Rökkur - 01.09.1926, Page 28

26
vandaðri. Og hann dró að sér fólkið
sem fyr. Hann keypti margt frá
bændum. Smjör hans og egg voru alt
af glæný. Og alt af var alt ögn betra en
það, sem bezt var hjá hinum kaup-
mönnunum. Hann varð frægur fyrir
bakaðar Bostonbaunir og félag nokk-
urt er baunir bakaði, keypti af honum
réttinn til að baka baunir hans, til
þess að geta flaggað með nafni hans.
Og hann græddi á því laglegan skil-
ding. — Josiah hafði tíma til að
kynna sér líf bændanna og alty er þá
snerti, jafnvel eplin, er uxu á trjám
þeirra, hvað þá annað, og sumum
þeirra kendi hann að búa til Nýja
Englands eplamjöð. Hann græddi á
eplamjöðnum sínum, þó að það væri
þá aðeins aukaatriði. En seinna, þá
er hann hafði komið þeim í San
Francisco og Berkeley og Alameda
upp á bragðið, kom bann upp sér-
stakri eplamjöðsverksmiðju.
En altaf hafði hann hugann við
Broadway. Og hann var að smáfikrast