Veiðimaðurinn - 01.06.1980, Side 15

Arni Isaksson
Þróun eins árs laxaseiða
í Laxeldisstöð ríkisins í
Kollafirði
Þcettir sem áhrif hafa á endurheimtur
Útdráttur.
I greininni er rætt um þróun í heimtum
eins árs seiða í Laxeldisstöð ríkisins í
Kollaflrði síðastliðin 8 ár og þá áhrifa-
þætti, sem mestu hafa ráðið um niðurstöð-
ur hvers árs. Þessar tilraunir hafa leitt í
ljós, að heimtur eins árs seiða eru fyllilega
sambærilegar og í mörgum tilfellum betri
en hjá tveggja ára seiðum.
Með því að flýta hrognklaki og hefja
eldi seiðanna í byrjun janúar hefur opnast
sá möguleiki að framleiða gönguseiði á sex
mánuðum. Hvort þetta er hagkvæmt,
veltur að verulegu leyti á þeirri meðal-
stærð, sem nauðsynleg er til að fá góðar
heimtur. Framleiðsla minni eins árs seiða
er einnig hagkvæmnismál fyrir eldis-
stöðvar, því hún sparar bæði fóður og
rými.
Með tilkomu örmerkja árið 1974 var
kleift að kanna heimtur 20-25 gramma
eldisseiða, samanborið við 40-50 gramma
meðalstærð árin á undan. Þessi smáu seiði
hafa heimst upp í 15% og hefur tilrauna-
starfið hin síðari ár farið meira inn á þá
braut að vinna með seiði í þeim stærðar-
flokki. Miðað við heimtur þessara seiða
Arni Isaksson
virðist fyllilega tímabært að hefja tilraunir
með sleppingar 6 mánaða gönguseiða.
Það vandamál hefur verið tengt eins árs
seiðum, einkum þeim smærri, að þau
krefjast vandaðrar sleppiaðstöðu. Greini-
lega hefur komið í ljós í Laxeldisstöð-
inni, að sleppiaðferðir, sem beitt var
við tveggja ára seiði, sem yfirleitt voru alin
í jarðtjörnum, henta ekki, þegar eins árs
seiði eiga í hlut. Þannig hafa sömu sleppi-
aðferðir gefið gagnstæðar niðurstöður frá
ári til árs. Þetta mál hefur verið leyst með
byggingu sérstakra sleppitjarna nálægt
sjó. Þó slík tjörn væri fyrst notuð vorið
1978, hafði beiðni um byggingu hennar
VEIÐIMAÐURINN
13