Víkurfréttir - 08.03.2023, Page 2

FINNDU OKKUR Á FACEBOOK
DAGLEGAR FERÐIR ALLA VIRKA DAGA
S U Ð U R N E S - R E Y K J A V Í K
845 0900
FERÐIR Á DAG
ALLTAF PLÁSS
Í BÍLNUM
HREINSUM
RIMLAGARDÍNUR OG
MYRKVUNARGARDÍNUR
NÁNARI UPPLÝSINGAR Á ALLTHREINT.IS
Nýverið var gengið frá kaupum Reykjanesklasans ehf. á byggingum
Norðuráls í Helguvík. Húsnæðið sem er um 25 þúsund fermetrar að
grunnfleti hefur staðið autt um árabil. Ætlunin er að húsnæðið verði
um 35 þúsund fermetrar þegar umbreytingu þess er lokið. Reykja-
nesklasinn fyrirhugar að koma þar upp „Græna iðngarðinum“ sem
hýst getur innlend og erlend fyrirtæki sem þurfa rými fyrir sprota-
starf, rannsóknar- og tilraunastarfsemi, þróun, framleiðslu og sam-
setningu á vörum eða aðstöðu fyrir fiskeldi og ræktun, svo eitthvað
sé nefnt. Stofnendur Reykjanesklasans eru Keflvíkingurinn Kjartan
Eiríksson og Þór Sigfússon.
„Með grænum iðngarði skapast
tækifæri fyrir fjölda fyrirtækja að
nýta sér einstaka aðstöðu og auð-
lindir Reykjaness. Staðsetning
garðsins við alþjóðaflugvöll og
höfn skapar líka mikil tækifæri.
Við vonum að þessi nýja starf-
semi geti einnig eflt enn frekar allt
samfélagið í kringum Græna iðn-
garðinn, aukið fjölbreytni starfa
og tækifæra fyrir fólk með ólíka
menntun, bakgrunn og þekkingu,“
segir Kjartan Eiríksson en hann
var framkvæmdastjóri Kadeco,
Þróunarfélags Keflavíkurflugvallar
í mörg ár en félagið var stofnað
fljótlega eftir brottför Varnar-
liðsins.
Í fréttatilkynningu frá Græna
iðngarðinum kemur fram að hús-
næði hans bjóði upp á fjölbreytta
möguleika og aðstöðu sem hægt er
að skipta upp í misstórar einingar
sem henta hverju verkefni. Enska
heiti hans er Iceland Eco-Business
Park.
Grænir iðngarðar eru klasar
fyrirtækja sem staðsett eru á sam-
eiginlegu svæði. Markmið garð-
anna er að styrkja samkeppnis-
stöðu fyrirtækjanna í hringrásar-
hagkerfinu. Þau fyrirtæki sem hafa
áhuga á að koma á fót starfsemi í
græna iðngarðinum leitast við að
haga starfsemi sinni á þann hátt
að minnka úrgang eins og kostur
er. Hvers konar úrgangur frá starf-
semi fyrirtækjanna er endurnýttur
eða nýttur sem auðlind fyrir önnur
fyrirtæki í garðinum. Í samstarfi
fyrirtækjanna er einnig lagt kapp
á að búa starfsfólki aðlaðandi og
spennandi umhverfi.
„Klasar og iðngarðar eiga margt
sameiginlegt en bæði þessi sam-
félög hafa orðið til í þeim tilgangi
að auka verðmætasköpun, sam-
legðaráhrif og nýsköpun. Græni
iðngarðurinn byggir á svipaðri
hugmyndafræði og Íslenski sjávar-
klasinn hefur beitt á undanförnum
áratugum við að leiða saman fólk
og fyrirtæki tengda nýsköpun.
Innan Græna iðngarðsins verður
starfræktur hópur sem saman-
stendur af fulltrúum fyrirtækja
í garðinum. Markmið hópsins er
að skapa aukin verðmæti með
samstarf i fyrirtækjanna tengt
nýsköpun og hringrásarmálum.
Græni iðngarðurinn og Auðlinda-
garðurinn á Reykjanesi hyggjast
efla samstarf sín í milli. Auðlinda-
garðurinn á Reykjanesi hefur þótt í
mörgu fyrirmynd um uppbyggingu
umhverfisvæns atvinnusvæðis.
