastarfi sem er unnið af öflugu
fólki sem íbúar njóta góðs af og bæjar-
félagið er þekkt fyrir.
Fjölnota íþróttahús hafa víða eflt
og jafnvel gjörbylt starfi íþróttafélaga.
Hugmyndir um tengingu íþróttasvæða
Keflavíkur og Njarðvíkur með fjölnota
íþróttahúsi sem gagnast myndi fim-
leikadeildinni sem beðið hefur lengi
eftir betri aðstöðu hugnast okkur hjá
Beinni leið vel. Byggja mætti sameig-
inleg aðstöðu sem hýsir boltaíþróttir,
fimleikadeildina, skotíþróttir, bardaga-
íþróttir og stuðla að fjölgun íþrótta-
greina til að ná til fleiri iðkenda og gefa
minni og óhefðbundnari greinum aukið
vægi og svigrúm.
Íþróttir eru nefnilega ekki aðeins
heilsusamlegar heldur sameina þær
fólk og ýta undir félagsleg tengsl allra
aldurshópa. Með karla- og kvenna-
lið bæjarins bæði í körfu- og fótbolta
í toppbaráttu efstu deilda ár eftir ár
hefur það sýnt sig og sannað.
Markvissar aðgerðir þarf til að
stuðla að aukinni vellíðan og bættri
andlegri heilsu allra aldurshópa og
eru íþróttir og tómstundir stór liður í
því. Hvatagreiðslur hafa hækkað jafnt
og þétt síðastliðin ár og mikilvægt
að halda þeirri vegferð áfram. Einnig
þarf að halda áfram hvatningu til eldri
kynslóðarinnar um aukna virkni og
hreyfingu og sér Bein leið fyrir sér að
hvatagreiðslur eigi einnig að ná til þess
aldurshóps.
Til að styrkja okkar metnaðarfulla
íþróttastarf enn frekar þarf að auka
fjármagn til málaflokksins. Á meðan
Reykjanesbær ver 1,2 m.kr. til íþrótta-
og tómstundamála ver Akureyri sem
dæmi 2,3 m.kr. til sama málaflokks.
Þá er nauðsynlegt að styrkja innviði
íþróttahreyfingarinnar með auknum
stöðugildum til að tækifæri séu til
vaxtar líkt og á Akureyri þar sem
74 starfsmenn vinna að málefninu á
meðan 47 sinna því hér.
Við hjá Beinni leið viljum samein-
ast um að styðja enn frekar við íþrótta-
félögin í bænum og á sama tíma efla
heilsu og vellíðan íbúa. Áfram Reykja-
nesbær!
FIMMTUDAG KL. 19:30
HRINGBRAUT OG VF.IS
18 // víkurFrÉttir á SuðurNESJuM