Fréttir - Eyjafréttir - 26.07.2022, Síða 24

24 | | 26. júlí 2022
„Fyrir fjórum árum kom ung
stelpa sem við þekktum ekki og
kíkti inn. Spurði hvort þetta væri
hjólhýsið í Stuðmannamyndinni,
Með allt á hreinu? Þetta kom
okkur í opna skjöldu en sögðum
henni að líklega væri það nú rétt.
Við höfðum aldrei tekið eftir því
í myndinni en við nánari skoðun
sést það í senunni þegar Stinni
Stuð lenti í átökum á brúnni. Þar
er hjólhýsi fjölskyldunnar í bak-
grunni. Þessu hafði hún tekið eftir.
Var heilluð af því að vera komin í
hjólhýsið sem sést í myndinni sem
var tekin á Þórsþjóðhátíð 1982.
Löngu áður en hún fæddist,“ segir
Eyþór Harðarson í spjalli um hjól-
hýsi fjölskyldunnar sem í áratugi
var og er enn leiðarsteinn fólks á
leið í og úr Dalnum á þjóðhátíð.
„Mamma og pabbi keyptu
hjólhýsið sumarið 1973, gosárið.
Við ferðuðumst í því öll fjöl-
skyldan fyrstu sumrin. Það stóð
mörg sumur við Meðalfellsvatn, á
skika sem við deildum með Gulla
og Dóru sem keyptu samskonar
hjólhýsi á sama tíma. Þau voru
vinafólk foreldra okkar frá því á
Kirkjuveginum,“ segir Eyþór um
heimili fjölskyldunnar í Dalnum.
Foreldrarnir Hörður Jónsson,
skipstjóri og Sjöfn Guðjónsdóttir,
bónusdrottning og verslunareig-
andi, rak verslunina Hressó við
Vestmannabraut. Þau eru bæði
látin. Börnin eru Eyþór, tvíburarn-
ir Alda og Hrönn og Katrín og er
það Eyþór sem segir söguna.
Fyrst á Breiðabakka
„Þegar við fluttum heim til Eyja í
ágúst 1974 fylgdi hjólhýsið með
og var fyrst notað á Þjóðhátíð
á Breiðabakka 1975. Hefur það
verið notað með örfáum undan-
tekningum á þjóðhátíðum síðan
– alltaf sama hjólhýsið. Ef ég sé
gamlar þjóðhátíðarmyndir byrja
ég alltaf að tékka hvort og hvar
hjólhýsið var staðsett það ár,“
segir Eyþór.
„Í margar þjóðhátíðir vorum við
í götunni fyrir neðan Veltusund-
ið, í fyrsta stæðinu. Síðari árin
höfum við fundið okkur stað í
syðstu götunni á horninu. Þetta
eru stæði sem yfirleitt enginn
reyndi að ná í kapphlaupinu
mikla um tjaldstæðin. Horntjöldin
verða oft fyrir ónæði af gangandi
umferð og fólki sem skreppur
fyrir horn til að pissa. Núna erum
við á Golfgötu sem á ágætlega við
fjölskylduna, mörg okkar í golfi.
Það er líka kostur að fólk þarf
ekki að leggja götunafn og númer
á minnið ef það vill kíkja í kaffi.
Það er auðvelt að finna hjólhýsið.“
Golfgatan sú besta
Fjölskyldan heldur fast í hefðirn-
ar, ekki síst í mat og drykk þar
sem foreldrarnir lögðu línuna.
„Það fyrsta er að við förum öll
í sparifötin á föstudeginum og
mætum á setninguna. Á eftir
eru brauðtertur og kökur með
kaffinu í hjólhýsinu. Á föstu-
dagskvöldinu eftir brennu eru
hitaðar pylsur og að sjálfsögðu
allskonar matur, samlokur og
flatkökur sem eru á borðum alla
þjóðhátíðina. Á laugardeginum er
aftur hátíðarkaffi um miðjan dag
með nýsmurðu meðlæti og um
miðnætti á laugardagskvöldinu er
hituð gómsæt súpa. Yljar hún vel
eftir kvöldvökuna. Sunnudagurinn
er tekinn með miðdegiskaffi og
í kvöldmatinn eru kjúklingabitar
úr veitingatjaldinu. Borðaðir í
Dalnum fyrir lokakvöldið.“
„Staðsetningin gerir það að
verkum að margir reka inn nefið
eða heilsa uppá okkur fyrir utan
hjólhýsið sem er í gönguleiðinni
í og úr Dalnum. Einnig hefur
Hjólhýsið hýst fjölskylduna á þjóðhátíð frá 1975:
Leiðarsteinn fólks á leið í
og úr Dalnum
Hjólhýsið á sínum stað í Dalnum.
Katrín, Grettir, Arnar Gauti, Sara Sjöfn og Elís Þór í góðu yfirlæti.
” Staðsetningin
gerir það að
verkum að
margir reka
inn nefið eða
heilsa uppá
okkur fyrir utan
hjólhýsið sem er
í gönguleiðinni
í og úr Dalnum.
Einnig hefur
byggst upp
kjarni sem
vill tjalda á
sunnanverðri
Golfgötu.
Hjólhýsið tekur
vindinn á sig í
sunnanáttum.