Fréttir - Eyjafréttir - 26.07.2022, Side 2

Útgefandi: Eyjasýn ehf. - kt. 480278-0549
Ægissgötu 2 - 900 Vestmannaeyjum.
Ritstjórn og ábyrgð: Ómar Garðarsson og Eygló
Egilsdóttir - omar@eyjafrettir.is - eyglo@eyjafrettir.is.
Umbrot: Leturstofa Vestmannaeyjum ehf.
Ljósmyndir: Blaðamenn Eyjafrétta.
Prentun: Stafræna Prentsmiðjan ehf.
Sími: 481 1300
Netfang: frettir@eyjafrettir.is.
Auglýsingar: auglysingar@eyjafrettir.is
Veffang: www.eyjafrettir.is
EYJAFRÉTTIR er áskriftarblað.
Eftirprentun, hljóðritun, notkun ljósmynda og
annað er óheimilt nema heimilda sé getið.
Grímur Hergeirsson, lögreglu-
stjóri í Vestmannaeyjum er nú að
undirbúa starf á þjóðhátíð með
sínu fólki og samstarfsaðilum. Í
allt verða milli þrjátíu og fjörtíu
manns við löggæslu á hátíðinni
og í mörg horn að líta þegar
fjölmenni safnast saman í Herj-
ólfsdal. Sjálfur kom Grímur fyrst
á þjóðhátíð á Breiðabakka 1976,
þá sjö ára gamall. Mætti í Dalinn
sem ungur maður en kom með
fjölskylduna á Þjóðhátíðina 2016
og hreifst af. Auk þess að vera
lögreglustjóri í Vestmannaeyjum
er hann settur lögreglustjóri á
Suðurlandi frá fyrsta júlí til næstu
áramóta og gegnir báðum embætt-
unum samhliða.
Grímur er fæddur og uppalinn á
Selfossi. Byrjaði að læra húsa-
smíði, bjó í Noregi í nokkur ár en
þegar hann kom heim fór hann í
lögregluna. „Ég fór í Lögreglu-
skólann og var í lögreglunni í tíu
ár áður en ég fór í laganámið.
Þegar ég kláraði laganámið vann
ég í fimm ár í lögmennsku en fór
þá aftur í lögregluna sem lög-
lærður fulltrúi,“ segir Grímur um
starfsferilinn.
Þegar staða lögreglustjóra losn-
aði í Vestmannaeyjum árið 2020
sá Grímur tækifæri á að breyta til
og sér ekki eftir því. Lét ekki þar
við sitja og var aðstoðarþjálfari
meistaraflokks ÍBV karla í hand-
bolta með Erlingi Richardssyni
síðasta vetur. Var liðið hársbreidd
frá Íslandsmeistaratitli nú í vor.
„Það var mjög skemmtilegt.
Frábær hópur, flottir strákar og
gaman að vinna með Erlingi. Við
spiluðum saman á sínum tíma
með Selfossi,“ segir Grímur.
Fyrst á Þjóðhátíð
á Breiðabakka
Þegar talið berst að þjóðhátíð
minnist hann þess þegar hann
sjö ára kom með fjölskyldunni á
Þjóðhátíðina á Breiðabakka 1976.
„Þá var pabbi, Hergeir Krist-
geirsson, að vinna í lögreglunni.
Við vorum hjá Pálínu frænku
minni, systur mömmu og Ragnari
Bjarnasyni. Þetta var mikið æv-
intýri fyrir sjö ára peyja, að koma
á þjóðhátíð. Síðast kom ég svo á
Þjóðhátíð 2016 með fjölskylduna.
Þá kynntist maður betur þeirri hlið
á hátíðinni sem er dagskráin og
lífið í kringum hvítu tjöldin sem
er alveg frábært. Líka gaman fyrir
krakkana,“ segir Grímur sem í
ár kemur að hátíðinni frá annarri
hlið.
Hann segir mikla reynslu vera
til staðar hjá
öllum þeim fjöl-
mörgu aðilum
sem koma að
skipulagningu
hátíðarinnar,
bæði ÍBV, lög-
reglu og öðrum
viðbragðsað-
ilum. „Það er
enginn að gera
þetta í fyrsta
skipti og það er
búið að þróa og
efla allt skipulag
og utanumhald
og gott samstarf
milli þessara
aðila en það er
í mörg horn að líta eins og gefur
að skilja. Það er mikill fjöldi sem
kemur á þjóðhátíð og við þurfum
að vera vel undirbúin. Huga þarf
að skipulagi og stýringu á umferð,
bæði gangandi og akandi, bíla-
stæðum og fleiru. Þetta er í býsna
góðum farvegi og gaman að sjá
hvernig framkvæmdin og samstarf
þeirra sem koma að hátíðinni með
einum eða öðrum hætti hefur þró-
ast og eflst í gegnum árin,“ segir
Grímur og neitar því ekki að vera
spenntur fyrir helginni.
„Auðvitað er alltaf spenna og við
höfum okkar hlutverk. Að vera
undirbúin í að takast á við það að
vera með allan þennan fjölda og
þau mál sem kunna að koma upp.
Þau afgreiðum við af fagmennsku
og yfirvegun.“
„Í það heila verða hátt í fjörutíu
manns að störf-
um hjá okkur í
lögreglunni um
þjóðhátíð. Fólk
sem gengur vaktir,
rannsóknarlög-
reglumenn og
fíkniefnaeftirlit
með þrjá hunda.
Sautján koma frá
okkur og um tutt-
ugu koma hingað
til starfa frá öðrum
embættum. Maður
gerir sér grein fyr-
ir því, sama hvar
það er að þegar
mikill fjöldi kemur
saman fylgja því
verkefni sem þarf að leysa. Það
þýðir ekkert að hafa áhyggjur, við
erum vel undirbúin og afgreiðum
þau mál sem upp koma eins og til
er ætlast,“ segir Grímur að lokum.
Grímur lögreglustjóri Undirbúningur fyrir hátíðina í fullum gangi:
Enginn að gera þetta
í fyrsta skipti
Mikil reynsla til staðar Gott samstarf allra aðila
Öflug sveit lögreglufólks skiptir máli. Grímur Hergeirsson, lögreglustjóri, Tryggvi Kr. Ólafsson, lögreglufulltrúi og
Heiðar Hinriksson rannsóknarlögreglumaður.
” Í það heila verða hátt í fjörutíu
manns að störfum hjá okkur í
lögreglunni um þjóðhátíð. Fólk
sem gengur vaktir, rannsóknar-
lögreglumenn og fíkniefnaeftirlit
með þrjá hunda. Sautján koma frá
okkur og um tuttugu koma hingað
til starfa frá öðrum embættum.