Fréttir - Eyjafréttir - 24.02.2022, Qupperneq 7

24. febrúar 2022 | | 7
fæðingarstofuna í Eyjum með
tilkomu fjórða barnsins síðasta
sumar ,,Ég elskaði eyjarnar frá
fyrstu kynnum. Þar spilar inn
í náttúrufegurðin en ekki síður
skemmtilega stórfjölskyldan hans
Elíasar Inga sem stendur svo þétt
saman og er svo dugleg að hittast
og gera sér glaðan dag. Eftir að ég
flutti hingað sé ég æ betur að það
er einkennandi fyrir Eyjamenn að
njóta þess að hittast og gleðjast
saman. Mér finnst fólkið hérna
svo skemmtilegt og ræktarsamt.
Auk þess á ég hér elskulega
frænku, Katrínu Magnúsdóttur,
sem Vestmannaeyingum er að
góðu kunn.”
Endurvakti foreldramorgna
Síðasta haust höfðu séra Guð-
mundur og séra Viðar samband
við Sunnu Kristrúnu og lögðu
fram þá hugmynd að hún myndi
hafa forgöngu að endurvekja for-
eldramorgnana. ,,Það varð úr að
ég og kvenfélagið tókum höndum
saman og byrjuðum með starfið
nú á haustdögum.
Ég sakna þess stundum að vinna
í kirkju og geta samtvinnað
menntun mína eins og ég gat á
Akureyri. Það stóð því ekki á
svörum þegar sérarnir komu að
máli við mig og buðu mér þetta
tækifæri,” sagði Sunna Kristrún
en foreldramorgnar eru vettvangur
foreldra ungra barna til að hittast,
spjalla og fá sér kaffisopa. ,,Á
þessum stundum hittir maður aðra
á sama stað í lífinu og við það á
ákveðin jafningjafræðsla sér stað.
Svo fer fram ótrúlega dýrmætt
þroskatækifæri fyrir litlu krílin
sem hafa gaman af því að hittast
og leika og vera innan um ný
andlit. Ég skellti mér í Barna-
loppuna og fjárfesti í vönduðum
þroskaleikföngum í bland við
flott leikföng sem yndislegt fólk í
bænum gaf til starfsins.”
Foreldramorgnarnir eru haldnir á
hverjum miðvikudegi frá klukkan
10-12 í safnaðarheimili kirkjunnar
(gengið inn að austan). ,,Við erum
með mjög hlýlega aðstöðu og ekki
skemmir fyrir að kvenfélagskonur
bjóða upp á léttar veitingar og
snúast í kringum okkur eins og
yndislegar ömmur á kantinum.
Fyrsta miðvikudag í mánuði er
svo einhver skemmtun og fræðsla
og aðeins fínna með kaffinu.
Núna 2. mars ætlar Hildur Sólveig
sjúkraþjálfari til dæmis að fræða
okkur um góða líkamsstöðu og
líkamsbeitingu t.d. þegar haldið er
á litlu barni.”
Hvetja feður til að mæta
Covid hefur sett strik í reikninginn
hjá aðstandendum foreldramorgna
eins og hjá svo mörgum öðrum í
janúar og byrjun febrúar. ,,Annars
hefur gengið vonum framar síðan
í haust og góð mæting. Það er
greinilegt að þörfin er til staðar og
þessu vel tekið. Það er líka ekkert
leyndarmál að það hefur orðið
barnasprenging í bænum og þörfin
aukist því sem nemur. Við hvetj-
um feður í fæðingarorlofi til að
vera ófeimna að mæta. Það verður
tekið mjög vel á móti þeim. Þetta
heita ekki lengur mömmumorgnar
af ástæðu,” sagði Sunna Kristrún
en frekari upplýsingar má finna á
facebookhópnum Foreldramorgn-
ar Landakirkju.
Komin til að vera
,,Hjarta mitt er svo fullt af þak-
klæti yfir öllum þeim lífsgæðum
sem fylgdu því að flytja til Eyja.
Það kom svo skemmtilega á óvart
hversu vel var tekið á móti okkur
og manni mætti hlýja á hverju
horni. Ég segi stolt ef ég er spurð
í dag að ég held ég sé orðin Eyja-
kona, bara búin að vera hér í rúmt
ár. Hér er ég komin til að vera,”
sagði Sunna Kristrún að endingu.Sunna Kristrún og Elías Ingi vígðuvnýju fæðingarstofuna 7.7.21.
Á Lóðhátíð Vestmannaeyja 2021.
” Ég segi stolt ef ég er spurð í dag að
ég held ég sé orðin Eyjakona, bara
búin að vera hér í rúmt ár. Hér er ég
komin til að vera.