Auðlindagarðurinn nýtir nálægð
við jarðvarmaver HS Orku.
Með samstarf i Græna iðn-
garðsins og Auðlindagarðsins
skapast tækifæri til að búa fyrir-
tækjum í græna iðngarðinum og
á öllu svæði Auðlindagarðsins
enn sterkari samkeppnisstöðu.
Þá á Græni iðngarðurinn einnig í
nánu samstarfi við Kadeco sem er
Þróunarfélag Keflavíkurflugvallar.
Með samstarfi við sveitarfélög
á svæðinu, Reykjaneshöfn og aðra
hagaðila er stefnt að því að starf-
semi Græna iðngarðsins stuðli að
aukinni verðmæta- og atvinnu-
sköpun. Markmiðið er að gera allt
svæðið áhugavert fyrir fyrirtæki og
frumkvöðla sem vilja byggja upp
umhverfisvæna starfsemi, á svæði
þar sem finna má öflug samfélög,
hreinar auðlindir og góðar teng-
ingar við útlönd,“ segir í tilkynn-
ingunni.
„Hús Sjávarklasans sem er um
3000 fermetrar að stærð, hefur í
röskan áratug boðið frumkvöðlum
skrifstofuaðstöðu. Með þessari
rösklega tíföldun á aðstöðu opnast
tækifæri fyrir frumkvöðla til að fara
í mun stærra húsnæði fyrir marg-
háttaða starfsemi og hvers konar
framleiðslu,“ segir Þór Sigfússon,
annar stofnendanna.
Álversbyggingu
breytt í grænan
iðngarð
Reykjanesbær hefur skrifað undir samstarfssamning við Samtökin 78 um hinsegin fræðslu, ráðgjöf og
stuðning til handa nemendum og starfsfólki sveitarfélagsins sem starfa með börnum og ungmennum
í sínu daglega skóla,- íþrótta- og tómstundastarfi.
„Eins og fram hefur komið í fjölmiðlum og sam-
kvæmt hagsmunasamtökum hinsegin fólks hefur
áreitni, hatursorðræða og ofbeldi í garð hinsegin
fólks á Íslandi aukist undanfarin misseri. Mikilvægt
er að bregðast við þessu með aukinni fræðslu og þar
vill Reykjanesbær stíga nauðsynleg skref í takt við
meginstef grunnstefnu og menntastefnu Reykja-
nesbæjar – Í krafti fjölbreytileikans, með því að efla
fræðslu um mikilvægi þess að bera virðingu fyrir
fjölbreytileikanum,“ segir í frétt frá Reykjanesbæ.
Kjartan Már Kjartansson bæjarstjóri, Halldóra
Fríða Þorvaldsdóttir, forseti bæjarstjórnar, Valgerður
Björk Pálsdóttir, bæjarfulltrúi og Daníel E. Arn-
arsson, framkvæmdastjóri Samtakanna 78 skrifuðu
undir samninginn í Fjörheimum í Reykjanesbæ.
Viðstödd voru einnig Hafþór Barði Birgisson
íþrótta- og tómstundafulltrúi Reykjanesbæjar,
Eyjólfur Gíslason varabæjarfulltrúi, Hámundur
Helgason framkvæmda- og íþróttastjóri Njarð-
víkur, Sólrún Sigvaldadóttir yfirþjálfari yngri flokka
Keflavíkur, Helgi Arnarson sviðsstjóri menntasviðs
Reykjanesbæjar, Thelma Hrund Helgadóttir að-
stoðarforstöðumaður Fjörheima, Gunnhildur Gunn-
arsdóttir forstöðumaður Fjörheima og Silja Kolbrún
Skúladóttir fulltrúi Ungmennaráðs Reykjanesbæjar.
Reykjanesbær gerir samstarfs-
samning við Samtökin 78
Frá undirskrift samstarfssamningsins í 88 húsinu. VF/pket
Byggingar Reykjanesklasans ehf. við Bergvík. VF/Hilmar Bragi
2 // vÍkurFrÉttir á suðurNEsJuM