Arkitektúr og skipulag - 01.12.1991, Side 22

ákvörðunar borgarstjómar sem Austurstræti er það sem það
er, fullt af fólki og iðandi af mannlífi að minnsta kosti þegar
veður leyfir. Slíkt er ekki á valdi borgarstjómar.
Austurstræti tengist annarri af tvemur helstu almennings-
samgangnamiðstöðvum Reykjavíkur, Lækjartorgi. Við
Lækjargötuna stoppa svo, auk vagna SVR, strætisvagnar sem
fara í Hafnarfjörð, Garðabæ og Kópavog. Um Austurstræti fer
fólk sem ferðast í strætó, fólk sem er að fara í stofnanir, banka,
pósthús, borgarskrifstofur og fleiri staði og þar fer fólk sem ekki
er að fara neitt sérstakt. Fólk sem sest inn á Hressó, talar við
kunnuga, skoðar ókunnuga og bamafólk veit vel hversu gott
það er að sitja þar og þurfa ekki að hafa stöðugar áhyggjur þótt
bömin hlaupi út fyrir dymar.
UMFERÐARÁLAG
Hvað mun svo opnun Austurstrætis gera í sambandi við
bílaumferð og umferðarálag í miðbænum’
Ljóst er að umferðarálagið í miðbænum með
tilheryandi hávaða og loftmengun mun
aukast.LokunVallarstrætisogThorvaldsens-
strætis hefur lítil áhrif á það þar sem þar er lítil
sem engin umferð í dag. Þessar götur eru
aðallega notaðar sem bílastæði fyrir nokkra
tugi bíla. Bifreiðastæðum mun fækka eitthvað
frekar en fjölga þar sem aðeins fimm stæði
bætast við í stað þeirra sem hverfa í Vallar-
stræti og Thorvaldsensstræti. I stað hind-
runarinnar sem göngugatan er í dag fyrir
bílaumferð niður Laugaveginn kemur
Morgunblaðshúsið og er nokkuð víst að V est-
urgatan og Túngatan eru miklu síður til þess
fallnar að taka við þessari umferð heldur en
Lækjargatan og Skúlagatan eins og þær götur
gerast í dag. Þeir sem aka reglulega af Ves-
turgötunni yfir á Hafnarstrætið vita hve
erfitt það er stundum að komast yfir á
Hafnarstrætið. Það er þó bamaleikur í dag
miðað við það hvemig það verður eftir breyt-
inguna. Þá má líka búast við að svipað vanda-
mál komi upp þar sem ekið er af Suðurgötunni
yfir á Túngötuna.
FRAMTÍÐ GAMLA MIÐBÆJARINS
U m markmið flutningsmanna þessarar tillögu
er ekki deilt, meira mannlíf í Gamla
miðbænum með tilheyrandi aukinni verslun
er af hinu góða. Spumingin er bara hvort
opnun Austurstrætis fyrir bílaumferð verki
ekki gagnstætt því sem ætlað er, hvort það sé
ekki nær að loka öllu Austurstræti fyrir
bílaumferð eins og upphaflega var reyndar
gert ráð fyrir. Yfirbygging úr gleri yfir hluta
Austurstrætis og Laugavegar eru hugmyndir
sem taka mið af því að við búum á norðurslóðum og er sj álfsagt
að reyna slíkt.
Undirritaður er einn af þeim sem hefur mikla trú á Gamla
miðbænum og að hann eigi sér framtíð. Laugavegurinn og
Kvosin munu í framtíðinni hafa ákveðna sérstöðu og höfða til
ákveðins hóps. Það er sístækkandi hópur fólks sem líkar ekki
hraði og firring stórmarkaða. Fólk sem vill hafa ferskt loft til
að anda að sér, hefur áhuga á því að gera góð kaup í litlum
ódýrum verslunum, spóka sig um göngugötur og setjast inn á
notaleg kaffihús og slaka á. Gamli miðbærinn verður aldrei sú
þungamiðja verslunar og viðskipta sem hann var áður en
hann hefur möguleika á að hafa þessa sérstöðu. Hann hefur
möguleika á þ ví að hafa þá sérstöðu að vera hlýlegur, mannlegur
og lifandi og það er einmitt þessi sérstaða sem við þurfum að
hlúa að. Það gerum við best með því að fjölga göngugötum
frekar en hitt. ■
20