Fréttir - Eyjafréttir - 24.02.2022, Qupperneq 11

24. febrúar 2022 | | 11
Í apríl á síðasta ári opnaði
deilileiga fyrir rafskútur í Vest-
mannaeyjum undir merkinu
Hopp. Það eru þau Nanna
Berglind Davíðsdóttir og Jón
Þór Guðjónsson sem standa að
rekstrinum hér í Eyjum. Vest-
mannaeyjar eru fyrsti staður-
inn utan höfuðborgarsvæð-
isins þar sem leiga sem þessi
er sett á laggirnar en þeim
hefur fjölgað á landsbyggðinni
síðan. Við ræddum við Jón Þór
um þetta fyrsta starfsár en Jón
Þór hefur tekið saman ýmsar
áhugaverðar upplýsingar um
notkunina í Vestmannaeyjum.
Fimmtíuþúsund ferðir
í Vestmannaeyjum
Jón Þór segir skemmst frá því að
segja að viðtökurnar hafi farið
fram úr þeirra björtustu vonum.
„Jú algjörlega. Við byrjuðum líka
með 25 hjól og sáum strax að við
þurftum að bæta við. Tókum þá
önnur 20 til að svara eftirspurn.“
Í Eyjum hafa verið farnar tæplega
fimmtíuþúsund ferðir í þeim
hafa verið eknir samtals 66.292
kílómetrar til samanburðar er
ummál jarðar um miðbaug um
það bil 40.000 km svo það er búið
að Hoppa rúmlega einn og hálfan
hring í kringum hnöttinn.
Skilja bílinn eftir í Landeyjum
Jón Þór segir það ekki síður
áhugavert hversu margir hafi
stofnað aðgang að hopp í Vest-
mannaeyjum, en það hafa yfir
3000 notendur verið stofnaðir í
Eyjum. „Það eru allar líkur á að
þetta séu aðallega heimamenn, en
það má gera ráð fyrir að hluti af
þessari tölu séu aðkomufólk sem
stofnaði aðgang sinn í Eyjum,
og að hluti íbúa í Eyjum hafi
stofnað aðgang sinn á öðrum
stöðum. Þetta eru náttúrulega einu
almenningssamgöngur hérna í
eyjum. Það eru margir líka ofan
af landi farnir að skilja bílinn sinn
eftir í Landeyjum af því þeir vita
af Hopp í eyjum.“
Mikill dagamunur
Jón Þór segir leiguna hér og
nýtingu á hjólum vera mjög
góða miðað við annarsstaðar á
landinu. „Stærsti dagurinn hér fór
í 20 ferðir á hvert hjól í sumar.
Vestmannaeyjar hafa náð flestum
ferðum á hvert hjól á einum degi.
Við höfum líka séð minnst eina
ferð á öllum flotanum. En það
var síðasta vikan áður en við
kipptum hjólunum inn einfaldlega
vegna þess að það var ekki færi.“
Aðspurður hvenær Eyjamenn fái
hjólin aftur á götuna gat Jón Þór
engu lofað. „Það verður vonandi
sem fyrst. Fer eftir því hvað
veðurguðirnir ætla að vera góðir
við okkur.“
Umgengnin lagaðist eftir grein
Halldórs Björns
Víða um heim hafa rafskútur
verið gagnrýndar fyrir umgengni
og truflun á almennri umferð.
„Umgengnin hefur verið góð
upp til hópa, vissulega má alltaf
gera betur. Viðskilnaður við
hjólin hins vegar lagaðist töluvert
eftir greinina sem Halldór Björn
Sæþórsson gaf út. Við þökkum
honum fyrir að opna augun fyrir
heimamönnum varðandi viðskiln-
að á hjólunum svo að allir komist
leiðar sinna.“
Stækkandi floti
Jón Þór er stórhuga fyrir komandi
sumar. „Við munum bæta 20 hjól-
um við flotann en það er aðallega
vegna þess að hjólin hafa fengið
að þola ýmislegt. Erum þá með
65 hjól í heildina. Við áætlum að
halda um 50 hjólum á götunum
til þess að svara eftirspurn.“ Jón
Þór hafði þetta að segja að lokum.
„Við viljum þakka innilega fyrir
góðar viðtökur árið 2021 og von-
andi getum við gert betur á þessu
ári. Eyjamenn og gestir spöruðu
8,15 tonn af koltvísýring á síðasta
ári með sinni hopp notkun. Minni
mengun, meira Hopp!“
Hoppað rúmlega einn og hálfan
hring í kringum jörðina
Meðfylgjandi „hitamynd“ sýnir hvar hjólunum er oftast ekið.
Nanna Berglind Davíðsdóttir og Jón Þór Guðjónsson Hopp-arar.