Fjarðarfréttir - 02.02.2023, Page 2

2 www.fjardarfrettir.is FJARÐARFRÉTTIR | FIMMTUDAGUR 2. FEBRÚAR 2023
Á Spáni hefur leiðtogi hægri
manna komið með þá tillögu að
sá flokkur sem fái flest atkvæði
m.a. í sveitarstjórnarkosningum
fái að stjórna einir. Eðlilega
finnst lýðræðissinnum, einnig úr
hans eigin flokki tillagan afleit
og gegn lýðræðislegri hugsun.
Skal engan undra.
En afbrigði af þessum tilburðum er reyndar að
finna í flestum sveitarstjórnum á Íslandi. Í
sveitarstjórnarlögum og samþykktum sveitar­
félaganna eru ákvæði um fjölda bæjarfulltrúa sem
kosnir skulu í sveitarstjórn. Engin ákvæði eru hins
vegar um að strax á fyrsta fundi skuli bæjarstjórn
skipta sér upp í minni­ og meirihluta eins og gert
er í langflestum sveitarstjórnum. Falleg orð um
samstarf og samvinnu má yfirleitt finna í
meirihlutasáttmálum en þetta kerfi verður hins
vegar til þess að hluti bæjarstjórnar, fulltrúar sem
bæjarbúar hafa kosið, eru hafðir útundan í
undirbúningi mikilvægra mála auk þess sem
flokksagi er yfirleitt látinn ráða frekar en samviska
sem menn þó lofa að hafa að leiðarljósi.
Tilhneiging til að minnka lýðræðið má finna
víða og er fólk jafnvel alið upp við það í skrifum
fjölmiðla, í starfi félaga og víðar. Hversu oft sjáum
við ekki frétt um að einhver bjóði sig fram gegn
einhverjum öðrum. Hafa ekki allir rétt á að bjóða
sig fram til starfa? Það þarf ekki að vera gegn
einhverjum? Ef svo fer að fleiri en einn bjóða sig
fram í sama embætti fer svo oft af stað
baktjaldavinna til að hindra „ósætti“ og fá annan
hvorn til að draga framboð sitt til baka. Kosningar
ættu að vera góð þjálfun í lýðræðislegri hugsun enr
eru það sjaldnast. Af hverju þarf færri kjósendur á
bak við fulltrúa stóru flokkanna? Af hverju hefur
ekki verið lögð fram tillaga um að breyta því? Af
hverju vega atkvæði sumra landsmanna meira en
annarra? Af hverju er ekki vilji til að breyta því?
Lýðræðið á víða undir högg að sækja og jafnvel
í velmegunarþjóðfélaginu Íslandi.
Guðni Gíslason ritstjóri.
leiðarinn
Útgefandi: Hönnunarhúsið ehf. kt. 450106-1350
Ritstjóri og ábyrgðarmaður: Guðni Gíslason
Ritstjórn og auglýsingar: 896 4613
fjardarfrettir@fjardarfrettir.is
Prentun: Ísafoldarprentsmiðja • Dreifing: Póstdreifing
ISSN 2298-8858 Vefútgáfa: ISSN 2298-8866
www.fjardarfrettir.is
www.facebook.com/fjardarfrettir.is
Hönnunarhúsið ehf., Bæjarhrauni 2, 220 Hafnarfirði
Auglýst er eftir umsóknum um styrki úr húsverndarsjóði Hafnarfjarðar. Hlutverk
sjóðsins er að stuðla að varðveislu og viðhaldi eldri húsa. Umsóknir eiga að berast
rafrænt í gegnum Mínar síður á hafnarfjordur.is

Styrkir úr húsverndarsjóði
Viðhald og endurbætur eldri húsa
Nánar á hafnarfjordur.isUmsóknarfrestur er til og með 28. febrúar
Í aðalsal Hafnarborgar stendur yfir sýningin Gletta
þar sem sjá má verk sem spanna feril listakonunnar
Sóleyjar Eiríksdóttur (1957­1994) en á síðastliðnu ári
bættist vegleg listaverkagjöf við safneign Hafnarborgar
þegar safninu var fært úrval voldugra skúlptúra úr
steinsteypu eftir listakonuna.
Á sýningunni erua meðal annars sýnd þau verk sem
nú hafa bæst við safneign Hafnarborgar, auk fleiri
verka í eigu Hafnarborgar, annarra opinberra safna og
einkasafnara. Sýningarstjórar eru Aldís Arnardóttir og
Aðalheiður Valgeirsdóttir.
Í Sverrissal stendur yfir sýningin Án titils, þar sem
sýnd verða verk eftir Eirík Smith (1925­2016),
myndlistarmann og föður Sóleyjar, en bæði tengdust
þau safninu sterkum böndum og settu sitt mark á
sýningardagskrá Hafnarborgar frá upphafi.
Á sýningunni verða einkum sýndar gvassmyndir
Eiríks frá fyrri hluta sjötta áratugarins en mörg
verkanna hafa ekki verið sýnd opinberlega áður. Þá
eru verk listamannsins frá þessu tímabili fágæt, þar
sem Eiríkur brenndi fjölda verka sinna í malargryfju í
Hafnarfirði árið 1957, en þau verk sem varðveist hafa
bera þess þó vitni að Eiríkur hafði góð tök á myndgerð
strangflatalistarinnar, þó að hann kysi að fara aðra leið
í listsköpun sinni í framhaldinu.
Sóley Eiríksdóttir lagði stund á nám við málm­
iðnaðardeild Iðnskólans í Hafnarfirði í eitt ár eftir nám
við Flensborgarskólann. Árið 1975 hóf hún svo nám
við Myndlista­ og handíðaskóla Íslands, fyrst við
kennaradeild en hún útskrifaðist síðan frá leirlistadeild
skólans árið 1981. Sóley sýndi verk sín víða á stuttum
ferli, meðal annars á Kjarvalsstöðum, í Hafnarborg,
Gallerí Langbrók og Listasafni ASÍ, auk þess sem hún
hélt sýningar í Bandaríkjunum, Finnlandi, Lúxemburg,
Kanada og Þýskalandi.
Eiríkur Smith stundaði nám við Málara­ og teikni­
skóla Finns Jónssonar og Jóhanns Briem veturinn
1939­1940 og við Handíða­ og myndlistarskólann
árin 1946­1948. Sama ár fór hann svo til Kaup­
mannahafnar í nám til 1950 en árið 1951 hélt hann til
Parísar þar sem hann nam myndlist við Académie de
la Grande Chaumiére. Hann hélt fjölda einkasýninga,
auk þess að taka þátt í samsýningum víða um heim á
löngum ferli sínum. Verk eftir Eirík er að finna í
söfnum víðs vegar, svo sem í safneign Listasafns
Íslands, Gerðarsafns og Listasafns Reykjavíkur en
auk þess varðveitir Hafnarborg um 400 verk eftir
listamanninn.
Verk feðgina í Hafnarborg
Eiríkur Smith og Sóley Eiríksdóttir
Víðistaðakirkja
Sunnudagur 5. febrúar
Sunnudagaskóli kl. 11
Fjölbreytt og skemmtileg stund
í umsjá Benna og Dísu.
Guðsþjónusta kl. 11
Kór Víðistaðasóknar syngur
undir stjórn Sveins Arnars organista
og sr. Bragi þjónar.
Hressing í safnaðarsal á eftir.
Kyrrðarstund
á miðvikudögum kl. 12:10.
Súpa og brauð í safnaðarsal á eftir.
www.vidistadakirkja.is