Rökkur - 01.09.1926, Page 69

67
Slíkir eru söngvar þínir og eg skil þá
svo undur vel; þeir bergmála í brjósti
mínu. Eg er líka fangi með fjötur um
fót, jarðbundinn, »frosinn og má ei
losast«. Allir menn eru fangar, fjötraðir
ýmsum viðjum, en þyngstir eru hlekk-
irnir, sem þeir sjálfir hafa skapað sér.
Litli fugl! Eg skil söngva þína, og eg
hefi séð sorgina og sársaukann skína
úr augum þínum. í dag skaltu verða
frjáls á ný. Eg skal kaupa þér frelsi svo
að þú getir lyft þér sem fyr um heiðan
himin þar sem langt er til lofts og vítt
til veggja. Með því að leysa fjötra þína,
leysi eg máski einn þáttinn úr fjötrum
þeim, sem binda mína eigin sál.
Richard Beck.